तीतुस 1:16 - पुना गच्छरना NT (BSI)

¹⁶ आर ब'अनर का धर्मेसिन अख़दम। लिकिन आर ही नलख ईद'ई का आर मानिम नू धर्मेसिन बलनर एन्‍देरगेका आर ख़ाँड़'ऊ अरा कत्‍था मल पॆस्र'ऊ हिकनर, अरा एकअम दौ नलख नना गे जॊगे मलनर।

तीतुस 1:16 ပူးပေါင်းရင်းမြစ်များ

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

इफेसुस 5:6

नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।

1 तीमोथियुस 1:9

नाम अउरिम अख़दत का नॆग उजगो आलर गे मला, नॆग ही बिड़दो ननुर गे दिम नॆग कम्रकी र'ई। ईद मल पॆस्र'ऊर, महबा मलकर, पपहर, नेम्‍हा मलकर, सोतरर, बंग पिटुर, अयंग पिटुर, आल पिटुर,

1 तीमोथियुस 5:8

लिकिन नॆ तंग्‍है पाहियर ही अरा कोड़हे तंग्‍है एड़पातर गे संगरा मल नन्‍दस होले, आस पत्त'अना ती नटरकादस। अरा आस मल पत्त‍'ऊ आलर ती हों मलदौ र'अस।

2 तीमोथियुस 3:17

इत्रु धर्मेसी आलस बड़ियर मन्दस अरा उर्मी दौ नलख नना गे सपड़ारका र'अदस।

तीतुस 3:1

पत्त'ऊ आलारिन सुरता नन्‍त'आ का आर गे राजी ननुर अरा अक्‍स'उर ही आकुस नू र'अना र'ई। अरा आरहीन पॆस्रना ती उर्मी दौ नलख गे सपड़ारका र'अना र'ई।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

1 यॊहन 2:4

एकअम ओर्तस ब'अदस का, “धर्मेसिन ऎन अख़दन,” लिकिन आस धर्मेसी पॆसका गुट्ठिन मल पॆस्रदस होले, आस ठक'उस र'अदस, अरा आस मानी लगे मल उज्जदस।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।

दहदर मंजका कत्‍था 21:27

अरा अइय्या एकअम सोतबोड़'आ आलॊ मल कोर'ओ, अरा घिनघिना नलख ननू आलर अरा ठकवा कत्‍था कम'ऊ आलर अइय्या मल कोर'ओर। लिकिन नॆख'आ नामे भेंडो ख़द्दासी उज्‍जना ही पुथी नू लिख्रकी र'ई, आर लेका आ नगरे नू कोर'ओर।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”