रोमी 7:13 - पुना गच्छरना NT (BSI)

¹³ एन्ने होले एका कत्‍था दौ रहचा, आदिम एंगा गे खे'अनन ओन्‍द्रा का? कहियों मला! ईद पाप ही नलख हिके। पापन पाप एन्ने ऎद'आ गे एका नॆग दौ रहचा, अत्रु तिम पाप एंगा खे'अना ही ओदहा मंजा। ख़ने पॆसका इदिन दहदर ननी का पाप एका कोड़हे मलदौ र'ई।

रोमी 7:13 ပူးပေါင်းရင်းမြစ်များ

मत्तायोस 28:8

अबड़ा मुक्‍कर इल्चका अरा रिझ गने मसड़ा ती लॆम किर्रियर ती येसुसी चेलारिन इदन तेंगा गे बुंगनुम केरर।

लू‍कस 20:16

आस बर'ओस ती इबड़ा बटकी ठिका होच्चका उर्बारिन पिटोस, अरा अंगुर बटकी ही ठिका नन्‍ना उर्बर गे चि'ओस।” इदन आलर मेंजर ती बाचर, “धर्मेस एन्ने अम्‍बन नना नेक‍अन।”

रोमी 5:20

आलर तमन एवंदा पपहा र'अनर अदिन अख़'आ गे आर गे धर्मेसी पॆसका चितारा। लिकिन आलर अउरिम कोड़हे पाप नंजर अरा धर्मेसी मया हूँ कोड़हे मंजा।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

गलातिया 3:21

होले नॆग धर्मेसी गच्‍छरना गुट्ठी ही बिड़दो नू र'ई का? कईहो मला! एन्ने नॆग चीरकी रहचा एकदा उज्‍जना चि'आ ऊंगी होले, नाम नॆगन पॆस्रना ती धर्मेसी मुन्‍दहारे उजगो आल मनोस दने।