9 लिकिन नीम पाप मॆद सुबहा ही तबे नू मल र'अदर। अरा धर्मेसी बॊलता निम्है नू मड़'ई होले, नीम बॊलतस ही तबे नू र'अदर। एका ओर्तस नू मसीसी बॊलता मलकी होले आस मसीसी मलदस।
अन्ने नीम मलदौ मनरकी निंग्है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्है गुसते ने'उर गे नेम्हा बॊलतन चि'ओस दिम।”
आस दिम उर्मी मानिमन दहदर ननू नेम्हा बॊलतस हिकदस। आसिन ई ख़ॆख़ेल ता आलर मल इंझर'ओर, एन्देरगेका आर आसिन मल ऎरनर महले आसिन बलनर। लिकिन नीम आसिन अख़दर, एन्देरगेका आस निम्है गने उज्जदस अरा निम्है नू र'ओस।
येसुस आसिन किर्त'अर बाचस, “नीकईम एंगन चोन्हा नन्दस होले, आस एंग्है सिखाब'अनन मनदस। अरा एम्बस आसिन चोन्हा ननोस, अरा ऎम आसी गुसन बर'ओम, अरा आस गने उज्जोम।
नॆकन धर्मेस तइय्कादस, आस धर्मेसी कत्था गुट्ठिन ब'अदस, एन्देरगेका धर्मेस आस गे नेम्हा बॊलतासिन बिगर नपदस जोक्खदस ती चि'अदस।
कया कया ही उज्जनन लेका कुन्द्रत'आ ऊंगी, लिकिन नेम्हा बॊलतस बॊलता ही उज्जनन कुन्द्रत'अदस।
अरा आर मूसिया राजी ही हेद्दे अंड़सियर ती बितुनिया काला गे चिहुट नंजर। लिकिन येसुसी बॊलता आरिन काला मल चिच्चा।
इकला नाम नम्है पाप सुबहा ही तबे नू रहचकत ख़ने पाप ही चिबाख़ारना नम्है नू नलख नंजा। अरा एमा ई पाप ही चिबाख़ारना पॆसका ही सवंग ती एमा गे खे'अना ही ख़ंजपा ओन्द्र'आ लगिया।
औंगे अक्कु नॆ मसी येसुस नू र'अनर आर गे एन्द्रा हूँ दंडे पॆस्रका मल्ला।
एकास येसुसिन केचका ती उज्जताचस, आसी बॊलता निम्है नू मड़'ई होले, एकास मसी येसुसिन केचका ती उज्जताचस आस एकदा निम्है नू मड़चकी र'ई आ तंग्है बॊलता ती निम्है नठारना कयन उज्जत'ओस।
एन्देरगेका नेम्हा बॊलतासी नॆग एकदा मसी येसुस नू उज्जना चि'ई, आद निंगन पाप दरा खे'अना ही नॆग ती नाड़की र'ई।
लिकिन ओर्मर तम्है तम्है बारी नू उज्जा चॊदतार'ओर, मसीस गा पहिल उज्जा चॊचस, अदही ख़ॊख़ा मसीस बरना बेड़ा नू मसीसी आलर उज्जा चॊदतार'ओर।
नीम धर्मेसी मन्दिर हिकदर, अरा धर्मेसी बॊलता निम्है नू मड़'ई, इदिन नीम बलदर का?
लिकिन नॆ उर्बस गने तंगन मेसदस, आस उर्बस गने ओन्टा बॊलता मन्दस कादस।
नीम इदन बलदर का निम्है मॆद नेम्हा बॊलतासी मन्दिर हवे? अरा धर्मेस ती नीम ख़क्ख्रका नेम्हा बॊलतस निम्है नू ओक्रदस। नीम निम्है मलदर।
नीम बहरी ही ऎथ्रनन लेका ऎरदर। नीकईम तंगन मसीसी एन्ने असरा नन्दस होले, आस इदन बुझ्रना र'ई का, एकासे आस मसीसी र'अस अन्ने ऎम हूँ मसीसी र'अदम।
धर्मेसी मन्दिर गे मूर्ति गुट्ठी गने एन्देर नता? नाम गा उज्जना धर्मेसी मन्दिर हिकदत। एकासे का, धर्मेस बाचकादस, “ऎन आर नू ओक्र'ओन, अरा आर ही मझी नू कुद्दोन नुंगोन, अरा ऎन आर ही धर्मे र'ओन, अरा आर एंग्है आलर र'ओर।”
अरा नीम गा धर्मेसी ख़द्दर हिकदर। धर्मेस तंग्दासी बॊलतन नम्है जिया नू तइय्कादस। औंगे आस चिच्चियारदस ती मॆख़दस “अना बबा, अना बंगायो।”
अरा नॆ मसी येसुसी हिकनर, आर तम्है कया ही चिबाख़ारनन अरा जिया ही मने गुट्ठी गने क्रुस नू अरग'आ ख़च्चिकानर।
अन्नेम नीम हूँ गा मानिम कत्थन एन्ने हवे का निमा गे नाड़रनन चि'ऊ दौ कत्थन मेंजकर ख़ने, मसीस नू मंजकर केरकर। अरा नीम मसीसिन पत्ताचकर ख़ने, धर्मेस चि'आ गे गच्छरका नेम्हा बॊलतस ती आस निम्है मइय्याँ मरका नंजस।
अरा आसी नू नीम हूँ नेम्हा बॊलतस ती धर्मेसी ओक्करना अड्डा मना गे ओन संगे मेस्र'अरकी कम्रनुम कादर।
अरा मसीस मइय्याँ ता निम्है पत्त'अना ही चड्डे मसीस निम्है जिया नू ओक्करदस नेकअन, अरा नीम चोन्हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।
एन्देरगेका ऎन अख़दन का निम्है गोहरारना गुट्ठी ती अरा येसु मसीसी बॊलतस चि'अना संगरा ती एंगा नाड़रना मनो।
निंगा पत्त'अना ती चिच्का बॆस कत्थन नम्है मइय्याँ मड़चकी र'ऊ नेम्हा बॊलतासी सवंग ती बॆस ख़ापा।
मसीसी बॊलता आर ही नू रहचा, अरा आरिन तिंगिया का एकासे मसीस दुक्खे चॊद'ओस अरा अदही ख़ॊख़ा कोड़हे मईन आबोन ख़क्खोस। औंगे आर इदही बेद्दना ख़ॊजना ही चिहुट नंजर का इदही बेड़ा एकाबारी बर'ओ, अरा आद एकासे बर'ओ।
एकास धर्मेसी पॆसका गुट्ठिन पॆस्रदस, आस धर्मेस गने मेस्रना नू बन्चकादस, अरा धर्मेस हूँ आस गने मेस्रना नू बन्चकादस। धर्मेस नमा गे चिच्का नेम्हा बॊलतस ती नाम इदन अख़दत का धर्मेस नम्है गने मेस्रना नू बन्चकादस।
धर्मेस तंग्है बॊलतासिन नमा गे चिच्कादस। इत्रुम नाम अख़दत का नाम आस नू बन्चकादत, अरा आस नम्है नू बन्चकादस।
अना ख़द्दारो, नीम धर्मेसी हिकदर, नीम अबड़ा ठकवा धर्मेसी कत्था तिंगुर ती जीत ख़क्खकादर। एन्देरगेका ई सौंसार नू र'ऊ बॊलता गुट्ठी ती निम्है नू र'ऊ नेम्हा बॊलतस कोहँस र'अदस।
अरा ख़ॆख़ेल ही गढ़्रना बेड़ा तिम पिटतारकी र'ई आ भेंडो ख़द्द मसीसी उज्जना ही पुथी नू नामे मल्ला लिख्रका ख़ॆख़ेल नू ओक्रना ओर्मा आलर आ मेक्खोन महबा ननोर।
अरा एका एका ओर्तासी नामे उज्जना ही पुथी नू लिख्रका मल ख़क्खरा, आस चिच्ची ही समुदर नू हेबड़तारस केरस।