रोमी 5:14 - पुना गच्छरना NT (BSI)

¹⁴ आदमसी परिया ती मूसासी परिया गूटी आलर आदमस धर्मेसी पॆसकन चाड़ियस आ लेक्‍खा आर हूँ पॆसकन चाड़ियर ती पाप मल नंजर। अन्नु हूँ आर खे'अना बारिम रहचर। ई आदमस ख़ॊख़ा बरचस आ मसीसी कट‍इसकेम चिन्‍हा र'अदस।

रोमी 5:14 ပူးပေါင်းရင်းမြစ်များ

रोमी 5:12

औंगे एकासे का ओन्टा आलस ती पाप ख़ॆख़ेल नू कोरचा, अरा पाप ती खे'अना मंजा। उर्मी आलर पाप नंजर ख़ने ई लेक्‍खा ओर्मर म‍इय्याँ खे'अना मंजा।

रोमी 5:17

ओर्त आलस पाप नंजस, ई ओर्त आलस चड्डे खे'अना ओर्मा आलर म‍इय्याँ राजी नंजा। लिकिन एका ओर्तर एका बग्‍गे धर्मेसी भरपूर मया अरा आसी इनाम ही उजगो आबोन ख़क्‍खनर, आर मानिम नू मानी उज्जनन ख़क्‍ख्रकी ओर्त आलस येसु मसीस ती राजी ननोर।

रोमी 5:21

पाप खे'अना ती राजी नंजा। ई लेक्‍खा धर्मेसी चोन्‍हा हूँ उजगो ती नम्‍है उर्बस येसु मसीस ती जनमजुग ही उज्‍जनन ओन्‍द्र'आ गे राजी ननी।

रोमी 8:20

ई गढ़र्रका ओर्मा तंग्‍है जॊगे नू ती पयहा मंजा केरा। इबड़ा तम्‍है मने ती मला, लिकिन धर्मेसी चिताबुता ती एन्ने पयहा मंजा। लिकिन ई असरा हूँ र'ई का,

रोमी 8:22

एन्‍देरगेका नाम अख़दत का गोट्‍टा गढ़र्रका अक्‍कु गूटी ख़द्द नेब्‍बना ही बेड़ा नू मन्ना नुंजना लेक्‍खा नुंजना ती रेक'आ लगी।

1 कोरिन्‍थ 15:22

एकासे उर्मी आलर आदमस नू खे'अनर, अन्नेम ओर्मर मसीस नू उज्‍जा चॊदतार'ओर।

1 कोरिन्‍थ 15:45

औंगे नेम्‍हा पुथी नू एकासे लिख्रकी र'ई अन्ने, “पहिल आलस आदमस उज्‍जना आल मंजस।” लिकिन छेद्द ता आदमस गा उज्‍जना चि'ऊ बॊलता मंजस।

इब्रानी 9:27

एकासे का आलर गे ओंग्‍होन खे'अना अरा अदही ख़ॊख़ा नेंवई मन्ना ओक्‍तारकी र'ई।