रोमी 8:10 - पुना गच्छरना NT (BSI)

¹⁰ लिकिन निम्‍है नू मसीस र'अदस होले ओन तरती निम्‍है कया गा पाप ही चड्डे किच्‍चकी र'ई, लिकिन नन्ना तरती निम्‍है बॊलता गा उजगो मन्ना चड्डे उज्‍जी।

रोमी 8:10 ပူးပေါင်းရင်းမြစ်များ

यॊहनस 14:23

येसुस आसिन किर्त'अर बाचस, “नीकईम एंगन चोन्‍हा नन्‍दस होले, आस एंग्‍है सिखाब'अनन मनदस। अरा एम्‍बस आसिन चोन्‍हा ननोस, अरा ऎम आसी गुसन बर'ओम, अरा आस गने उज्‍जोम।

यॊहनस 15:5

ऎनिम अंगुर ख़ोप्‍पा हिकदन, नीम गा लड़ंग गुट्ठी हिकदर। एकास एंग्‍है नू बन्चका र'अस अरा ऎन आस नू बन्चका र'अदन होले, आस नगदे ख़ंजपा चि'ओस, एन्‍देरगेका एंगन अम्‍बरकी नीम एन्‍देर हूँ नना पोल्‍लोर।

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 6:54

नॆ एंग्‍है अहड़न मॊख़दस, अरा एंग्‍है ख़ॆंसन ओन्दस, आस गे जनमजुग उज्‍जना र'ई, अरा छेद्दे उल्‍ला आसिन फेन उज्‍जा चॊद'ओन।

यॊहनस 6:56

नॆ एंग्‍है अहड़न मॊख़दस अरा एंग्‍है ख़ॆंसन ओन्‍दस, आस एंग्‍है नू र'अदस अरा ऎन आस नू र'अदन।

रोमी 5:12

औंगे एकासे का ओन्टा आलस ती पाप ख़ॆख़ेल नू कोरचा, अरा पाप ती खे'अना मंजा। उर्मी आलर पाप नंजर ख़ने ई लेक्‍खा ओर्मर म‍इय्याँ खे'अना मंजा।

रोमी 5:21

पाप खे'अना ती राजी नंजा। ई लेक्‍खा धर्मेसी चोन्‍हा हूँ उजगो ती नम्‍है उर्बस येसु मसीस ती जनमजुग ही उज्‍जनन ओन्‍द्र'आ गे राजी ननी।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

1 कोरिन्‍थ 15:45

औंगे नेम्‍हा पुथी नू एकासे लिख्रकी र'ई अन्ने, “पहिल आलस आदमस उज्‍जना आल मंजस।” लिकिन छेद्द ता आदमस गा उज्‍जना चि'ऊ बॊलता मंजस।

2 कोरिन्‍थ 13:5

नीम निमन बिढ़'आ ती ऎरा का नीम पत्त'अना नू उज्‍जालदर का मला, नीम निमानिम जँच'आ। एन्‍देर नीम मल चिन्हदर का येसु मसीस निम्‍है नू र'अस? अन्ने नीम मल चिन्हदर होले, नीम जंचना नू हार मंजकर केरकर।

2 कोरिन्‍थ 4:11

एन्‍देरगेका ऎम नॆ उज्जालदम येसुस चड्डे सगर घड़ी खे'अना ही अपलोक नू र'अदम, ईगेका येसुसी उज्‍जना एम्‍है खि'ऊ कालू मॆद नू दहदर मनी क'ई नेकअन।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

इफेसुस 3:17

अरा मसीस मइय्याँ ता निम्है पत्त'अना ही चड्डे मसीस निम्‍है जिया नू ओक्करदस नेकअन, अरा नीम चोन्‍हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।

फिलिप्‍पी 1:23

अक्कु गा ऎन इबड़ा दुयो पत्तारना ही मझी नू छेक्रकादन। ऎन ई उज्जनन अम्बरकी मसीस गने मेर्ख़ा नू र'आ गे बेद्ददन, एकदा एंगा कोड़हे बॆस र'ओ दने।

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

1 थेस्‍सलोनिकॆयर 4:16

एन्‍देरगेका उर्बस तानिम चिच्‍चियारना आन्ना गने अरा मुध मेर्ख़ा पैकासी सड़ा गने अरा धर्मेसी पेंड़हे ख़रख़ना गने मेर्ख़ा ती एत्तोस बर'ओस। अरा मसीसिन इंझ्रर ती केचका र'अनर आर मुन्‍द उज्‍जा चो'ओर।

इब्रानी 12:23

नीम धर्मेसी जेट्ठर ख़ॊंड़रना ही कलीसिया नू बरचकादर। ई जेट्ठर ही नामे मेर्ख़ा नू लिख्रकी र'ई। अरा नीम उर्मी आलारिन नेंवई ननू धर्मेस गुसन बरचकादर। अरा नीम पखड़ मंजका उजगो आलर ही बॊलता गुट्ठी र'ऊ अड्डा गे बरचकादर।

इब्रानी 9:27

एकासे का आलर गे ओंग्‍होन खे'अना अरा अदही ख़ॊख़ा नेंवई मन्ना ओक्‍तारकी र'ई।

दहदर मंजका कत्‍था 14:13

फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”