रोमी 5:8 - पुना गच्छरना NT (BSI)

⁸ लिकिन नाम पपहा र'अना बेड़ा नू मसीस नमा गे केच्‍चस। इत्रु ती धर्मेस नम्‍है म‍इय्याँ ता तंग्‍है चोन्‍हन दहदर नन्‍दस।

रोमी 5:8 ပူးပေါင်းရင်းမြစ်များ

यॊहनस 15:13

नीकईम तंग्‍है संगेर गे खे'अना ती कोहाँ चोन्‍हा नॆख'आ हूँ मल्‍ला।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

रोमी 3:5

एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

रोमी 4:25

येसुस नम्‍है अक्‍का-बलका गुट्ठी गे खे'आ गे चितारस, अरा नमन उजगो आल कम'आ गे केचका ती उज्‍जा चॊच्‍चस।

रोमी 5:20

आलर तमन एवंदा पपहा र'अनर अदिन अख़'आ गे आर गे धर्मेसी पॆसका चितारा। लिकिन आलर अउरिम कोड़हे पाप नंजर अरा धर्मेसी मया हूँ कोड़हे मंजा।

रोमी 5:6

एकाबारी नाम नमन नाड़ा पोल्‍ला लिक्‍कत, ख़नेम मसीस ठौका बेड़ा नू नम्‍है पाप गे केच्‍चस।

रोमी 5:7

उजगो आलस गे बग्‍गे आलर तंग्‍है जियन चि'आ मल बेद्दनर। अन्नु हों मना उंगी का दौ आलस गे नीक‍ईम खे'आ गे डिढ ननोस।

रोमी 8:32

धर्मेस तंग्‍है ख़द्दासिन हूँ मल अम्‍बियस, आसिन नमा ओर्मर गे थोपचस चिच्‍चस। होले इवंदा चिच्का ख़ॊख़ा हूँ आस एकासे नमा गे तंग्‍है ख़द्दासिन चिच्‍चस अन्नेम नम्‍है उर्मी चाड़न सिथियम चि'ओस।

रोमी 8:39

मेर्ख़ा म‍इय्याँ ता आलॊ मलता ख़ॆख़ेल खोंड़ख़ा ता आलॊ ही सवंग, अरा एकअम इन्द्रिइम नन्ना गढ़्रका आलॊ नमन धर्मेसी चोन्‍हा ती एकदा नम्‍है उर्बस मसी येसुस नू र'ई छिंडा पुल्‍ली।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

इफेसुस 2:7

आस मसी येसुस नू नम्है मइय्याँ ऎदका सोग्गे ती तंग्‍है मया ही कोहाँ खुर्जिन बरना परिया गुट्ठी नू ऎद'आ गेम इदन नंजस।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

1 तीमोथियुस 1:16

लिकिन एंग्‍है म‍इय्याँ इदगे सोग्‍गे मंजा का ऎन उर्मी ती कोहाँ पापहा आलन नू येसु मसीस तंग्‍है उर्मी कयास आबोन ऎदस। एन्‍देरगेका एका ओर्तर उर्बा येसुस नू पत्त'अनर ती जनमजुग ही उज्‍जना ख़क्‍खनर आर गे आस कोड़हे कयास ऎद'ओस, आर गे ऎन ओन्‍टा चिन्‍हा मंजकन।

इब्रानी 8:3

उर्मी कोहाँ नैगर दान गुट्ठिन अरा दाँड़े गुट्ठिन अरग'आ गे ओक्‍तारकानर। ई चड्डे नम्‍है कोहाँ नैगस गे हूँ इन्द्रिइम अरग'आ गे चाड़ र'ई।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 यॊहन 3:16

मसीस तंग्है जियन नमा गे चिच्का ती नाम इदन अख़दत का चोन्हा एन्द्रा र'ई। औंगे नाम हूँ नम्है संगे मसी भईर गे नम्है जियन चि'अना र'ई।