रोमी 8:18 - पुना गच्छरना NT (BSI)

¹⁸ ऎन बुझ्रदन का नाम एका महबा हुल्‍लो नू ख़क्‍ख'ओत, अदही जोक्‍खा नू ई परिया ता नमा दुक्‍खे र'अम मलकी बेसे र'ई।

रोमी 8:18 ပူးပေါင်းရင်းမြစ်များ

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

रोमी 8:19

एन्‍देरगेका गोट्टा ख़ॆख़ेल ता गढ़र्रका आलॊ कोहाँ असरा ती धर्मेस नॆ नॆ तंग्‍है ख़द्दस एन्ने दहदर ननोस अदिन ऎरा गे पाब ऎरा लगी।

कोलोस्से 3:4

मसीस निम्है उज्‍जना हिकदस। एकाबारी मसीस सौंसे ख़ॆख़ेल गे तंगन दहदर ननोस, नीम हूँ आस गने दहदर मनतार'ओर ती आसी महबा नू मेस्र'ओर।

2 थेस्‍सलोनिकॆयर 2:14

धर्मेस एम्‍है दौ कत्‍था ती नम्‍है उर्बस येसु मसीसी महबा नू मेस्र'आ गे निमन मीख़ियस।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

इब्रानी 11:35

जोक्‍क मुक्‍कर तम्‍है केचकारिन उज्‍जना ख़क्‍खियर। अरा नन्नर गा मार मूख़नुम मूख़नुम रहचर ती अम्‍बर'आ गे मल बिद्दियर, एन्‍देरगेका आर धर्मेसिन अम्‍बा मल बिद्दियर। आर ही असरा एन्ने रहचा का केचका ती उज्‍जा चो'अना नू ओन्‍टा बॆस उज्जना ख़क्‍खा ओंगोर।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

1 पतरस 5:1

निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।