तीतुस 1:14 - पुना गच्छरना NT (BSI)

¹⁴ आर गे यहूदीर ही ख़ीरी धंधा गुट्ठी अरा मानिम ती बेहड़ारका केरकर ही पॆसका गुट्ठिन मल मेन्ना र'ई।

तीतुस 1:14 ပူးပေါင်းရင်းမြစ်များ

मत्तायोस 15:9

ईर अनभनियाँ नू एंग्‍है महबा नन्नर, ईर गा आलर ही कमचका पॆसकन धर्मेसी पॆसका ब'अरकी सिखाब'अनर।’”

मरकुस 7:7

ईर अनभनियाँ नू एंग्‍है महबा नन्नर, ईर गा आलर ही कमचका पॆसकन धर्मेसी पॆसका ब'अरकी सिखाब'अनर’।

गलातिया 4:9

लिकिन अक्‍कु नीम धर्मेसिन अक्‍ख ख़च्‍चिकर। मानिम नू धर्मेस ती नीम अक्कर। होले नीम एकन्ने पयहा अरा लंडी सिखाब'अना तरा किर्रदर? अउरिम अबड़ा ही जॊंख़ मना बेद्ददर।

कोलोस्से 2:22

इबड़ा उर्मी आलॊ बउरारनुम बउरारनुम नठार'ओ, एन्‍देरगेका इबड़ा आलर ही पॆसका अरा सिखाबाचका गुट्ठी हवे।

2 तीमोथियुस 4:4

अरा आर मानिम कत्‍थन मेना मल बेद्दनर अरा ख़ीरी धंधा आबोन मेन्नर।

तीतुस 3:11

इदन नीन अख़'आ ओंग्दय का एन्ने आलस बेड़ारकादस‍ अरा पपहा र'अदस अरा तान तंगानिम बदी नन्‍दस।

इब्रानी 12:25

औंगे चिहुंक र'आ का निम्‍है गुसन ब'ऊ धर्मेसिन मेना गे बिड़दो मुंही अमा नना। ख़ॆख़ेल नू मूसासी चेताब'अनन मेना गे इस्राऎल आलर बिड़दो मुंही नंजर ती आर पोल्‍लर बछर'आ। अन्ने होले नाम मेर्ख़ा ती चेताब'उसिन मेना गे बिड़दो मुंही ननोत ती एकासे बछर'ओत?

2 पतरस 2:22

ई ब'अना गुट्ठी ईर गे ठौका उक्की का “अल्ला तंग्है पुतुरका तरम पछली किर्री,” अरा “एमताचका किस्सी अउरिम चॊतोर नुम लोटोर'आ किर्रिम ब'ई।”