4 सहना ती चोखा उरखना, अरा चोखा उरखना ती असरा मनी।
नीम बड़ियर सहना गने इज्जका र'ओर होले निम्है जियन लाड़ोर।
ऎ बग्गे कत्था मुन्द लिख्रकी र'ई अबड़ा नमा सिख्र'आ गेम लिख्रकी र'ई। नेम्हा पुथी नमा गे कयास दरा रिझ्रनन चि'ई। होले नाम असरा नना ओंग्दत।
लिकिन तीमोथियुस गा ओन्टा ख़द्दस तम्बस गने नलख नू र'अना बेसे, आस एंग्है गने दौ कत्था तेंगना ही नलख नू सुसराचकादस। इत्रु ती आस तंगन पुरुब नंजकादस, अदन नीम अक्कर।
कोहाँ डोंगा आबोन समुदर नू इज्जत'आ गे बउरारना कोहाँ झगर बेसे आ असरा नम्है जिया गे बड़ियर अरा सम्भड़ारना हवे। आ असरा धर्मेसी मन्दिर ही परदा ही भितरी ता कोड़हे नेम्हा अड्डा नू कोरचकी र'ई।
बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।
अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।
