रोमी 7:18 - पुना गच्छरना NT (BSI)

¹⁸ ऎन अख़दन का एंग्है नू एन्‍द्रा हूँ बॆस मल मड़'ई। मड़'ऊ गा एंग्‍है पाप मॆद सुबहा। एंगा बॆस नलख नन्ना ही मने गा र'ई। लिकिन अबड़न ऎन नन्‍त'आ पोलदन।

रोमी 7:18 ပူးပေါင်းရင်းမြစ်များ

मत्तायोस 15:19

एन्‍देरगेका मलदौ सोच, आल पिटना, नन्ना आली गुसन काना, पेहरन ही सोतरा नलख, ख़ड़ना, ठकवा गोवाह चि'अना अरा निंदा नन्ना जिया तिम उरखी।

लू‍कस 11:13

अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे नेम्‍हा बॊलतन चि'ओस दिम।”

यॊहनस 3:6

कया कया ही उज्‍जनन लेका कुन्‍द्रत'आ ऊंगी, लिकिन नेम्‍हा बॊलतस बॊलता ही उज्‍जनन कुन्‍द्रत'अदस।

रोमी 13:14

लिकिन उर्बस येसु मसीसिन अत्ता हो'आ, अरा पाप मॆद सुबहा गुट्ठी ही चिबाख़ारनन पूरा नन्ना ही सोच आबोन अम्‍बा चि'आ।

रोमी 7:15

ऎन एकदन नन्‍दन अदिन ऎन बुझुर'आ पोलदन। एन्‍देरगेका ऎन नना बेद्ददन अदिन मला, एकत्रु ऎन ख़ाँड़दन अदिनिम नन्‍दन।

रोमी 7:19

ऎन एका दौ आबोन नना बेद्ददन अदिन मल नन्‍दन, लिकिन एका मलदौ आबोन नना मल बेद्ददन अदिनिम नन्‍दन चि'अदन।

रोमी 7:25

धर्मेस दिम नम्‍है उर्बस येसु मसीस ती नाड़ोस। ऎन धर्मेस गे धन्‍यवाद चि'अदन। ख़ने एंग्‍हा जिया नू ऎन धर्मेसी नॆग ही जॊख़ र'अदन, लिकिन एंग्है मॆद सुबहा ती ऎन पाप ही नॆग ही जॊंख़ हिकदन।

रोमी 7:5

इकला नाम नम्‍है पाप सुबहा ही तबे नू रहचकत ख़ने पाप ही चिबाख़ारना नम्‍है नू नलख नंजा। अरा एमा ई पाप ही चिबाख़ारना पॆसका ही सवंग ती एमा गे खे'अना ही ख़ंजपा ओन्‍द्र'आ लगिया।

गलातिया 5:17

एन्‍देरगेका नम्‍है कया बॊलता ही बिड़दो नू चिबाख़ार'ई। अरा बॊलता नम्‍है कया ही बिड़दो नू चिबाख़ार'ई। इबड़ा ऎंड़ तम्है तम्है नू बैरी र'ई। औंगे नीम एन्‍देर दौ नना बेद्ददर अदिन नना पोलदर।

गलातिया 5:24

अरा नॆ मसी येसुसी हिकनर, आर तम्है कया ही चिबाख़ारनन अरा जिया ही मने गुट्ठी गने क्रुस नू अरग'आ ख़च्‍चि‍कानर।

फिलिप्‍पी 2:13

एन्देरगेका धर्मेस निम्है नू नलख नन्दस, अरा तंग्‍है दौ चिताबुता ही लेक्खा नीम निम्है बॆस मने ती पॆस्र'आ गे अरा नना गे आस दिम सवंग चि'अदस।

फिलिप्‍पी 3:12

इबड़ा उर्मिन ऎन ख़क्‍खा ख़च्चकादन, महले पखड़ मंज ख़च्चकादन एन्ने मल सोचरकी, मसी येसुस ती ऎन एन्देरगे चजरकादन अदिन पूरा नना गेम ऎन कोड़हे चिहुट नन्तेम र'अदन।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

1 पतरस 4:2

इदही चड्डेम आस ख़ॆख़ेल नू अउर उज्जना तंग्है उज्जना नू आल सुबहा ती बरना मलदौ सुख-सौंरत गुट्ठी गे मल उज्जदस। लिकिन धर्मेसी मने लेक्खा नना गेम आस उज्जदस।