रोमी 6:12 - पुना गच्छरना NT (BSI)

¹² औंगे नीम निम्‍है नठारना मॆद नू पापन राजी नना अमके चि'आ अरा अदही चिबाख़ारना ही तबे नू अमके मना।

रोमी 6:12 ပူးပေါင်းရင်းမြစ်များ

रोमी 13:14

लिकिन उर्बस येसु मसीसिन अत्ता हो'आ, अरा पाप मॆद सुबहा गुट्ठी ही चिबाख़ारनन पूरा नन्ना ही सोच आबोन अम्‍बा चि'आ।

रोमी 2:8

एका ओर्तर लोभिया र'अनर अरा ठौका कत्‍थन ताड़नर ती मलदौ नू ऎकनर आर गे धर्मेसी खींस दरा कयरारना मनो।

रोमी 5:21

पाप खे'अना ती राजी नंजा। ई लेक्‍खा धर्मेसी चोन्‍हा हूँ उजगो ती नम्‍है उर्बस येसु मसीस ती जनमजुग ही उज्‍जनन ओन्‍द्र'आ गे राजी ननी।

रोमी 6:14

पाप निमा उर्ब मल र'ओ, एन्‍देरगेका नीम अक्‍कु पॆसका ही तबे नू मल र'अदर, लिकिन धर्मेसी मया ही तबे नू र'अदर।

रोमी 6:16

नीम मानिम अख़दर का नीम निमन एका ओर्तस गे मन'आ गे बिट्ठी ननू जॊंख़स बेसे चि'अदर होले मानिम नीम आ आलासी बिट्ठी ननू जॊंख़ र'अदर। अन्ने नीम पाप गे बिट्ठी ननू जॊंख़ र'अदर होले, अदही बनी खे'अना र'ई मलता नीम धर्मेसिन मनदर होले आद निमन उजगो कम'ई।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

रोमी 8:13

नीम गा पाप मॆद सुबहा ही लेक्‍खा उज्‍जोर होले केच्‍च ख़च्‍चोर। लिकिन नीम नेम्‍हा बॊलतासी सवंग ती पाप मॆद सुबहा ही नलखन मल ननोर होले नीम मानिम उज्‍जनन ख़क्‍ख'ओर।

2 कोरिन्‍थ 4:11

एन्‍देरगेका ऎम नॆ उज्जालदम येसुस चड्डे सगर घड़ी खे'अना ही अपलोक नू र'अदम, ईगेका येसुसी उज्‍जना एम्‍है खि'ऊ कालू मॆद नू दहदर मनी क'ई नेकअन।

2 कोरिन्‍थ 5:4

नाम मॆद ही ई कुम्‍बा नू र'अना बेड़ा गूटी ओत्‍था ती कज्रका रेक'अत र'अदत। ईद एन्ने मल्ला का नाम केचकत ती ई ख़ॆख़ेल ता मॆदन अम्बना कानन पत्तारदत। लिकिन नाम गा मेर्ख़ा मॆदन अत्ता गे दिम पत्तारदत। ख़ने ई खि'ऊ मॆद जनमजुग उज्जना ती नुलख़र'ओ क'ओ।

गलातिया 5:16

औंगे ऎन ब'अदन नेम्‍हा बॊलतासी तिंका नू ऎका, होले नीम कया ही चिबाख़ार'आ गे नलख मल ननोर।

गलातिया 5:24

अरा नॆ मसी येसुसी हिकनर, आर तम्है कया ही चिबाख़ारनन अरा जिया ही मने गुट्ठी गने क्रुस नू अरग'आ ख़च्‍चि‍कानर।

इफेसुस 2:3

अबड़र ही मझी नू नाम ओर्मत हूँ मुन्द ओंग्होल नम्है कया ही चिबाख़ारना ही लेक्‍खा उज्जा लिक्‍कत, कया अरा जिया ही मने गुट्ठी लेक्‍खा नना लिक्‍कत। अरा बछ्रका उर्मी आलर लेक्‍खा धर्मेसी कैर ही तबे नू रहचकत।

इफेसुस 4:22

औंगे नीम निम्है पच्चा उज्‍जना ओक्‍कनन अरा पच्चा आल सुबहन एकदा घुरिय'अना सुख-सौंरत चड्डे बगड़ारनुम काला लगी, अदन अम्बा चि'आ।

1 थेस्‍सलोनिकॆयर 4:5

अरा धर्मेसिन बल्‍ली आ जाती लेक्‍खा निम्‍है मॆदन एन्ने पाप नन्‍ना ही चिबाख़ारना गे अमा चि'आ।

2 तीमोथियुस 2:22

औंगे नीन जॊंख़ परिया ता मलदौ रिझ रंग नलख गुट्ठी ती बोंगा। अरा निमन जिया ती धर्मेसी बिन्‍ती ननुर गने मानी नलख नन्ना ती, अरा पत्त'अना ती, अरा चोन्‍हा ती अरा कोड़े उज्‍जना ती र'आ गे बेद्दा।

तीतुस 2:12

अरा नमन तिगाब'ई का नमा बिगर महबा उज्‍जना अरा पाप नन्ना ही चिबाख़ारना गुट्ठी ती जियन किर्त'अना मनो। अरा नाम बगड़ारका ई परिया नू नॆत नॆग अरा मानिम नन्ना ती महबा नू उज्‍जना र'ई।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

1 पतरस 1:14

मुन्द नीम मल बुझ्रना नू रहचकर ख़ने, मलदौ चिबाख़ारना गुट्ठी निमा नू रहचा। अदही लेक्खा अक्कुन हूँ मल उज्जरकी पॆसकन पॆस्र'ऊ ख़द्दर लेक्‍खा मना।

1 पतरस 2:11

अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।

यहूदा 1:16

ईर कुटमुटर'ऊ हिकनर, अरा नन्नर ही मइय्याँ गुन्हा बिद्दू हिकनर। अरा आर तम्है मलदौ चिबाख़ारना ही लेक्खम ऎकनर। अरा आर तम्है पत्त नू फुलई ही कत्थन मन्नर। अरा आर तम्है फयदा गे नन्नारिन हक'आ कुद्दनर।

यहूदा 1:18

आर निमन बाचकानर का, “छेद्दे ता बेड़ा नू लज्जे मॊख़त'उर बर'ओर ती आर धर्मेसिन नटना तम्है मलदौ चिबाख़ारना गुट्ठी ही लेक्खम ऎकोर।”