रोमी 6:4 - पुना गच्छरना NT (BSI)

⁴ इकला नाम नॊड़रकत नाम मसीस गने माड़रकत अरा आसी खे'अना नू मेसरकत। होले एकासे मसीस बंगासी महबा ती निन्‍द्रका कोड़हे सवंग ती केचका ती उज्‍जा चॊचस, अन्नेम नाम हूँ ओन्टा पुना उज्‍जना उज्‍जा ओंग्‍दत।

रोमी 6:4 ပူးပေါင်းရင်းမြစ်များ

यॊहनस 11:40

येसुस अदिन बाचस, “ऎन निंगन नीन पत्त'ओय होले धर्मेसी महबन ऎरोय एन्ने मल बाचका रहचकन का?”

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

त‍इरकर 2:24

लिकिन धर्मेस आसिन खे'अना ही सस्ती गुट्ठी ही नुंजना ती अम्बताचस ती आसिन उज्‍जताचस चॊदस। खे'अना गा आसिन तंग्‍है तबे नू उइय्या पोल्‍ला।

त‍इरकर 2:32

ई येसुसिन धर्मेस केचका ती उज्‍जताचस चॊदस, ऎम ओर्मम इदही गोवाह हिकदम।

रोमी 6:19

ऎन निम्‍है मॆद सुबहा पयहा चड्डे निमन सेब्‍बा ती बुझ्र'आ गे ई कत्‍थन ब'अदन। नीम मुन्‍द निम्‍है मॆद ही अंग गुट्ठिन पाप अरा मलदौ गे जॊंख़ मना चिच्‍चकर, अरा नीम मलदौ गे लेका उज्‍जकर। अन्नेम नीम निमन उजगो उज्‍जना ही जॊंख़ मना गे चि'अना मनो। एकत्रु नीम नेम्‍हा मनोर क'ओर।

रोमी 6:3

नीम इदिन बलदर का एकाबारी नाम नॊड़रकत नाम ओर्मर मसी येसुस नू मेसरकत अरा नम्‍है नॊड़रना नू आसी खे'अना नू मेसरकत?

रोमी 6:8

नाम मसीस गने केच्‍कत केरकत होले नम्‍है पत्त'अना ईद र'ई का आसी गने उज्‍जोत हूँ।

रोमी 6:9

नाम गा अख़दत का मसीस केचका ती उज्‍जा चॊचकादस। आस अउर कहियों मल खे'ओस। खे'अना आसी म‍इय्याँ सवंग नना पुल्‍ली।

रोमी 7:6

लिकिन अक्‍कु नम्‍है म‍इय्याँ पॆसका राजी मल ननी। नाम अदगे केचका आलर बेसे र'अदत अरा ईद नम्‍है म‍इय्याँ सवंग नना पुल्‍ली। अक्‍कु नाम पच्चा नॆगन पॆस्रना ती मला नेम्‍हा बॊलतासिन पॆस्रना ती धर्मेसिन पुना घत ती तेतर-सुसर नना ओंग्‍दत।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

1 कोरिन्‍थ 6:14

अरा धर्मेस तंग्‍है सवंग ती उर्बासिन केच्‍कन ती उज्‍जताचस, अन्नेम आस नमन हूँ उज्‍जत'ओस।

2 कोरिन्‍थ 13:4

मानिम नू आस पयहा आल कया नू क्रुस नू टोकतारस, अन्नु हूँ धर्मेसी सवंग ती उज्‍जालदस। अन्नेम ऎम हूँ गा आस नू पयहा र'अदम, लिकिन धर्मेसी सवंग ती निमा गे सुसर नना गे आस गने उज्‍जोम।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।

कोलोस्से 3:10

अरा निमन गढ़'उसी रूपे लेक्‍खा आसी पत्त नू ठौका गने अख़'आ गे नीम पुना मंजका पुना आल सुबहन अत्तकादर।

कोलोस्से 4:1

अना उर्बारो, निमा गे हूँ मेर्ख़ा नू ओन्टा उर्बस र'अदस एन्ने अख़'अरकी नीम निम्है बिट्ठी ननू जॊंख़र गे एन्देर एन्देर ठौका अरा बॆस र'ई अदिन चि'आ हो'आ।

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।

1 यॊहन 2:6

औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।