रोमी 8:31 - पुना गच्छरना NT (BSI)

³¹ तहाँ नाम इबड़ा कत्‍था ही पत्त नू एन्‍देर ब'ओत? धर्मेस नम्‍है तरा र'अस होले, नम्‍है बिड़दो नॆ मना ओं‍गोर?

रोमी 8:31 ပူးပေါင်းရင်းမြစ်များ

मत्तायोस 1:23

“ऎरा! डिं‍डा पेल्‍लो ओत्‍था ऎख़ मनो अरा ओन्‍टा ख़द्दासिन पाको अरा आसिन इम्मानुऎल ब'ओर अदही माने ‘धर्मेस नम्‍है गने र'अदस’।”

रोमी 3:5

एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

रोमी 4:1

नाम एन्‍देर ब'ओत, नम्‍है यहूदीर ही पुरखा बंगस अब्राहमस पत्त'अना ही पत्त नू एन्‍द्रा सिख्रस?

1 यॊहन 4:4

अना ख़द्दारो, नीम धर्मेसी हिकदर, नीम अबड़ा ठकवा धर्मेसी कत्था तिंगुर ती जीत ख़क्खकादर। एन्देरगेका ई सौंसार नू र'ऊ बॊलता गुट्ठी ती निम्है नू र'ऊ नेम्हा बॊलतस कोहँस र'अदस।