तीतुस 1:1 - पुना गच्छरना NT (BSI)

¹ ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।

तीतुस 1:1 ပူးပေါင်းရင်းမြစ်များ

लू‍कस 18:7

होले एन्‍देर धर्मेस तंग्‍है चज्जिका आलारिन नॆ उल्‍ला माख़ा आसिन गोहरारते र'अनर आर गे नेंव‍ई तिजाम मल ननोस का? एन्‍देर आस आर ही पत्त नू दिरी ननोस का?

त‍इरकर 13:48

नन-यहूदीर इदिन मेंजर ख़ने, रिझ्र'आ हेलरर अरा धर्मेसी कत्‍था ही ओहमा नना लगियर। एका बग्‍गे आलर मुंजा मलका गुटी उज्‍जना गे चज्रकाचर, अबड़र दौ कत्‍थन पत्ताचर।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

इफेसुस 2:8

मसीस मइय्याँ ता पत्त'अना ती धर्मेसी सोग्‍गे ती नीम नाड़रदर। ईद निम्‍है चिहुट ती मल्‍ला मंजका, लिकिन ईद धर्मेसी इनाम हवे।

फिलिप्‍पी 1:1

मसी येसुसी जॊंख़म पौलुस अरा तीमोथियुस फिलिप्‍पी नगरे नू मसी येसुसी र'अना उर्मी नेम्‍हा आलर‍ गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।

कोलोस्से 2:2

नीम हूँ अरा आर हूँ रिझ्रारकी चोन्‍हा ती मेस्रका र'अना र'ई, ईद दिम एंग्है मने हवे। होले नीम उर्मी बुझुरना गने अजगुत आसीसन ख़क्‍खोर ती धर्मेसी गम आबोन अख़'ओर चि'ओर। आ गम मसीस दिम हवे।

1 तीमोथियुस 2:4

आस उर्मी आलारिन नाड़ा गे अरा मानिम आबोन बॆस लगे बुझ्र'आ गे बेद्ददस।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

1 तीमोथियुस 6:3

एक‍अम आलस नन्ना रकम ही सिखाब'अना आबोन सिखाब'अदस अरा येसु मसीसी मानिम सिखाब'अना अरा धर्मेसिन सुसर नना गे मानिम डहरेन ईद‍'ऊ सिख़ाब'अना ही बिड़दो र'अदस होले,

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

2 तीमोथियुस 2:23

अरा मोठ‍ई अरा अनभनियाँ आनानखरना गुट्ठी ती तरकूटी र'आ। एन्‍देरगेका नीन अख़दय का अत्रु अरबानखरना गुट्ठी मनी।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

याकॊब 1:1

धर्मेस अरा उर्बस येसु मसीसी जॊंख़न ऎन याकॊब, तम्है राजी ती बहरी बींड़रका इस्राऎल आलर ही बारा गोतोर ता पत्त'ऊ आलर निमा गे मोंजरा नन्दन ती ई चिठिन लिखदन।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

2 पतरस 3:11

ई लेक्खम इबड़ा उर्मिम नठारना र'अना ती, नीम एका लेक्खा आलर र'अना र'ई? नीम धर्मेस गे इल्चका ती नेम्हा उज्जनन उज्जना र'ई।

1 यॊहन 2:23

नॆ ख़द्दासिन मल हुकमारदस आस गुसन बंगस हूँ मल र'अदस, अरा नॆ ख़द्दासिन मनदस आसी गुसन बंगस हूँ र'अदस।

दहदर मंजका कत्‍था 1:1

ईद येसु मसीसी चिच्का दहदर हवे। चाँड़हेम मन्ना कत्था गुट्ठिन तंग्है जॊंख़र गे ऎद'आ गे धर्मेस ई दहदर आबोन येसु मसीस गे चिच्चस। येसुस तंग्है पैकासिन तइय्यस ती तंग्है जॊंख़स यॊहनस गे इदन अख़ताचस।