रोमी 9:22 - पुना गच्छरना NT (BSI)

²² ई लेक्‍खम धर्मेस हूँ तंग्‍है ख़ीस ऎद'आ गे अरा तंग्‍है सवंगन दहदर नन्‍ना ही मने र'ई। लिकिन आस आलर ही म‍इय्याँ तंग्‍है कोड़हे कयास नंजस एकार आसी ख़ीस ही संजगी रहचर एकाबड़ा नठाब'आ गे सपड़ाचका रहचा।

रोमी 9:22 ပူးပေါင်းရင်းမြစ်များ

रोमी 1:18

नॆ मलदौ ती मानिम आबोन अर्बनर उइय्‍नर आर ही मलदौ अरा धर्मेसिन महबा मल नना ही बिड़दो नू धर्मेसी खींस मेर्ख़ा ती दहदर म‍नी।

रोमी 9:17

एन्‍देरगेका नेम्‍हा पुथी नू लिख्रकी र'ई का धर्मेस मिसर राजी ही बॆलस फारऒसिन ब'अदस, “ऎन निंगन इदगे बॆल कमचकन का निंग्‍है म‍इय्याँ एंग्‍है सवंगन ऎद'ओन ती एंग्‍है नामेन गोट्टा ख़ॆख़ेल नू बीड़'ओन।”

रोमी 9:20

अना आलायो! नीन एका ओर्तय? नीन आल लेका र'अदय, नीन धर्मेसिन आनाकिर्त'ओय का? ओन्‍टा गढ़चका आलॊ गढ़'उसिन ब'आ उंगी का नीन एंगन एन्ने एन्‍देरगे गढ़चकय?

रोमी 9:21

एन्‍देर कुंमहरस गे अपन आकुस मल्‍ला का आस उनिम लोन्‍दा ख़ज्‍जो ती ओन्‍टा संजगी म‍ईन गे अरा ओन्टा बिगर महबा गे कम'ओस?

1 थेस्‍सलोनिकॆयर 2:16

अरा अबड़र नन-यहूदीरिन नाड़र'आ गे सिखाब'अना ती एमन छेकनर का सगरो आर ही पाप ही कट्टु नींदी। छेद्द नू आर ही मइय्याँ धर्मेसी कोड़हे खींस अंड़सकी र'ई।

1 थेस्‍सलोनिकॆयर 5:9

एन्‍देरगेका धर्मेस नमन तंग्‍है खींस ती दंडे ख़क्‍खा गे मल्‍ला चज्जिका। लिकिन आस नमन नम्‍है उर्बस येसु मसीस ती नाड़र'आ गे चज्जिकादस।

2 तीमोथियुस 2:20

ओन्‍टा कोहाँ एड़पा नू सोना चाँदी ही लेका मला, लिकिन कंक अरा ख़ज्‍जो ही संजगी गुट्ठी हों मनी। एकदा एकदा महबा गे अरा एकदा एकदा सन्नी नलख गे र'ई।

1 पतरस 2:8

अरा अउरिम नेम्हा पुथी ब'ई का, “आस आलर गे मूड़ना ही पखना अरा आर गे थोथमारना ही चचड़ी र'अदस।” आर धर्मेसी कत्थन मल पॆस्रना ती मूड़नर। ईदिम आर गे धर्मेसी मने रहचा।

1 पतरस 3:20

अबड़ा बॊलता गुट्ठी ईर हिकनर का, एका ओर्तर चिरान नू नूहसी परिया नू आस कोहाँ डोंगा कमना उल्ला गुट्ठी नू धर्मेस कोड़हे कयास गने पाब ऎरा लगियस ख़ने, आसी पॆसकन मल पॆस्रर। आ कोहाँ डोंगा नू जोक्कोर लेका आठ आलर लेका बया बहड़ी ती बछरर।

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।

2 पतरस 2:9

औंगे उर्बस अख़दस का धर्मेसिन इल्चू आलारिन आर ही बिढ़्रना ती एकासे बछाब'अना र'ई, अरा उजगो मलका आलारिन दंडे चि'अनुम चि'अनुम नेंवई उल्ला गे उइय्यना र'ई।

2 पतरस 3:15

अरा सुरता नना का, नम्है उर्बासी कयास आलर गे नाड़र'आ गे बेड़न चि'ई। अन्ने दिम नम्है चोन्हा भई पौलुस हूँ धर्मेस तंगा गे चिच्का लूर ती निमा गे लिखचस।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।