रोमी 8:34 - पुना गच्छरना NT (BSI)

³⁴ आरिन नॆ नेंव‍ई ननरकी दंडे चि'आ उंगी? नॆ हूँ पुल्‍ली, एन्‍देरगेका मसी येसुस दंडे ख़क्‍खियस ती केच्‍चस। लिकिन आस गा केचका ती उज्‍जा चॊचस, अरा आस अक्‍कु धर्मेसी तीना पक्‍खा उक्‍कियस ती नमा गे गोहरारते र'अदस।

रोमी 8:34 ပူးပေါင်းရင်းမြစ်များ

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

मरकुस 16:19

ख़ने उर्बा येसुस आर ही गने कत्‍था कछनख्रका ही ख़ॊख़ा धर्मेस येसुसिन मेर्ख़ा होच्‍चस, अरा आस धर्मेसी तीना चोक्‍ख उक्‍कियस।

यॊहनस 14:19

जोक्‍क घड़ी ख़ॊख़ा ख़ॆख़ेल एंगन ऎरा दिम पोल्‍लो। लिकिन नीम गा एंगन ऎरोर, ईगेका ऎन उज्‍जालदन, नीम हूँ उज्‍जोर।

यॊहनस 16:23

अरा आउला नीम एंगन एन्‍द्रन हूँ मेना गे चाड़ मल र'ओ। ऎन निमन मानिम ब'अदन, एंग्‍है नामे ती नीम एन्‍द्र'आनिम बंगस गुस्‍ते ने'ओर, अदिन आस निमा गे चि'ओस।

त‍इरकर 2:24

लिकिन धर्मेस आसिन खे'अना ही सस्ती गुट्ठी ही नुंजना ती अम्बताचस ती आसिन उज्‍जताचस चॊदस। खे'अना गा आसिन तंग्‍है तबे नू उइय्या पोल्‍ला।

रोमी 14:13

औंगे नाम अपन ती नन्नर नू बदी मल ठेकाब'अना र'ई। ऊजी नू नीम फरिय'आ का निम्‍है भ‍ईसिन आसी डहरे नू मूड़ना पखना अम्‍बोर मना महले आसिन मूड़ना ही चड्डे अम्‍बोर मना।

रोमी 14:9

एन्‍देरगेका ई चड्डेम मसीस केच्‍चस अरा उज्‍जा हूँ चॊचस का केचका आलर अरा उज्‍जना आलर इरबर ही दिम उर्बस मनोस।

रोमी 4:25

येसुस नम्‍है अक्‍का-बलका गुट्ठी गे खे'आ गे चितारस, अरा नमन उजगो आल कम'आ गे केचका ती उज्‍जा चॊच्‍चस।

रोमी 8:1

औंगे अक्‍कु नॆ मसी येसुस नू र'अनर आर गे एन्‍द्रा हूँ दंडे पॆस्रका मल्‍ला।

रोमी 8:27

धर्मेस आलर ही जिया ही सोच आबोन अख़दस। अरा आस नेम्‍हा बॊलतासी मने एन्‍देर र'ई अदिन अख़दस। एन्‍देरगेका नेम्‍हा बॊलतस नेम्‍हा आलर गे धर्मेसी मने लेक्‍खा धर्मेसिन गोहरारदस।

कोलोस्से 3:1

औंगे नीम मसीस गने उज्‍जतारकादर होले, मेर्ख़ा आलॊ गुट्ठिन बेद्दना नू र'आ, एक्‍सन मसीस धर्मेसी तीना चोक्‍ख उक्‍कादस।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

इब्रानी 9:24

मसीस गा आलर ही ख़ेक्खा ती कम्रका कोड़हे नेम्‍हा अड्डा नू मल कोरचस, एकदा मेर्ख़ा नू र'ऊ मानिम कोड़हे नेम्‍हा अड्डा ही रूपे लेक्‍खा नू र'ई। लिकिन आस मेर्ख़ा नुम कोरचस ती नमा संगरा नना गे अक्‍कु धर्मेसी मुन्‍दहारे र'अदस।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 पतरस 3:22

मसीस मेर्ख़ा नू केरस ती कोड़हे मईन ही अड्डा धर्मेसी तीना पक्खे ओक्का र'अदस। अरा उर्मी मेर्ख़ा पैकर अरा अदिया गुट्ठी अरा सवंग गुट्ठी आसी आकुस ही किय्या र'ई।

दहदर मंजका कत्‍था 1:18

अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।