रोमी 5:18 - पुना गच्छरना NT (BSI)

¹⁸ औंगे आदमसी ओन्‍टे लेका अक्‍का-बलका ओर्मा आलर गे खे'अना ही दंडे आबोन ओन्‍दरा। ओन्‍टा दौ नलख एकदा मसीस नंजस, ईद ओर्मा आलारिन धर्मस गने उजगो कम'आ ऊंगी। अरा ईद जनमजुग उज्‍जनन ओन्‍द्र'ई।

रोमी 5:18 ပူးပေါင်းရင်းမြစ်များ

यॊहनस 1:7

आस आ बिल्‍ली ही पत्त नू गोवाह चि'आ गे ओन्‍टा गोवाह लेक्‍खा बरचस, औंगे ओर्मर आस ती पत्त'आ ओंगोर नेकअन।

यॊहनस 12:32

अरा ऎन ख़ॆख़ेल ती मइय्याँ चॊदतार'ओन ख़ने, ओर्मा आलारिन एंग्‍है गुसन नतगोन।”

यॊहनस 3:26

अरा यॊहनसी चेलर यॊहनस गुसन बरचर ती बाचर, “अना गुरु, एका ओर्तोसिन नीन यरदन ख़ाड़ ही पुरुब तरा भेंट मंजकय, अरा आसी पत्त नू नीन गोवाह चिच्‍चकय, आस हूँ आलारिन नॊड़रत'अदस, अरा ओर्मा आलर आस गुसन कानर।”

त‍इरकर 13:39

लिकिन येसुसिन पत्त'ऊ ओर्मर तम्‍है पाप ती बछर'ओर।

रोमी 3:25

धर्मेस येसुसिन ई ख़ॆख़ेल नू नम्‍है पाप गे पाप ही दाँड़े गे त‍इय्यस। येसुस तंग्‍है जियन दाँड़े चिच्‍चस अरा तंग्‍है ख़ॆंसन तरपाचस, इदिन इकला नाम पत्त'अदत अउला उजगो मन्‍तारदत। ई दाँड़े ऎद्ददस का येसुस तंग्‍है जियन दाँड़े चि'अना ही मुन्‍द ता आलर ही पाप गुट्ठिन धर्मेस सहचस ती बिगर दंडे चि'अम छमा नंजस ती तंग्‍है उजगो आबोन ऎदस।

रोमी 4:25

येसुस नम्‍है अक्‍का-बलका गुट्ठी गे खे'आ गे चितारस, अरा नमन उजगो आल कम'आ गे केचका ती उज्‍जा चॊच्‍चस।

रोमी 5:12

औंगे एकासे का ओन्टा आलस ती पाप ख़ॆख़ेल नू कोरचा, अरा पाप ती खे'अना मंजा। उर्मी आलर पाप नंजर ख़ने ई लेक्‍खा ओर्मर म‍इय्याँ खे'अना मंजा।

रोमी 5:15

लिकिन आदमसी अक्‍का-बलका गने धर्मेसी मया ही इनाम जोक्‍खा मल्ला। ओर्त आलासी अक्‍का-बलका ही चड्डे कोड़हे आलर केच्‍चर। लिकिन धर्मेसी मया कोड़हे कोहाँ र'ई, धर्मेसी मया ही इनाम उज्‍जना आबोन ओर्त आलस येसु मसीसी मया ती कोड़हे आलर ख़क्‍खियर।

रोमी 5:19

एकासे का ओर्त आलस धर्मेसिन मल मन्नना ती कोड़हे आलर पपहा मंजर केरर। अन्नेम ओर्त आलस धर्मेसिन मन्नना ती कोड़हे आलर उजगो मन्र'ओर क'ओर।

रोमी 6:14

पाप निमा उर्ब मल र'ओ, एन्‍देरगेका नीम अक्‍कु पॆसका ही तबे नू मल र'अदर, लिकिन धर्मेसी मया ही तबे नू र'अदर।

1 कोरिन्‍थ 15:22

एकासे उर्मी आलर आदमस नू खे'अनर, अन्नेम ओर्मर मसीस नू उज्‍जा चॊदतार'ओर।

इब्रानी 2:9

लिकिन नाम येसुसिन ऎरदत का आस जोक्‍क बेड़ा गे मेर्ख़ा पैकर ती कटी गुना सन्नी कम्रकाचस, अरा आस दुक्‍खे चॊदना ती खे'अना ही चड्डे आस गे महबा अरा म‍ईन आबोन टुपरी अत्तारा केरा, अरा नम्‍है म‍इय्याँ ता धर्मेसी मया ती उर्मी आलर गे आस केच्‍च ख़च्‍चियस।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

1 यॊहन 2:20

लिकिन नीम गा मसीस तरती नेम्हा बॊलतासी पूरकसन ख़क्खादर, अरा नीम ओर्मर मानी आबोन अख़दर।