रोमी 8:7 - पुना गच्छरना NT (BSI)

⁷ एन्‍देरगेका इकला आलर ही मने पाप मॆद सुबहा ही तबे नू र'ई, आर धर्मेसी बिड़दो नू र'अनर। आर धर्मेसी नॆग आबोन मल पॆस्रनर, अरा पॆस्र'आ हूँ पोलनर।

रोमी 8:7 ပူးပေါင်းရင်းမြစ်များ

मत्तायोस 12:34

अना नेर्र लेक्‍खा बिक्‍ख उइय्‍यु आलारो! नीम मलदौ मनरकी एकासे दौ कत्‍था ब'आ ओंग्‍दर? एन्‍देरगेका एन्‍द्रा जिया नू निन्‍दकी र'ई आदिम ब‍ई ती उरखी।

मत्तायोस 5:19

औंगे नॆ अबड़ा सन्नी ती सन्नी पॆसका ती ओन्‍टन हों टाँड़दस अरा आलारिन हों एन्ने सिखाब'अदस होले, आस मेर्ख़ा राजी नू उर्मी ती सन्नी मन्‍तार'ओस। लिकिन नॆ अबड़न पीस्र'ई अरा अन्नेम सिखाब'ई आर मेर्ख़ा राजी नू कोहाँ मन्‍तार'ओर।

यॊहनस 7:7

ई सौंसार ही आलर निमन हींड़'आ पोलनर, लिकिन आर एंगन हींड़नर, एन्‍देरगेका ऎन आरिन तेंगदन का आर मलदौ नलख गुट्ठी नन्नर।

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

रोमी 1:30

अरा निंदा नन्नर। अरा आर धर्मेसिन ख़ाँड़नर। अरा आर नन्नारिन कोड़े मल ब'उर र'अनर। अरा आर इतरार'ऊ अरा कोहाँ कोहाँ फुल‍ई मनू आलर र'अनर। अरा आर मलदौ मलदौ कत्‍था कम'ऊ र'अनर। अरा आर तंग्यो तम्‍बा ही पॆसकन मल मेन्नर।

रोमी 3:31

होले नाम ई पत्त'अना ती पॆसकन मेटदत का? कहियों मला। नाम पॆसकन कोड़हे बड़ियर नन्‍दत।

रोमी 5:10

एन्‍देरगेका नाम धर्मेसी बैरी र'ओ बारी नाम धर्मेस गने आसी ख़द्दासी खे'अना ती निभ्रदत। अक्‍कुन नाम धर्मेस गने निभ्रकत ख़ने आस नमन तंग्‍दासी उज्‍जना ती दंडे ती नाड़ोस दिम।

रोमी 7:22

एंग्‍है जिया नू ऎन धर्मेसी नॆग आबोन पत्तारदन।

रोमी 8:4

धर्मेस इदिन इदगे नंजस का पॆसका नम्‍है एकासे उज्‍जनन बिद्दी अन्ने नाम उज्‍जा ओंग्‍दत। अक्‍कु नाम मॆद ही सुबहा लेक्‍खा मलकी लिकिन बॊलतासी मने लेक्‍खा उज्‍जदत।

1 कोरिन्‍थ 2:14

नेम्‍हा बॊलतासिन मल ख़क्‍खका आलस धर्मेसी बॊलतस ती बरना मानिम कत्‍था गुट्ठिन मल इंझ्र'ओस, एन्‍देरगेका अबड़ा आसी ऎरना नू बयला कत्‍था हवे। अरा आस अबड़न मल बुझ्रदस, एन्‍देरगेका नेम्‍हा बॊलतस लेका आलर गे धर्मेसी कत्‍था गुट्ठिन बुझ्र'आ गे संगरा नना ओंग्दस।

1 कोरिन्‍थ 9:21

नॆ यहूदी नॆग नू मलनर आरिन मसीस गुसन ओन्‍द्र'आ गे ऎन हूँ यहूदी नॆग मलका बेसे मंजकन। अन्नु हूँ ऎन धर्मेसी नॆगन मल अम्‍बकन, अरा मसीसी नॆगन ऎन पॆस्रकन।

कोलोस्से 1:21

अरा ओंग्होल नीम आसी गेच्‍छा भिन्गे रहचकर, अरा नीम निम्है मलदौ सोच अरा नलख गुट्ठी ती आसी बैरिर रहचकर।

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

2 तीमोथियुस 3:4

अरा आर दगा चि'ऊ, हुड्ड ननू, मनचड़हा, अरा धर्मेसिन मला लिकिन सुख-सौंरतन दिम बिद्दू मनोर।

इब्रानी 8:10

उर्बस फिन ब'अदस का, ‘अबड़ा उल्‍ला ही ख़ॊख़ा ऎन इस्राऎल आलर गने पुना गच्‍छरनन गच्‍छर'ओन, आद ईद का, ऎन एंग्‍है नॆग गुट्ठिन आर ही जिया नू उइय्योन अरा अबड़न आर ही जिया नू लिख'ओन, अरा ऎन आर ही धर्मे मनोन, अरा आर एंग्‍है आल मनोर।

याकॊब 4:4

अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।

2 पतरस 2:14

आर ताम ईरू उर्मी आलीर गने नन्ना आली गुसन कालू पापन नना बेद्दनर। अरा आर इकला हूँ पाप नना गे मोका बेद्दनन मल अम्बनर। आर ठिमठिमने मल र'ऊ आलारिन तम्है तरा मन्तानर, अरा आर ही जिया मलदौ चिबाख़ारना नू हेबरा केरा, अरा धर्मेस आर गे दंडे चि'ओस।