रोमी 8:13 - पुना गच्छरना NT (BSI)

¹³ नीम गा पाप मॆद सुबहा ही लेक्‍खा उज्‍जोर होले केच्‍च ख़च्‍चोर। लिकिन नीम नेम्‍हा बॊलतासी सवंग ती पाप मॆद सुबहा ही नलखन मल ननोर होले नीम मानिम उज्‍जनन ख़क्‍ख'ओर।

रोमी 8:13 ပူးပေါင်းရင်းမြစ်များ

रोमी 6:21

नीम मलदौ नलख गुट्ठी नंजकर अरा अक्‍कु अदही चड्डे निमा लज्‍जे मनी। अबड़ा कत्‍था खे'अना लेका ओन्‍द्र'ई।

रोमी 6:23

एन्‍देरगेका पाप ही बनी गा खे'अना र'ई, लिकिन धर्मेसी मया ही इनाम उर्बा मसी येसुस नू जनमजुग उज्‍जना र'ई।

रोमी 7:5

इकला नाम नम्‍है पाप सुबहा ही तबे नू रहचकत ख़ने पाप ही चिबाख़ारना नम्‍है नू नलख नंजा। अरा एमा ई पाप ही चिबाख़ारना पॆसका ही सवंग ती एमा गे खे'अना ही ख़ंजपा ओन्‍द्र'आ लगिया।

रोमी 8:12

औंगे अना भ‍ईरो! नाम पाप मॆद सुबहा लेक्‍खा उज्‍जा गे नहड़ा मल्ला मोक्‍का।

1 कोरिन्‍थ 9:27

लिकिन ऎन एंग्‍है मॆदन सम्ड़'अदन ती एंग्‍है तबे नू नन्‍दन का नन्नारिन तेंगर मेन्‍त'अरकी ख़ॊख़ा ऎनिम इनाम ख़क्‍खना ही बिगर जॊगे मल मनोन।

गलातिया 5:24

अरा नॆ मसी येसुसी हिकनर, आर तम्है कया ही चिबाख़ारनन अरा जिया ही मने गुट्ठी गने क्रुस नू अरग'आ ख़च्‍चि‍कानर।

गलातिया 6:8

एन्‍देरगेका एकास तंग्‍है कया आबोन रिझ्रत'आ गे उज्‍जोस आस मुंजा मलका नठारनन ख़क्‍खोस। अरा एकास बॊलतन रिझ्रत'आ गे उज्‍जोस आस मुंजा मलका उज्‍जनन ख़क्‍खोस।

इफेसुस 4:22

औंगे नीम निम्है पच्चा उज्‍जना ओक्‍कनन अरा पच्चा आल सुबहन एकदा घुरिय'अना सुख-सौंरत चड्डे बगड़ारनुम काला लगी, अदन अम्बा चि'आ।

इफेसुस 4:30

अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।

इफेसुस 5:18

अरा उंखू अमा मना, एन्‍देरगेका इत्रु भड़ुवा नलख मनी। लिकिन नेम्हा बॊलतस ती नींदनुम कला।

तीतुस 2:12

अरा नमन तिगाब'ई का नमा बिगर महबा उज्‍जना अरा पाप नन्ना ही चिबाख़ारना गुट्ठी ती जियन किर्त'अना मनो। अरा नाम बगड़ारका ई परिया नू नॆत नॆग अरा मानिम नन्ना ती महबा नू उज्‍जना र'ई।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:11

अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।