रोमी 7:8 - पुना गच्छरना NT (BSI)

⁸ लिकिन पॆसका र'अना ही चड्डे अदिन चाड़ा गे पाप उर्मी रकम ही चिबाख़ार'आ गे एंगन इज'ई। नॆग मलका नू पाप ही आ सवंग मल र'ई।

रोमी 7:8 ပူးပေါင်းရင်းမြစ်များ

मरकुस 7:22

चिबाख़ारनर, मलदौ नलख नन्नर, ठगनर, पेहरन ही मलदौ ख़न्न ऎरनर, पड़गनर, हींड़नर, तरगरनर, अरा बैतल नलख नन्नर।

यॊहनस 15:22

ऎन मल बरचका अरा आरिन धर्मेसी कत्थन मल तिंका रहचकन होले, पाप ही बदी आर ही म‍इय्याँ मल लग्‍गो दने। लिकिन आर गे अक्‍कु तम्‍है पाप गे एन्‍देर नंगु हूँ तेंगा पोल्‍लोर।

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

रोमी 3:20

औंगे नॆ हूँ पॆसकन पॆस्रना ती धर्मेसी ऎरना नू उजगो मना पोलनर। पॆसका नमन नम्‍है पापन लेका अख़त'ई।

रोमी 4:15

एन्‍देरगेका पॆसका धर्मेसी ख़ीसन लेका ओन्‍द्र'आ ऊंगी। एक्सन पॆसका मल्‍ला असन अदिन टांड़ना ही कत्‍था मल मनी।

रोमी 5:20

आलर तमन एवंदा पपहा र'अनर अदिन अख़'आ गे आर गे धर्मेसी पॆसका चितारा। लिकिन आलर अउरिम कोड़हे पाप नंजर अरा धर्मेसी मया हूँ कोड़हे मंजा।

रोमी 7:11

पाप गा अबड़ा पॆसका र'अना ही चड्डे अदिन चाड़ा गे मोका बिद्दया ती एंगन ठकचा अरा पॆसका ती एंगन पिटिया चिच्‍चा।

रोमी 7:13

एन्ने होले एका कत्‍था दौ रहचा, आदिम एंगा गे खे'अनन ओन्‍द्रा का? कहियों मला! ईद पाप ही नलख हिके। पापन पाप एन्ने ऎद'आ गे एका नॆग दौ रहचा, अत्रु तिम पाप एंगा खे'अना ही ओदहा मंजा। ख़ने पॆसका इदिन दहदर ननी का पाप एका कोड़हे मलदौ र'ई।

रोमी 7:17

लिकिन मानिम नू इबड़ा मलदौ नलखन ननू ऎन मलदन, एंग्है नू मड़चका पाप इबड़न ननी।

रोमी 7:9

मुन्‍द ऎन नॆग आबोन बलना ती उज्‍जा लिक्‍कन। लिकिन इकला नॆग ही पॆसका एंग्है नू बरचा ख़ने पाप सवंग गने चॊच उज्‍जा हेलरा।

1 कोरिन्‍थ 15:56

खे'अना ही चार पाप हवे, एन्देरगेका पाप खे'अना ही तरा कड़हाब'ई। अरा पाप ही सवंग पॆसका हवे, एन्देरगेका पॆसका ती नाम अख़दत का एन्देर एन्देर पाप हवे।