रोमी 8:17 - पुना गच्छरना NT (BSI)

¹⁷ अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ म‍ईन आबोन ख़क्ख'ऊ पुंजी हिकदत। नाम गा मसीस गने दुक्‍खे चॊददत होले मसीस गे ख़क्ख्रना आ म‍ईन नू हूँ आसी गने र'ओत।

रोमी 8:17 ပူးပေါင်းရင်းမြစ်များ

गलातिया 4:7

ईगे अक्‍कु नीन बिट्ठी ननू जॊंख़ मलदय। नीन धर्मेसी ख़द्दय हिकदय। नीन आसी ख़द्द र'अना ती नीन धर्मेसी गच्‍छरका आसीस आबोन ख़क्‍खोय।

गलातिया 3:29

नीम मसीसी हिकदर होले अब्राहमसी बनस हिकदर। अरा धर्मेस अब्राहमस गने नंजका गच्‍छरना चड्डे नीम धर्मेसी आसीस ख़क्खोर।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

दहदर मंजका कत्‍था 21:7

नॆ मलदौ ही मइय्याँ जीत ख़क्‍खोस आस इबड़ा उर्मी आसीसन ख़क्खोस, अरा ऎन आसी धर्मे मनोन, अरा आस एंग्‍है ख़द्द मनोस।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

1 पतरस 1:4

इदही गने धर्मेस निमा गे ओन्टा कोड़हे आसीसन मेर्ख़ा नू उइय्कादस। आद इकला हूँ मल नठार'ई अरा सोतरा मल मनी अरा मल चड़मी।

तीतुस 3:7

आस तंग्‍है मया ती नमन उजगो आल ऎदस, अरा नमा गे जनमजुग ही उज्‍जना ख़क्‍खा गे असरा चिच्‍चस।

इब्रानी 6:17

औंगे धर्मेस एन्‍देर गच्‍छरस अदिन ख़क्‍खू नॆ र'अनर आर गे आसी गच्‍छरकन मानिम ऎद'आ बिद्दियस। अरा आस आरिन फरीफरी बुझुरत'आ गे बिद्दियस का आसी चिताबुता कहियों मल बदलार'ओ, औंगे आस किरया मोक्‍खस।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

याकॊब 2:5

अना एंग्‍है चोन्‍हा भईरो, मेना, एन्‍देर धर्मेस ई ख़ॆख़ेल ता कीड़ा आलारिन पत्त'अना नू उरुब मना गे, अरा तंग्है मइय्याँ चोन्हा ननुर गे तान गच्छरका राजी ही अदिया मना गे मल्ला चज्जिका का?

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

2 कोरिन्‍थ 1:7

अरा निम्‍है पत्त ता एम्‍है असरा बड़ियर र'ई। ऎम अख़दम का एकासे नीम एम्‍है कलपारना नू मेस्रदर अन्नेम नीम एम्‍है जिया सालना नू हूँ मेस्र'ओर।

रोमी 5:17

ओर्त आलस पाप नंजस, ई ओर्त आलस चड्डे खे'अना ओर्मा आलर म‍इय्याँ राजी नंजा। लिकिन एका ओर्तर एका बग्‍गे धर्मेसी भरपूर मया अरा आसी इनाम ही उजगो आबोन ख़क्‍खनर, आर मानिम नू मानी उज्जनन ख़क्‍ख्रकी ओर्त आलस येसु मसीस ती राजी ननोर।

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

दहदर मंजका कत्‍था 3:21

एकासे ऎन जित्तचकन ती एम्बस गने आसी बॆल-गदिया नू उक्‍कन, अन्नेम नॆ जित'ओस आस गे ऎन एंग्‍है गने एंग्है बॆल-गदिया नू ओक्‍का गे अदिया चि'ओन।

लू‍कस 12:32

अनय सन्नी गोंहड़ा, अमय एल्‍चय। एन्‍देरगेका निम्‍बस निमा गे तंग्‍है गने मेर्ख़ा राजी नू राजी नना गे आकुस चि'आ गे मने नन्‍दस।

मत्तायोस 16:24

फिन येसुस तंग्‍है चेलारिन बाचस, “नीक‍ईम एंग्‍है चेला मना बेद्ददर होले, आर गे ताम तम्‍है नना बेद्दना लेका अम्‍बोर नना, ऊजी नू तम्‍है क्रुस आबोन चेड़'अरकी एंग्‍है गने चॊंख़्रना र'ई।

1 कोरिन्‍थ 2:9

लिकिन नेम्‍हा पुथी नू एन्ने लिख्रकी र'ई का, “धर्मेस तंग्‍है नू चोन्‍हा ननुर गे सपड़ाचका जिनिसन एका ख़न्न हूँ मल ईरकी र'ई, महले एका ख़ेबदा हूँ मल मेंजकी र'ई महले एका मन हूँ मल सोचकी र'ई।”

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

त‍इरकर 20:32

अक्‍कु ऎन निमन धर्मेस गे अरा आसी मया ही कत्‍था नू अम्‍बदन, आद निमन परद'आ उंगी, अरा धर्मेस नेम्‍हा मंजका उर्मी आलर नू मेस्र'अरकी आसीस चि'आ उंगी।

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

मत्तायोस 25:21

उर्बस बाचस, ‘नीन दौ नंजकय, बॆस अरा पत्त'अना जॊगे जॊंख़य, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

लू‍कस 24:26

एन्‍देर ईद चाड़ मल रहचा का मसीस गे एन्ने इबड़ा खिलपतन चॊद'अरकी तंग्‍है महबा नू कोर'ओस?”

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

2 कोरिन्‍थ 1:5

एन्‍देरगेका एकासे ऎम मसीस गे बग्‍गे सस्‍ती गुट्ठिन सारदम, अन्नेम धर्मेस मसीस तरती आसी जिया सालनन बग्‍गेम एमा गे ऎद्ददस।

फिलिप्‍पी 3:10

अरा ऎन मसीसिन अख़'आ गे, अरा आसी उज्‍जा चो'अना ही सवंगन अख़'आ गे बॆद्दन। अरा आस गने दुक्‍खे गुट्ठिन चॊदना नू बटा मना गे, अरा आसी लेक्खा खे'आ गे बेद्ददन।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

इब्रानी 1:2

लिकिन अक्‍कु इबड़ा छेद उल्‍ला नू धर्मेस नम्‍है ती तंग्‍है ख़द्दस ती कछनख्रस। धर्मेस आसिन उर्मी जिनिस ही मइय्याँ जिमा कमचस, अरा आस ती गोट्टा सौंसेन गढ़चस।