रोमी 9:30 - पुना गच्छरना NT (BSI)

³⁰ होले नाम एन्‍देर ब'ओत? नन-यहूदीर उजगो मन्नन मल बेद्दा कुद्दालियर, लिकिन आर तम्‍है पत्त'अना ही चड्डे उजगो मंजर।

रोमी 9:30 ပူးပေါင်းရင်းမြစ်များ

रोमी 10:10

एन्‍देरगेका जिया ती पत्त'अना चड्डे आलस उजगो मन्‍दस अरा ब‍ई ती तंग्‍है पत्त'अनन तेंगरना चड्डे नाड़रदस।

रोमी 10:20

धर्मेसी कत्‍था तिंगू यसायास हूँ डिढ नंजस ती धर्मेसी ई कत्‍थन ब'अदस, “नॆ एंगन मल बेद्दा लगियर अबड़र एंगन ख़क्‍खियर अरा नॆ एंग्‍है पत्त नू मल मेनालियर आर गे ऎन एंगन दहदर नंजकन।”

रोमी 10:6

लिकिन पत्त'अना ती उजगो मन्ना इदिन ब'ई, “नीम निम्‍है जिया नू एन्ने अमा सोच'आ का ‘नॆ मेर्ख़ा क'ओ?’ अन्‍ति मसीसिन किय्या ओन्‍द्र'आ गे।

रोमी 3:5

एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

रोमी 4:11

अब्राहमस खतना मंजका ही मुन्‍द दिम तंग्‍है पत्त'अना ती ख़क्ख्रका उजगो आबोन ऎद'आ गे ख़ॊख़ा आस खतना आबोन ओन्‍टा चिन्‍हा लेक्‍खा ख़क्‍खियस। औंगे बिगर खतना ती हूँ ओर्मा पत्त'उर गे अब्राहमस बंग मनदस। ईर तम्‍है पत्त'अना ती उजगो आल मन्नर।

रोमी 4:13

अब्राहमस अरा आसी बनस गोट्टा ख़ॆख़ेलन ख़क्‍ख'ओर एन्ने धर्मेस ती गच्‍छरका ख़क्‍खियर। ई गच्‍छरका पॆसकन पॆस्रना ती मला लिकिन पत्त'अना ती धर्मेसी ऎरना नू उजगो आल मन्ना ती ख़क्‍ख्रकी रहचा।

रोमी 4:22

ई चड्डे तंग्‍है पत्त'अना ती अब्राहमस उजगो लेखरस।

रोमी 4:9

ई आसीस खतना मंजका आलर ही लेका का, महले बेगर खतना मंजका आलर गे हूँ र'ई का? नाम एन्ने ब'अदत का अब्राहमसिन धर्मेस आसी पत्त'अना ती उजगो मनचस।

रोमी 5:1

औंगे नाम पत्त'अना ती उजगो आल मन्‍तारदत, होले नम्‍है उर्बस येसु मसीस ती धर्मेस गने ओक्‍कना इजना र'ई।

रोमी 9:14

तहाँ नाम एन्‍देर ब'ओत? एन्‍देर धर्मेस भितरी बहरी मनदस का? कहियों मला।

रोमी 9:31

इस्राऎल आलर गा उजगो मना गे नॆगन पॆस्रर ती पूरा नना गे बेद्दा कुद्दालियर, लिकिन अदिन आर मल ख़क्‍खियर।

गलातिया 2:16

अन्नु हूँ नाम अख़दत, आलर नॆग ही नलख ती मला, लिकिन येसु मसीसिन पत्त'ओर ती उजगो आल मनोर। इदगे नाम मसी येसुस नू पत्ताचकादत, एकत्रु नाम नॆग ही नलख ती मला, लिकिन येसु मसीस नू पत्त'अना ती उजगो आल मनोत, एन्‍देरगेका नॆग ही नलख ती नॆ हूँ उजगो मना पोल्‍लोर।”

गलातिया 3:24

औंगे नॆग नमन मसीस हेद्दे ओन्‍द्र'आ गे नम्‍है ईरू-ख़ूजू मंजा का नाम पत्त'अना ती उजगो आल मनोत।

गलातिया 3:8

नेम्‍हा पुथी नू मुन्‍द तिम लिख्रकी र'ई, “धर्मेस पत्त'अना ती नन-यहूदीरिन उजगो आल कम'ओस। औंगे आस अब्राहमस गे ई दौ कत्‍थन मेन्ताचस, ‘उर्मी आलर निंग्‍है ती आसीस ख़क्‍खोर।’”

गलातिया 5:5

एन्‍देरगेका ऎम गा नेम्‍हा बॊलता ती पत्त'अना गने धर्मेस नमा गच्छरका उजगो ख़क्‍खा गे पाब ऎरदम।

इफेसुस 2:12

आ बारी नीम एकासे रहचकर अदिन सुरता नना। आ बारी नीम मसीस ती गेच्‍छा रहचकर, अरा धर्मेस ती चजरका इस्राऎल आलर ता मल रहचकर, अरा धर्मेस आर ही गने नंजका गच्‍छरना गुट्ठिन बल्‍ला लिक्‍कर। अरा नीम असरा मलका आलर, अरा धर्मेस मलका आलर लेक्‍खा ख़ॆख़ेल नू उज्‍जकर।

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

इब्रानी 11:7

पत्त'अना ती नूहस आ बेड़ा गूटी मल ऎथ्रका कत्‍था गुट्ठी ही चेता ब'अनन ख़क्‍खियस ती धर्मेसिन मन्‍चस। अरा आस तंग्‍है एड़पातारिन बया बड़ही ती बछर'आ गे कोहाँ डोंगा कमचस। अरा आस तंग्‍है पत्त'अना ती आ बेड़ा ता ख़ॆख़ेल ता उर्मी आलारिन बदी ठेकाबाचस, अरा पत्त'अना ती मनी आ उजगो आबोन ख़क्‍खियस।

1 पतरस 4:3

नीम मुन्द धर्मेसिन बल्लुर पत्तारना नलख गुट्ठिन नन्ना ती रिरयारर ती बग्गे बेड़न बहाबाचकर। नीम पेहरन ही सोतरा नलख नू, अरा मलदौ सुख-सौंरत गुट्ठी नू, अरा उंखना नू, अरा रिझ-रंग नू, अरा अरखी ओन्ना मदी गुट्ठी नू, अरा बिगर नॆग ही मूर्ती गुट्ठी गे ऒड़ लग्गना नू उज्जा लिक्कर।