रोमी 7:24 - पुना गच्छरना NT (BSI)

²⁴ ऎन करम फटरका आलन हिकदन। खे'अना नू हो'ऊ ई कया ती एंगन नॆ नाड़ोर?

रोमी 7:24 ပူးပေါင်းရင်းမြစ်များ

मत्तायोस 5:4

नॆ दुक्‍खे सारनर, आरिन धर्मेस आसीस ननोस, आर सान्‍ति ख़क्‍खोर।

मत्तायोस 5:6

नॆ धर्मेसिन पत्त'आ गे दिम बेद्दनर, आरिन धर्मेस आसीस ननोस, आर ही मनेन धर्मेस पूरा ननोस।

लू‍कस 4:18

“उर्बासी बॊलता एंग्‍है म‍इय्याँ र'ई, इदगे का आस एंगन कीड़र गे दौ कत्‍था मेन्‍त'आ गे चज्जिकादस। अरा आस एंगन हॆंरकारिन बछरनन तेंगा गे, अरा अन्‍धारिन ऎरत'आ गे, अरा ओर्मा तिरख़रकारिन छोड़ाब'आ गे,

रोमी 6:6

नाम अख़दत का नम्‍है पच्चा आल सुबहा मसीस गने क्रुस नू केच्‍चा। ख़ने नम्‍है पाप सुबहा नम्‍है म‍इय्याँ राजी पुल्‍ली नना अरा नाम इकला हूँ पाप ही जॊंख़ मल मनोत।

रोमी 8:13

नीम गा पाप मॆद सुबहा ही लेक्‍खा उज्‍जोर होले केच्‍च ख़च्‍चोर। लिकिन नीम नेम्‍हा बॊलतासी सवंग ती पाप मॆद सुबहा ही नलखन मल ननोर होले नीम मानिम उज्‍जनन ख़क्‍ख'ओर।

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

रोमी 8:23

ई ख़ॆख़ेल लेका मला, लिकिन नाम हूँ पाब ऎरना ती भितरी भितरी रेक'आ लगदत। नाम गा नेम्‍हा बॊलतासिन ख़क्‍खकादत एकदा धर्मेसी गच्छरका ही पहिल ख़ंजपा हिके। औंगे नाम धर्मेसी गोद होच्चका ख़द्द मंज ख़च्‍चना ही पाब ऎरा लगदत। इदही माने का नम्‍है कया पाप अरा खिलपत ती नाड़रना।

रोमी 8:26

ई लेक्‍खा नेम्‍हा बॊलतस हूँ नम्‍है लेड़पोयहा नू संगरा नन्‍दस। एन्‍देरगेका नाम बलदत का नमा बिन्‍ती एकासे नन्ना र'ई। लिकिन नेम्‍हा बॊलतस तानिम नीख़चारना ती एकदन कत्‍था ती ब'आ पोल्लर'ई, आस नमा गे धर्मेसिन गोहरारदस।

कोलोस्से 2:11

नीम निम्है पाप ही सुबहा आबोन अम्बका ती नीम हूँ मसीस नू खतना ख़क्खकादर। ई खतना आलर ही ख़ेक्खा ती मल मंजकी र'ई, लिकिन मसीस ती मंजकी र'ई।

2 तीमोथियुस 4:18

उर्बस एंगन उर्मी रकम ही मलदौ नलख ही बिड़दो ती नाड़ोस अरा तंग्‍है मेर्ख़ा राजी नू कोड़ेम अंड़सत'ओस। आसी दिम महबा हुल्‍लो ती हुल्‍लो गूटी मन्‍ते र'ओ। आमेन।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

इब्रानी 2:15

अरा आलर खे'अना ही इल्‍चका ती बिट्ठी ननू जॊंख़ लेक्‍खा तम्‍है गोट्टा उज्‍जना नू र'अनर आरिन अम्‍बत'आ गे आस एन्ने मंजस।

दहदर मंजका कत्‍था 21:4

अरा आस आर ही ख़न्न ती उर्मी ख़ंजलख़ोन चींचोस। अरा अक्कु ती खे'अना मल मनो, अरा ख़ोदख़ोरना मलता ओलख़ना मलता नुंजना मल र'ओ, एन्देरगेका पच्चा कत्‍था गुट्ठी गुछरा केरा।”