रोमी 7:15 - पुना गच्छरना NT (BSI)

¹⁵ ऎन एकदन नन्‍दन अदिन ऎन बुझुर'आ पोलदन। एन्‍देरगेका ऎन नना बेद्ददन अदिन मला, एकत्रु ऎन ख़ाँड़दन अदिनिम नन्‍दन।

रोमी 7:15 ပူးပေါင်းရင်းမြစ်များ

लू‍कस 11:48

इत्रु नीम निम्‍है पूरखर ही नलख नू भागी मन्‍दर ती इदही गोवाह चि'अदर। आर गा धर्मेसी कत्‍था तिंगुरिन पिटियर अरा नीम आरिन मल पॆस्र'अरकी आर ही मसड़न कमदर।

यॊहनस 15:15

निमन अक्‍कुन ती ऎन जॊंख़र मल ब'ओन, एन्‍देरगेका जॊंख़स बलदस का आसी उर्बस एन्‍देर ननालदस। लिकिन निमन ऎन संगेर बाचकादन, एन्‍देरगेका ऎन एम्‍बस ती मेंजका उर्मी कत्‍थन निमन मेन्ताचका र'अदन।

रोमी 12:9

निम्‍है चोन्हा मानिम चोन्‍हा मन्ना र'ई। मलदौ आबोन ख़ाँड़'आ अरा दौ नना गे मने नना।

रोमी 14:22

इबड़ा ही पत्त नू नीन एन्‍देर पत्त'अदय अदिन धर्मेसी अरा निंग्‍है मझी नू उइय्या। एकदन एकास बॆस बुझ्रदस अदही पत्त नू तान तंगानिम बदी मल ठेकाब'अदस होले आस बरकत ख़क्‍खू र'अदस।

रोमी 7:16

ऎन मल नना बेद्ददन अदिन नन्‍दन होले, ऎन हुकमारदन का नॆग दौ हिके।

गलातिया 5:17

एन्‍देरगेका नम्‍है कया बॊलता ही बिड़दो नू चिबाख़ार'ई। अरा बॊलता नम्‍है कया ही बिड़दो नू चिबाख़ार'ई। इबड़ा ऎंड़ तम्है तम्है नू बैरी र'ई। औंगे नीम एन्‍देर दौ नना बेद्ददर अदिन नना पोलदर।

2 तीमोथियुस 2:19

अन्नु हों धर्मेसिन मानी ती पत्त'ऊ आलर मसीसी पत्त'अना नू पोकता र'ओर। अरा धर्मेस बाचकादस, “तम्‍है आलारिन उर्बस अख़दस” अरा “नॆ ताम उर्बासी ख़ॊख़ा चॊंख़्रदम ब'अनर आर गे मलदौ नलखन मल नन्ना र'ई।”

इब्रानी 1:9

नीन उजगो आबोन चोन्‍हा नन्‍दय अरा मलदौ आबोन ख़ाँड़दय। औंगे धर्मेस, निंग्‍है धर्मेस निंगन निंग्‍है संगेर ही मझी ती चज्‍जियस अरा आस निंगन बग्‍गे रिझ गने भिने नंजस।”

याकॊब 3:2

नाम ओर्मर बग्गे रकम नू झुकुरदत। नॆ तंग्है ब'अना नू इकला हूँ मल झुकुरदस, आसिम पखड़ मंजका आलस हिकदस। ई लेक्खा आलस दिम तंग्है गोट्टा मॆदन सम्ड़'आ उंगू आलस हिकदस।

यहूदा 1:23

अरा नन्नर नॆकन नीम अख़दर, आरिन जनमजुग चिच्ची ही दंडे ती बड़पेलहा बछाब'आ। अरा नन्नर मइय्याँ इल्चका गने सोग्गे ऎरा, लिकिन आ बारी नीम चिहुंक र'आ का नीम आर ही पाप नू अमा खत्र'आ, आर ही किचरी हूँ आर ही पाप नलख ती दगहा मंजकी र'ई।