रोमी 8:1 - पुना गच्छरना NT (BSI)

¹ औंगे अक्‍कु नॆ मसी येसुस नू र'अनर आर गे एन्‍द्रा हूँ दंडे पॆस्रका मल्‍ला।

रोमी 8:1 ပူးပေါင်းရင်းမြစ်များ

यॊहनस 14:20

इकला ऎन उज्‍जा चो'ओन, आ उल्‍लम नीम अख़'ओर का ऎन एम्‍बस नू र'अदन, अरा नीम एंग्‍है र'अदर, अरा ऎन निम्‍है नू र'अदन।

यॊहनस 15:4

नीम एंग्‍है नू बन्चका र'आ, अरा ऎन निम्‍है नू बन्चका र'ओन। एकन्‍ने लड़ंग अंगुर ख़ोप्‍पा नू मल बन्चकी र'ओ ती, आद तंग्‍है ती ख़ंजपा चि'आ पुल्‍ली। अन्नेम नीम हूँ एंग्‍है नू मल बन्चका र'ओर होले, ख़ंजपा चि'आ पोल्‍लोर।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

रोमी 16:3

प्रिसका अरा अकुलास गे एंग्‍है मोंजरा चि'आ। ईर म‍सी येसुस नू एंग्‍है गने तेतर-सुसर ननू रहचर।

रोमी 16:7

अन्‍द्रोनिकोस अरा यूनिया नॆ एंग्‍है जातियर हिकनर अरा एंग्‍है गने गुड़ुरका रहचर अरा त‍इरक‍र ती नामे ख़क्ख्रका र'अनर। अरा एंग्है ती मुन्‍द मसीसिन इंझ्रका रहचर, आर गे मोंजरा।

रोमी 5:1

औंगे नाम पत्त'अना ती उजगो आल मन्‍तारदत, होले नम्‍है उर्बस येसु मसीस ती धर्मेस गने ओक्‍कना इजना र'ई।

रोमी 5:16

ओर्त आलासी पाप अरा धर्मेसी मया ही इनाम नू एन्‍द्रा हूँ जोक्‍खा मलकी। ओर्तोसी पाप चड्डे दंडे गा चितारा। लिकिन नाम अजम अक्‍का-बलका गुट्ठी नंजका ती हूँ धर्मेसी मया इनाम नमा गे चितारा, अत्रु ती नाम धर्मेसी ऎरना नू उजगो मन्‍दत।

रोमी 7:17

लिकिन मानिम नू इबड़ा मलदौ नलखन ननू ऎन मलदन, एंग्है नू मड़चका पाप इबड़न ननी।

रोमी 7:20

औंगे ऎन मल नना बेद्ददन अदिनिम नन्‍दन होले, अबड़न ननू ऎन मलदन एंग्‍हा नू मड़'ई पाप अबड़न ननी।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

रोमी 8:14

नॆ धर्मेसी बॊलता ही कड़हाब'अना नू ऎकनर आर ओर्मर धर्मेसी ख़द्द-ख़र्रा हिकनर।

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

रोमी 8:34

आरिन नॆ नेंव‍ई ननरकी दंडे चि'आ उंगी? नॆ हूँ पुल्‍ली, एन्‍देरगेका मसी येसुस दंडे ख़क्‍खियस ती केच्‍चस। लिकिन आस गा केचका ती उज्‍जा चॊचस, अरा आस अक्‍कु धर्मेसी तीना पक्‍खा उक्‍कियस ती नमा गे गोहरारते र'अदस।

रोमी 8:39

मेर्ख़ा म‍इय्याँ ता आलॊ मलता ख़ॆख़ेल खोंड़ख़ा ता आलॊ ही सवंग, अरा एकअम इन्द्रिइम नन्ना गढ़्रका आलॊ नमन धर्मेसी चोन्‍हा ती एकदा नम्‍है उर्बस मसी येसुस नू र'ई छिंडा पुल्‍ली।

रोमी 8:4

धर्मेस इदिन इदगे नंजस का पॆसका नम्‍है एकासे उज्‍जनन बिद्दी अन्ने नाम उज्‍जा ओंग्‍दत। अक्‍कु नाम मॆद ही सुबहा लेक्‍खा मलकी लिकिन बॊलतासी मने लेक्‍खा उज्‍जदत।

रोमी 8:9

लिकिन नीम पाप मॆद सुबहा ही तबे नू मल र'अदर। अरा धर्मेसी बॊलता निम्‍है नू मड़'ई होले, नीम बॊलतस ही तबे नू र'अदर। एका ओर्तस नू मसीसी बॊलता मलकी होले आस मसीसी मलदस।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 15:22

एकासे उर्मी आलर आदमस नू खे'अनर, अन्नेम ओर्मर मसीस नू उज्‍जा चॊदतार'ओर।

2 कोरिन्‍थ 12:2

मसी नू ऎन ओर्त आलासिन अख़दन, चौदा चान ही मुन्द आस तिसर मेर्ख़ा गूटी चॊदतारस। आस मॆद नू रहचस मलता मॆद ही बहरी रहचस ऎन बलदन। अदिन धर्मेस दिम अख़दस।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

गलातिया 3:13

मसीस नमा गे सर्पारस अरा ई लेक्‍खा नॆग ही सर्पारना ती नाड़ियस। एन्‍देरगेका नेम्हा पुथी नू लिख्रकी र'ई अन्ने मंजा, “नॆकन कंक नू ठोकतार'ई, आस सर्पारकादस।”

गलातिया 3:26

अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

गलातिया 5:16

औंगे ऎन ब'अदन नेम्‍हा बॊलतासी तिंका नू ऎका, होले नीम कया ही चिबाख़ार'आ गे नलख मल ननोर।

गलातिया 5:25

नाम नेम्‍हा बॊलतस नू उज्‍जा लगदत होले आसी कड़हाब'अना नू उज्‍जोत हूँ।

इफेसुस 1:1

धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।