रोमी 6:16 - पुना गच्छरना NT (BSI)

¹⁶ नीम मानिम अख़दर का नीम निमन एका ओर्तस गे मन'आ गे बिट्ठी ननू जॊंख़स बेसे चि'अदर होले मानिम नीम आ आलासी बिट्ठी ननू जॊंख़ र'अदर। अन्ने नीम पाप गे बिट्ठी ननू जॊंख़ र'अदर होले, अदही बनी खे'अना र'ई मलता नीम धर्मेसिन मनदर होले आद निमन उजगो कम'ई।

रोमी 6:16 ပူးပေါင်းရင်းမြစ်များ

मत्तायोस 20:4

अरा आरिन बाचस, ‘नीम हूँ अंगुर बटकी नू कला, अरा ऎ बग्‍गे चि'अना र'ई अदिन ऎन निमा चि'ओन।’

मत्तायोस 6:24

नॆ हूँ ऎंड़ उर्बर ही सुसर नना पोलदस। आस गा ओर्तासिन हींड़'ओस अरा नन्नासिन चोन्‍हा ननोस, महले ओर्तस गने मेस्रका र'ओस अरा नन्‍नासिन ख़ाँड़'ओस। ई लेक्‍खम नीम धर्मेसी अरा ख़ॆख़ेल ता खुर्जी ही सुसर नना पोलदर।

यॊहनस 8:34

ख़ने येसुस आरिन बाचस, “ऎन निमन मानिमन ब'अदन, नॆ पाप नन्‍नर आर पाप ही जॊंख़ र'अनर।

रोमी 11:2

धर्मेस तंग्‍‍है आलारिन एकदन आस मुन्द दिम चज्जिकाचस आरिन मल अम्‍बा ख़च्‍चियस। एन्‍देर नीम बलदर का? नेम्‍हा पुथी धर्मेसी कत्‍था तिंगू एलियसी पत्त नू एन्‍देर ब'ई, एकासे आस धर्मेसिन इस्राऎलर ही बिड़दो नू गोहरारस।

रोमी 12:1

अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।

रोमी 6:17

धर्मेसी धन्‍यवाद नन्‍दन का नीम गा मुन्‍द पाप ही बिट्ठी ननू जॊंख़ रहचकर, लिकिन अक्‍कु नीम मानिम नू आ सिखाब'अना ही डहरे नू ऎका हेलरकर, एकदन ऎम निमा सिखाबाचकम।

1 कोरिन्‍थ 3:16

नीम धर्मेसी मन्‍दिर हिकदर, अरा धर्मेसी बॊलता निम्‍है नू मड़'ई, इदिन नीम बलदर का?

1 कोरिन्‍थ 5:6

निम्‍है फुल‍ई मन्ना दौ मल्‍ला हिके। नीम एन्‍देर बलदर का कटी गुना तिस्‍सा ओर्मा लिंडका गुंडन तिस्‍सा ननी चि'ई?

1 कोरिन्‍थ 6:2

एन्‍देर नीम इदिन बलदर का नेम्‍हा आलर सौंसार ही नेंवई ननोर? नीमिम सौंसार ही नेंवई ननू र'अदर होले, नीम सन्नी ती सन्नी कत्‍था ही नेंवई नना गे पोलदर का?

1 कोरिन्‍थ 6:3

एन्‍देर नीम बलदर का नाम मेर्ख़ा पैकारिन हूँ नेंवई ननोत? अन्ने होले नीम ई उज्‍जना ही कत्‍था गुट्ठिन मानिम नू फरिय'आ ओंग्‍दर।

1 कोरिन्‍थ 6:9

एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,

1 कोरिन्‍थ 9:13

नीम मानिम नू अख़दर का एकार धर्मेसी मन्दिर नू नलख नन्नर, आर तम्‍है ओन्ना-मॊख़नन अइय्य‍म बरचका दान तिम ख़क्‍खनर। अरा एकार गोड़हा नू नलख नन्नर, आर गोड़हा ता दाँड़े ती ओन हिसन ख़क्‍खनर।

1 कोरिन्‍थ 9:24

एन्‍देर नीम इदिन बलदर का बोंगना नू बुंगुर ओर्मर गा बोंगनर, लिकिन ओर्तोस लेका इनाम ख़क्‍खदस? औंगे नीम जितना बेसे बोंगा।

2 पतरस 2:19

ईर आर गे ओन्टा छछिन्द उज्जनन गच्छरनर, लिकिन तामिम सोतबोड़'आ उज्जना गे जॊंख़ र'अनर। एन्देरगेका एकास एका मलदौ ती पोलदस चाड़ा, आस अदही जॊंख मनदस कादस।