तीतुस 1:10 - पुना गच्छरना NT (BSI)

¹⁰ एन्‍देरगेका नगदे आलर मल गदन‍'ऊ अरा अन्‍भनियाँ कछनख्र‍'ऊ अरा ठक‍'ऊ र'अनर। कोड़हे गा नाड़र'आ गे खतना ही चाड़ र'ई ब'ऊ आलर एन्ने र'अनर।

तीतुस 1:10 ပူးပေါင်းရင်းမြစ်များ

मत्तायोस 23:14

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम रड़ियाहिरिन ठकदर ती आरिन अमल'अदर। अरा नीम धरम नू निमन कोहाँ ऎद'आ गे दिगहा दिगहा बिन्‍ती नन्‍दर। औंगे धर्मेस निमा गे कोड़हे दंडे चि'ओस दिम।]

त‍इरकर 11:2

औंगे पतरस येरुसलॆम अंड़सियस ख़ने, यहूदी पत्त'ऊ आलर आसी गने आनानख्रर।

त‍इरकर 15:1

जोक्‍क आलर यूदेया राजी ती सीरिया राजी ता अन्‍तियोख़ेया बरचर ती नन-यहूदी पत्त'उरिन एन्ने सिखाब'आ लगियर, “मूसासी सिखाबाचका नॆग ही लेक्‍खा निम्‍है खतना मल मनो होले नीम नाड़र'आ पोल्‍लोर।”

त‍इरकर 15:24

ऎम मेंजकादम का एम्‍है ती जोक्‍क भ‍इ‍य्योर निम्‍है हेद्दे बरचर ती तम्‍है कत्था ती निमन अकबकाम बाचर अरा निमन हदियाचर। लिकिन आर गे ऎम एन्ने एन्‍देर पॆसका हूँ मल चिच्का रहचकम।

त‍इरकर 20:29

ऎन अख़दन का एंग्‍है केरका ख़ॊख़ा खरिखन मल अम्‍बना चर्रू मूख़ू भुसुड़ गुट्ठी निम्है मझी नू बर'ओ।

गलातिया 2:4

ऎम इबड़ा कत्‍थन इदगे तिंकम का जोक्को ठकवा पत्त'ऊ भईर कलेकसे नम्है मझी नू कोरचकाचर अरा आर मसी येसुस नू नमा ख़क्‍ख्रकी र'ई आ छछिन्‍द आबोन हो'आ गे अरा अत्रु ती नमन मूसासी नॆग ही जॊंख़ कम'आ गे अन्‍थन जॊहना लेक्‍खा बरचका रहचर।

गलातिया 3:1

अना बोया गलातिया ता आलारो! नॆ निमन नस्‍सा? येसु मसीसिन क्रुस नू ठोकचर अदिन निम्‍है ख़न्न ही मुन्‍दहारे ऎदका रहचा।

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

1 तीमोथियुस 1:4

अरा तेंगना ख़ीरी गुट्ठी नू अरा मल मुंज्रना खुटी गुट्ठी नू तंम्‍‍है बेड़न अनभनियाँ मुंजनन अम्‍बा गे आना। इत्रु ती आनानखरना गुट्ठी लेका मनी, अरा धर्मेस नू आलर गे पत्त'अना ही उज्‍जना उज्‍जा गे संगरा मल मनी।

1 तीमोथियुस 1:6

लिकिन जोक्‍क आलर इदिन अम्‍बियर ती अनभनियाँ कछनख्रना गुट्ठी नू एबस्रकानर।

1 तीमोथियुस 1:9

नाम अउरिम अख़दत का नॆग उजगो आलर गे मला, नॆग ही बिड़दो ननुर गे दिम नॆग कम्रकी र'ई। ईद मल पॆस्र'ऊर, महबा मलकर, पपहर, नेम्‍हा मलकर, सोतरर, बंग पिटुर, अयंग पिटुर, आल पिटुर,

2 तीमोथियुस 3:13

लिकिन मलदौ आलर अरा भुरिंयु आलर दगा चि'अनुम अरा दगा मूख़नुम बगड़ारते किर्रिमबि'ओर।

2 तीमोथियुस 4:4

अरा आर मानिम कत्‍थन मेना मल बेद्दनर अरा ख़ीरी धंधा आबोन मेन्नर।

तीतुस 1:6

सेयान आलस गे ओक्‍कना इजना नू बिगर बदी ही अरा ओन्‍टा लेका मुक्‍का ही मॆत र'अना र'ई। आसी ख़द्द-ख़र्रा पत्त'ऊ र'अना र'ई, अरा आर भड़ुवा नलख ननू अरा मल गदन‍'ऊ मल र'अना र'ई।

याकॊब 1:26

नीकईम तंगन भगतस एन्ने सोचदस, लिकिन तंग्है बइय्यन मल सम्ड़ह'अदस होले, आस तंगन फोकाब'अदस। आसी भगती अन्‍भनियाँ मनो।

1 यॊहन 2:18

अना ख़द्दारो, ईद छेद्द उल्ला हवे। नीम मेंजकादर का ठकवा मसीस बर'आ लगदस। अक्कु गूटी कैनो ठकवा मसीर चॊचकानर। इत्रु ती नाम अख़दत का छेद्दे बेड़ा अंड़सा ख़च्चकी र'ई।

1 यॊहन 2:4

एकअम ओर्तस ब'अदस का, “धर्मेसिन ऎन अख़दन,” लिकिन आस धर्मेसी पॆसका गुट्ठिन मल पॆस्रदस होले, आस ठक'उस र'अदस, अरा आस मानी लगे मल उज्जदस।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।

दहदर मंजका कत्‍था 2:14

अन्नु हूँ एंगा गे निंग्हा बिड़दो नू जोक्क कत्था र'ई। निम्‍है नू बालामसी सिखाब'अनन मन'ऊ जोक्क आलर र'अनर। ई बालामस दिम बालाक बॆलासिन इस्राऎल आलारिन मूड़त'आ गे सलहा चिच्‍चस का, आर मूर्ती गुट्ठी गे दाँड़े अरगका ओन्ना-मॊख़नन मॊख़ोर अरा पेहरन ही सोतरा नलखन ननोर।

दहदर मंजका कत्‍था 2:6

लिकिन निंग्‍है नू ओन्टा बॆस कत्‍था र'ई का: नीन एंग्‍है लेक्‍खम निकोलाय धरम ता आलर ही नलख गुट्ठिन ख़ाँड़दय।