रोमी 9:5 - पुना गच्छरना NT (BSI)

⁵ आर अब्राहमस, इसाक, याकॊबसी जंईपुंई हिकनर, अरा आर ही बनस ती दिम कया नू मसीस हूँ कुन्‍द्रस। ईस दिम उर्मी ती कोहाँ धर्मेस, ईसी दिम हुल्‍लो ती हुल्‍लो गूटी ओहमा मनन। आमेन।

रोमी 9:5 ပူးပေါင်းရင်းမြစ်များ

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

लू‍कस 20:44

दाऊदस गा तानिम आसिन उर्बस ब'अदस, होले आस दाऊदसी पिड़ही ता लेका मला आसी उर्बस हूँ हिकदस।”

यॊहनस 10:30

ऎन दरा बंगस ओन्‍टे दिम हिकदम।”

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

रोमी 1:25

आर धर्मेसी पत्त ता मानिमन अम्‍बियर ती ठकनन इंझ्रर। अरा आर सदौ सदौ ओहमा नन्ना जॊगे धर्मेसी ऊजी नू धर्मेस ती गढ़चका आलॊन महबा नंजर। आमेन!

रोमी 1:3

ई दौ कत्‍था तंग्‍है ख़द्दासी पत्त नू र'ई। आस आल कया ती गा दाऊद बॆलासी बनस नू कुन्‍द्रस।

रोमी 10:12

यहूदीर अरा नन-यहूदीर नू एन्‍देर हूँ भोड़ मलकी, ओर्मर ही ओन्‍टे लेका उर्बस र'अदस। आसिम सहाड़ा गे आसिन गोहरारनर अबड़ा ओर्मारिन बरकत नन्‍दस।

रोमी 11:28

यहूदीर दौ कत्‍थन इंझ्र'आ गे मने मल नन्नर, औंगे आर धर्मेसी बैरी हिकनर। इदही चड्डे नन-यहूदीर दौ ख़क्‍खियर। लिकिन चाजरना ही चड्डे अरा आर ही पूरखर अब्राहम, इसाक, अरा याकॊबस गे चिच्का गच्‍छरना ही चड्डे धर्मेस आर म‍इय्याँ अक्‍कु गूटी चोन्‍हा नन्‍दस।

1 कोरिन्‍थ 14:16

मला होले नीम निम्‍है बॊलता ती धर्मेसिन ओहमा ननो बारी, नेम्‍हा बॊलतासी इनाम गुट्ठी ही पत्त नू बल्‍लू आलस निम्‍है मझी र'अदस होले, निम्‍है ओहमा नन्‍नन मेनोस ती आस एकासे “आमेन” ब'ओस। एन्‍देरगेका नीम एन्‍देर बाचकर अदिन आस गा बलदस।

2 कोरिन्‍थ 11:31

हुल्‍लो ती हुल्‍लो गूटी ओहमा ख़क्ख'ऊ धर्मेस अरा उर्बा येसुसी बंगस अख़दस का ऎन मल ठकदन।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

1 तीमोथियुस 6:15

धर्मेस दिम ठौका बेड़ा नू येसुसिन दहदर ननोस। धर्मेस दिम ओहमा ही जॊगे ओन्‍टे राजी ननू र'अदस। अरा आस बॆलर ही बॆलस अरा उर्बर ही उर्बस हिकदस।

2 तीमोथियुस 2:8

सगरो सोच नना का येसु मसीस दाऊद बॆलासी बनस नू बरचस। आस केचका ती उज्‍जा चॊचस। ईदिम एंग्‍है मेन्‍त'अना दौ कत्‍था।

इब्रानी 7:24

लिकिन येसुस गा जनमजुग गूटी उज्‍जदस, ई चड्डे आसी नैग नलख जनमजुग गे मल गुछर'ई।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

दहदर मंजका कत्‍था 1:18

अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।

दहदर मंजका कत्‍था 22:16

ऎन येसु एंग्‍है पैकासिन इदगे तइय्कन का आस इबड़ा कत्‍था गुट्ठी ही पत्त नू कलीसिया गुट्ठी नू निमा गे तेंगोस। ऎन दाऊद बॆलासी कोड़हे मुध जंईपुंई हिकदन, अरा ऎन लौकारना बिज-बीनको हिकदन।”

दहदर मंजका कत्‍था 22:20

इबड़ा कत्‍था गुट्ठी गे गोवाह चि'ऊ येसुस ब'अदस, “हाँ, ऎन चाँड़हे बर'आ लगदन।” आमेन! अना येसु उर्बायो बरा!

दहदर मंजका कत्‍था 5:14

अरा अबड़ा चरियो उज्‍जना आलॊ बाचा, “आमेन।” अरा अबड़ा सेयान आलर ख़ेडमूली खत्रर ती ऒड़ लग्गियर।