रोमी 7:9 - पुना गच्छरना NT (BSI)

⁹ मुन्‍द ऎन नॆग आबोन बलना ती उज्‍जा लिक्‍कन। लिकिन इकला नॆग ही पॆसका एंग्है नू बरचा ख़ने पाप सवंग गने चॊच उज्‍जा हेलरा।

रोमी 7:9 ပူးပေါင်းရင်းမြစ်များ

मत्तायोस 19:20

आ जॊंख़स बाचस, “इबड़ा उर्मिन गा ऎन पॆस्रकन, अक्‍कु एंग्‍है नू एन्‍द्रा खंग्रकी र'ई?”

लू‍कस 15:29

लिकिन आस तम्‍बासिन आनाकिर्ताचस, ‘ऎरा, ऎन इवंदा चाँन ती निंग्‍है नलख नन्‍दन अरा इकला हूँ निंग्‍है पॆसकन मल चाड़कन। अन्नु हूँ नीन एंगा गे इकला हूँ ओन्‍टा बोकड़न एंग्‍है संगियर गने रिरयार'आ गे मल चिच्‍कय।

लू‍कस 18:21

ख़ने आस बाचस, “ऎन गा इबड़ा उर्मी पॆसकन ख़द्दपरिया ती मन'आ लगदन।”

रोमी 10:5

मूसस नॆग लेक्‍खा उजगो मन्ना ही पत्त नू लिखदस, “एका ओर्तस इबड़ा नॆग नू बाचका उर्मी कत्‍थन पॆस्र'ओस आस गे इत्रु ती उज्‍जना ख़क्ख्र'ओ।”

रोमी 7:10

अरा ऎन केचका बेसे मंजकन। औंगे एंग्हा ऎरना नू एन्ने लग्‍गिया का पॆसका उज्‍जनन ओन्‍द्रना रहचा, लिकिन एंगा गे खे'अनन ओन्‍द्रा।

रोमी 7:11

पाप गा अबड़ा पॆसका र'अना ही चड्डे अदिन चाड़ा गे मोका बिद्दया ती एंगन ठकचा अरा पॆसका ती एंगन पिटिया चिच्‍चा।

रोमी 7:4

ई लेक्‍खम अना एंग्‍है भ‍ईरो, निमा पच्चा आल सुबहा मसीस गने पॆसका ही सवंग गे केच्‍चा केरा। अरा अक्‍कु नीम एका ओर्तस केचका ती उज्‍जा चॊच्‍चस आसी गने मेसरकत। ई चड्डे नाम दौ नलख ही दौ ख़ंजपा धर्मेस गे चि'आ ओंग्‍दत।

रोमी 7:6

लिकिन अक्‍कु नम्‍है म‍इय्याँ पॆसका राजी मल ननी। नाम अदगे केचका आलर बेसे र'अदत अरा ईद नम्‍है म‍इय्याँ सवंग नना पुल्‍ली। अक्‍कु नाम पच्चा नॆगन पॆस्रना ती मला नेम्‍हा बॊलतासिन पॆस्रना ती धर्मेसिन पुना घत ती तेतर-सुसर नना ओंग्‍दत।

रोमी 7:8

लिकिन पॆसका र'अना ही चड्डे अदिन चाड़ा गे पाप उर्मी रकम ही चिबाख़ार'आ गे एंगन इज'ई। नॆग मलका नू पाप ही आ सवंग मल र'ई।

रोमी 8:7

एन्‍देरगेका इकला आलर ही मने पाप मॆद सुबहा ही तबे नू र'ई, आर धर्मेसी बिड़दो नू र'अनर। आर धर्मेसी नॆग आबोन मल पॆस्रनर, अरा पॆस्र'आ हूँ पोलनर।

गलातिया 2:19

ऎन गा नॆग ती अरा नॆग ही ऎरना नू केच्‍च ख़च्‍चिकादन, एकन्ने का ऎन धर्मेस गे उज्‍जोन।

गलातिया 3:10

औंगे एवंदा आलर नाड़र'आ गे नॆग नू असरा नन्नर, आर ओर्मर सर्पारनर। एन्‍देरगेका नेम्हा पुथी नू लिख्रकी र'ई, “नॆ नॆग ता लिख्रका उर्मी कत्‍था ही बेसे मल मन्‍नर, आस ओर्त ओर्त सर्पारदस।”