तीतुस 1:15 - पुना गच्छरना NT (BSI)

¹⁵ अरिगा आलर गे उर्मी जिनिस अरिगा र'ई। लिकिन अरिगा मलका अरा मल पत्त'उर गे एन्‍द्रा हूँ अरिगा मल्‍ला। एन्‍देरगेका आर ही लूर अरा लखना गुट्ठी दुयो बगड़ारकी र'ई।

तीतुस 1:15 ပူးပေါင်းရင်းမြစ်များ

मत्तायोस 15:18

लिकिन एकदा बई ती उरखी आद जिया ती उरखी अरा आदिम आलारिन सोतबोड़'आ ननी।

त‍इरकर 10:15

लिकिन अउरिम दोसर खेप आस गे आ ब'अना मेन्‍द्रा, “धर्मेस नेम्‍हा नंजकादस, अदिन नीन सोतबोड़'आ अमा ब'आ।”

रोमी 14:14

ऎन उर्बस मसीस नू र'अना चड्डे, ऎन मानिम अख़दन का उर्मी ओन्ना-मॊख़ना तमा नू सोतबोड़'आ मलकी। लिकिन एकास एकअम ओन्ना-मॊख़नन सोतबोड़'आ पत्त'अदस होले आद आस गे सोतबोड़'आ दिम र'ई।

रोमी 14:20

ओन्ना-मॊख़ना धर्मेस म‍इय्याँ नाम नंजका पत्त'अना आबोन अम्‍बन बगड़'आ नेकअन। उर्मी ओन्ना-मॊख़ना बॆस गा र'ई, लिकिन एका ओर्तस ओन्ना-मॊख़ना चड्डे नन्नारिन पाप नू मूड़त'अदस होले आद आस गे मलदौ र'ई।

रोमी 14:23

लिकिन एकास एका ओन्ना-मॊख़नन ठुकठुकी मनदस ती ओन्दस मॊख़दस होले आस तान तंग्‍गानिम बदी ठेकाब'अदस। एन्‍देरगेका आस अदिन बॆस मल पत्ताचस। अरा इन्द्रिइम ईद दौ एन्ने मल पत्त'अना ती नन्नर होले आद पाप हवे।

1 कोरिन्‍थ 10:23

निम्है ती जोक्कोर ब'अनर, “उर्मिन एंगा नना गे अदिया र'ई।” लिकिन उर्मिन नन्‍ना नू फैदा मलकी, उर्मिन एंगा नना गे अदिया र'ई, लिकिन उर्मी गा परदा गे सहाड़ा मल चि'ई।

1 कोरिन्‍थ 10:25

अहड़ा बजार नू बीस्रना एकअम अहड़न निम्है लखना अदही पत्त नू बिड़दो इन्द्रिइम मल ब'अना चड्डे इन्द्रिइम बिगर मेंजकम नीम ख़ेन्‍दा ती मॊख़ा ओंग्‍दर।

1 कोरिन्‍थ 10:31

औंगे नीम ओनोर महले मॊख़ोर महले इन्द्रिइम ननोर, उर्मिन धर्मेसी महबा गे नना।

1 कोरिन्‍थ 8:7

लिकिन उर्मी पत्त'ऊ आलर ई लूरन मल ख़क्‍खियर। जोक्‍क आलर अक्‍कु गूटी मूर्ती गुट्ठिन मानिम आलॊ एन्ने सोचनर। औंगे मूर्ती गुट्ठी गे दाँड़े अरगका ओन्ना-मॊख़नन मॊख़ना बारी, आद मूर्ती गुट्ठी गे दाँड़े अरगका ओन्ना-मॊख़ना एन्ने दिम सोचनर। अरा आर ही लखना इदही पत्त नू फरी मल र'अना चड्डे आद मड़ख़ी क'ई।

1 तीमोथियुस 6:5

अरा रेन्‍द नग्गानखरना नन्‍तेम र'अना मनी। एन्ने आर ही बुधी बगड़ारकी किरकी र'ई। अरा आर मानी ती खत्रका केरका र'अनर। आर घोकनर का महबा अर्ज'अना ही डहरे।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

इब्रानी 12:15

चिहुंक नन्‍ते र'आ का नॆ हूँ धर्मेसी मया आबोन ख़क्‍ख'आ गे अम्‍बोर अम्‍बर'आ, अरा एक‍अम ख़ड़ख़ा निम्‍है मझी नू उरखा गे अमा चि'आ। आद निमा दुक्‍खे चि'अरकी बग्‍गे आलारिन सोतबोड़'आ ननो चि'ओ।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।