रोमी 6:10 - पुना गच्छरना NT (BSI)

¹⁰ इकला आस केच्‍चस, आस पाप ही सवंग आबोन पिटा गे ओंग्‍होल लेका केच्‍च ख़च्‍चियस। लिकिन अक्‍कु आस उज्‍जदस आस धर्मेस गे उज्‍जदस।

रोमी 6:10 ပူးပေါင်းရင်းမြစ်များ

लू‍कस 20:38

धर्मेस गा केचका आलर ही मला, उज्‍जना आलर ही धर्मेस हिकदस, एन्‍देरगेका आस नू जम्मर उज्‍जनर।”

रोमी 6:11

नीम हूँ निमन पाप ही सवंग गे केच्‍च ख़च्चिका अरा मसी येसुस नू धर्मेस गे उज्‍जना अख़के।

रोमी 6:9

नाम गा अख़दत का मसीस केचका ती उज्‍जा चॊचकादस। आस अउर कहियों मल खे'ओस। खे'अना आसी म‍इय्याँ सवंग नना पुल्‍ली।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

2 कोरिन्‍थ 5:15

मसीस नाम ओर्मर ही बदली नू केच्चस, ई चड्डे अक्‍कु उज्‍जालनर आर तमा गे मल उज्जना र'ई। नॆ तमा बदली नू केच्चस ती फिन उज्जा चॊचस आस गे दिम आर उज्जना र'ई।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 पतरस 4:6

इदगेम अक्कुन केचका पत्त'ऊ आलर गे हूँ आर उज्जना बारी नू दौ कत्था तेंगतारा केरा। आर कया ती गा उर्मी आलर गे मन्ना नेंवई ही लेक्खा केचका र'अनर, अन्नु हूँ बॊलता ती गा धर्मेसी चिताबुता ही लेक्खा अउरिम उज्जा ओंगोर।