रोमी 5:19 - पुना गच्छरना NT (BSI)

¹⁹ एकासे का ओर्त आलस धर्मेसिन मल मन्नना ती कोड़हे आलर पपहा मंजर केरर। अन्नेम ओर्त आलस धर्मेसिन मन्नना ती कोड़हे आलर उजगो मन्र'ओर क'ओर।

रोमी 5:19 ပူးပေါင်းရင်းမြစ်များ

रोमी 11:32

धर्मेस ओर्मारिन मल पॆस्रना नू बझर'आ चिच्‍चस, होले आस ओर्मर म‍इय्याँ सोग्‍गे ऎद'आ ओंग्दस।

रोमी 5:12

औंगे एकासे का ओन्टा आलस ती पाप ख़ॆख़ेल नू कोरचा, अरा पाप ती खे'अना मंजा। उर्मी आलर पाप नंजर ख़ने ई लेक्‍खा ओर्मर म‍इय्याँ खे'अना मंजा।

रोमी 5:15

लिकिन आदमसी अक्‍का-बलका गने धर्मेसी मया ही इनाम जोक्‍खा मल्ला। ओर्त आलासी अक्‍का-बलका ही चड्डे कोड़हे आलर केच्‍चर। लिकिन धर्मेसी मया कोड़हे कोहाँ र'ई, धर्मेसी मया ही इनाम उज्‍जना आबोन ओर्त आलस येसु मसीसी मया ती कोड़हे आलर ख़क्‍खियर।

रोमी 5:18

औंगे आदमसी ओन्‍टे लेका अक्‍का-बलका ओर्मा आलर गे खे'अना ही दंडे आबोन ओन्‍दरा। ओन्‍टा दौ नलख एकदा मसीस नंजस, ईद ओर्मा आलारिन धर्मस गने उजगो कम'आ ऊंगी। अरा ईद जनमजुग उज्‍जनन ओन्‍द्र'ई।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

इफेसुस 1:6

अदगे नाम आसी महबा ही मया गे ओहमा नन्दत नेकअन, एकदा आसी चोन्हा ख़द्दस येसुस नू नमा गे सिथियम चिच्‍चस।

फिलिप्‍पी 2:8

तान तंगन एन्ने कोड़हे लुदऊ कमचस अरा खे'अना गूटी धर्मेसिन पॆस्रस का तंगन क्रुस नू खे'आ गे हूँ चिच्चस।