रोमी 7:4 - पुना गच्छरना NT (BSI)

⁴ ई लेक्‍खम अना एंग्‍है भ‍ईरो, निमा पच्चा आल सुबहा मसीस गने पॆसका ही सवंग गे केच्‍चा केरा। अरा अक्‍कु नीम एका ओर्तस केचका ती उज्‍जा चॊच्‍चस आसी गने मेसरकत। ई चड्डे नाम दौ नलख ही दौ ख़ंजपा धर्मेस गे चि'आ ओंग्‍दत।

रोमी 7:4 ပူးပေါင်းရင်းမြစ်များ

मत्तायोस 26:26

आर मॊख़ालियर ख़ने, येसुस असमन होच्‍चस ती धर्मेस गे धन्‍यवाद नं‍जस। फिन अदिन किच्‍चियस, अरा चेलर गे चिच्‍चस अरा बाचस, “ओंदा, मॊख़ा, ई असमा एंग्‍है मॆद हवे।”

मरकुस 4:20

लिकिन जोक्‍क आलर उपजा ख़ॆख़ेल लेक्‍खा हिकनर। आर धर्मेसी कत्‍थन मेन्नर अरा इंझ्रनर ती आर एन्‍देर नना गे धर्मेस बेद्ददस अदिन नन्नर। आर बॆस ख़ोप्‍पा लेक्‍खा तीस गुना अरा साट गुना अरा सौ गुना ख़ंजपा चि'अनर।”

यॊहनस 15:8

नीम कोड़हे ख़ंजपा चि'अदर ती एंग्‍है चेलर एन्ने ऎद'आ। इत्रुतिम एंग्‍है बंगस महबा ख़क्खोस।

यॊहनस 3:29

बेंजा पेल्‍लो बेंजा जॊंख़सी दिम हवे। लिकिन बेंजा जॊंख़ासी संगेस गा आसी हेद्दे इज्‍जदस ती आसी कत्‍थन मेन्‍दस। आस बेंजा जॊंख़ासी कत्‍थन मेन्‍दस ती नगदे रिझ्रदस। एंग्‍है रिझ एन्ने दिम हवे। आद अक्‍कु पुरचा।

यॊहनस 6:51

मेर्ख़ा ती इत्तका उज्‍जना चि'ऊ असमा ऎन हिकदन। नेक‍ईम ई असमन मॊख़दस होले, आस उर्मी उल्‍ला उज्‍जोस। अरा ई असमा एंग्‍है अहड़ा हवे। इदन ऎन ख़ॆख़ेल ता आलर ही उज्‍जना गे चि'ओन।”

रोमी 6:11

नीम हूँ निमन पाप ही सवंग गे केच्‍च ख़च्चिका अरा मसी येसुस नू धर्मेस गे उज्‍जना अख़के।

रोमी 6:14

पाप निमा उर्ब मल र'ओ, एन्‍देरगेका नीम अक्‍कु पॆसका ही तबे नू मल र'अदर, लिकिन धर्मेसी मया ही तबे नू र'अदर।

रोमी 6:2

कहियों मला! मानिम नू अन्ने नन्ना मल्ला। नाम गा पाप नन्नन अम्‍बकत ती पाप नना गे केच्‍कत केरकत, ख़ने नाम अउरिम पाप नन्‍ते उज्‍जा पोलदत।

रोमी 6:22

लिकिन अक्‍कु नीम पाप ही सवंग ती अम्‍बरकर ती धर्मेसी बिट्ठी ननू जॊंख़र मंजका र'अदर। ईद निमन नेम्‍हा उज्‍जा गे कड़हाब'ई। एकदा ही ख़ंजपा र'ई जनमजुग ही उज्‍जना।

रोमी 7:3

लिकिन आद तंग्‍आलासी उज्‍जनुम उज्‍जनुम नन्नर ही मुक्‍का मनो होले आद नन्ना आलस गुसन कालू आली बार'ओ। लिकिन तंग्‍आलस खे'अदस कादस होले आद बेंज्रका नॆग ती अमब्र'ई क'ई। अरा आद नन्ना आलासी मुक्‍का मनी होले आद नन्ना आलस गुसन कालू आली मल्‍ली।

रोमी 7:6

लिकिन अक्‍कु नम्‍है म‍इय्याँ पॆसका राजी मल ननी। नाम अदगे केचका आलर बेसे र'अदत अरा ईद नम्‍है म‍इय्याँ सवंग नना पुल्‍ली। अक्‍कु नाम पच्चा नॆगन पॆस्रना ती मला नेम्‍हा बॊलतासिन पॆस्रना ती धर्मेसिन पुना घत ती तेतर-सुसर नना ओंग्‍दत।

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

1 कोरिन्‍थ 10:16

आ आसीस ही डुभा, एकाद गे नाम धर्मेसिन धन्‍यवाद नन्‍दत, आद ती नाम मसीसी ख़ॆंसन ख़ट्टर'आलदत। अरा आ असमा, एकदन नाम किच्‍चदत, आद ती मसीसी मॆदन नाम ख़ट्टर'आलदत।

2 कोरिन्‍थ 11:2

ऎन निमन ओर्त लेका मॆतस मसीस गे गच्छरकन का ऎन निमन नेम्‍हा डिंडा पेल्‍लो लेक्‍खा मसीस गे सोंप'ओन। इदिन ती दिम धर्मेस गे तंग्है आलर मइय्याँ र'अना क्याल एंगा गे हूँ निम्है मइय्याँ र'ई।

गलातिया 3:13

मसीस नमा गे सर्पारस अरा ई लेक्‍खा नॆग ही सर्पारना ती नाड़ियस। एन्‍देरगेका नेम्हा पुथी नू लिख्रकी र'ई अन्ने मंजा, “नॆकन कंक नू ठोकतार'ई, आस सर्पारकादस।”

गलातिया 5:18

लिकिन नीम नेम्‍हा बॊलतासी कड़हाब'अना नू ऎकदर होले, नॆग ही तबे नू मल र'अदर।

इफेसुस 2:15

अरा यहूदी नॆगन अदही पॆसका अरा नेगचार गुट्ठी गने मेटचस चिच्‍चस। ई लेक्खम आस यहूदीरिन अरा नन-यहूदीरिन तंग्‍है नू मेसाबाचस ती ओन्टा पुना आल खोंड़हा गढ़चस ती कोड़े ओन्द्रस।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

फिलिप्‍पी 4:17

ईद एन्ने मला का ऎन निम्है ती इनाम बेद्ददन, लिकिन ऎन इदन बेद्ददन का निम्है खता नू निम्है दौ नलख ही ख़ंजपा बग्गे बॆन्दनुम क'ओ।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 1:22

अन्नु हूँ अक्‍कु आस तंग्‍है ख़द्दासी आल कयन खे'आ गे चिच्का ती धर्मेस निमन तंग्है गने मेसाबाचस होच्‍चस। आसी ऎरना नू निमन बिगर दगहा अरा बिगर बदी अरा नेम्हा कम'अरकी तंग्है मुन्दहारे इज्जत'आ गे दिम धर्मेस इदन नंजस।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

कोलोस्से 2:14

अरा मूसासी पॆसका ही लेक्खा नम्‍है बिड़दो नू लिखचका पाप ही लिखन धर्मेस मेटचस चिच्‍चस। अरा धर्मेस आ लिखन जम्मन मसीसिन क्रुस नू ठोकचस ती नटचस।

कोलोस्से 2:20

नीम मसीस गने केचकादर, ख़ने आस निमन ख़ॆख़ेल ता बॊलता गुट्ठी ही सवंग ती अम्तारका केरकादस। औंगे नीम एन्देरगे अक्कु गूटी ख़ॆख़ेल ता आलर लेक्खा अदही नॆग गुट्ठी नू एन्ने ऎकालदर का,

इब्रानी 10:10

ई लेक्‍खम आसी मने ती नाम येसु मसीसी मॆद ही उनीम हॆल दाँड़े मन्ना ती नेम्‍हा मन्‍तारका र'अदत।

1 पतरस 2:24

आस नम्‍है पाप गुट्ठिन तंग्‍है मॆद नू चेड्डस ती क्रुस नू अरगियस, एकत्रु नाम पाप नन्नन अम्बदत ती उजगो उज्जना उज्जा ओंग्दत। अरा आसी लौर मोक्का ती नीम उजगारका र'अदर।

दहदर मंजका कत्‍था 19:7

बरा, नाम रिझ्र'ओत अरा रिरयार'ओत, अरा आसी महबा ननोत नेकअन, एन्‍देरगेका भेंडो ख़द्दासी बेंजा अंड़सा ख़च्चकी र'ई, अरा आसी बेंजा पेल्लो तंगन सपड़ाचकी र'ई।

दहदर मंजका कत्‍था 21:9

फेन सात गोटा डुबहा नू सात गोटा छेद्दे सस्तिन निंदका उइय्का सात गोटा मेर्ख़ा पैकर ती ओर्तोस एंग्‍है गुसन बरचस ती एन्ने बाचस, “बरा, ऎन निंगन भेंडो ख़द्दस गे मुक्का मन्ना बेंजा पेल्‍लोन ऎद'ओन चि'ओन।”