तीतुस 1:11 - पुना गच्छरना NT (BSI)

¹¹ ईरिन एन्ने ब'आ गे अमा चि'आ। ईर तम्‍है मलदौ सिखाब'अना ती एड़पा एड़पन बगड़'अनर चि'अनर। ईर इदन ढिबा गे लेका एन्ने नन्नर।

तीतुस 1:11 ပူးပေါင်းရင်းမြစ်များ

मत्तायोस 23:13

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम आलर ही मुन्‍दहारे मेर्ख़ा बलिन मुच्‍चदर। नीमिम हूँ कोरदर मला अरा कुर'उरिन हूँ कोर'आ मल चि'अदर। [

लू‍कस 20:40

अरा इदही ख़ॊख़ा आर गे येसुसिन इन्द्रिइम मेना गे डिढ मल मंजा।

यॊहनस 10:12

बनियहार आलस गा भेंडो गुट्ठी ही उर्बस मलदस। अरा आस भुसुड़ बरनन एरदस ख़ने, आस भेंडो गुट्ठिन अम्‍बदस ती बोंगदस कादस। ख़ने भुसुड़ अबड़न बच्‍ची हुं'ई, अरा भिड़क'ई चि'ई।

रोमी 3:19

नाम अख़दत का धर्मेसी पॆसका एन्‍देर ब'ई, इबड़ा पॆसका ही तबे नू र'ऊ आलर गे तिंगी। औंगे नाम उर्मी यहूदीर गे एन्‍द्रा हूँ ब'अना ही ओदहा मलकी। एन्ने गोट्टा ख़ॆख़ेल ता आलर गे धर्मेसी रायबड़ी नू तम्‍है लेखा चि'अना र'ई।

2 कोरिन्‍थ 11:10

मसीसी मानिम एंग्है नू र'ई, ईद मानिम दिम हिके। अन्नेम अख़या चक नू र'ऊ नॆ हूँ एंगन ई फुलई मन्ना ती छेक'आ पोल्लोर, ईद हूँ मानिम हिके।

1 तीमोथियुस 5:13

इदही गने आर लंडी मना हेभ्रनर। अरा एड़पा एड़पा जलिय'आ कुद्दनर, अरा नन्नर ही नलख नू नूता बेद्दनर, अरा एका कत्‍थन मल कछनख्रना र'ई अदिन कछनख्रनर।

1 तीमोथियुस 5:4

लिकिन एका रड़ियाही ही ख़द्द-ख़र्रा महले नती नतकुर र'अनर होले, आर मुन्‍द तम्‍है ख़ोतन ख़ापोर ती महबा नना गे सिख्रनर नेक‍अन। एन्ने आर तम्‍है अयंग बंगर अरा अज्‍जी अज्‍जोर गे एन्देर नन्ना र'ई अदन नन्नर नेक‍अन। एन्‍देरगेका ईदिम धर्मेस गे दौ लग्‍गी।

1 तीमोथियुस 6:5

अरा रेन्‍द नग्गानखरना नन्‍तेम र'अना मनी। एन्ने आर ही बुधी बगड़ारकी किरकी र'ई। अरा आर मानी ती खत्रका केरका र'अनर। आर घोकनर का महबा अर्ज'अना ही डहरे।

2 तीमोथियुस 2:18

आर मानिम कत्‍था सिखाब'अनन अमबियर चिच्‍चर। आर ब'अनर का केचका ती उज्‍जा चो'अना मंज ख़च्‍चकी र'ई। एन्ने ब'अना ती जोक्‍क आलर ही पत्त'अनन बगड़'अनर।

2 तीमोथियुस 3:6

इबड़र तिम जोक्‍क आलर एड़पा नू कलेकले कोरनर ती छिनैर मुक्‍कारिन तम्‍है आकुस नू नन्नर, एकार उर्मी रकम ही सुख-सौंरत गुट्ठी नू अरा पाप गुट्ठी ती लिन्‍डरकानर।

तीतुस 1:7

कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।

तीतुस 1:9

अरा आस गे सिखाबाचका मानिम कत्‍था नू जिट जिट र'अना र'ई। होले आस आसी दौ सिखाब'अना ती नन्ना आलर गे संगरा नना ओंगोस। अरा अदही बिड़दो ब'उर ही ब‍इय्यन उट'आ ओंगोस।

तीतुस 3:10

आलारिन छिंडुसिन ओंग्‍‍होल, दुई हॆल तिगाब'आ ती तरकूटी र'आ।