रोमी 5:1 - पुना गच्छरना NT (BSI)

¹ औंगे नाम पत्त'अना ती उजगो आल मन्‍तारदत, होले नम्‍है उर्बस येसु मसीस ती धर्मेस गने ओक्‍कना इजना र'ई।

रोमी 5:1 ပူးပေါင်းရင်းမြစ်များ

लू‍कस 19:38

अरा बाचर, “आ बॆलासिन धर्मेस आसीस चि'ओस एकास उर्बासी नामे ती बरदस। अक्‍कु धर्मेस अरा आलर ही मझी नू सान्‍ति अरा उर्मी ती कोहाँ धर्मेस गे ओहमा मनन नेकअन।”

लू‍कस 19:42

अरा बाचस, “निंग्‍है ख़क्ख्रका ई उल्‍ला नू गा नीन निंग्‍है सान्‍ति ही कत्‍थन अख़'ओय होले दौ मनो दने। लिकिन अक्‍कु इबड़ा निंग्‍है ख़न्न ती नूख़्रकी र'ई।

लू‍कस 2:14

“मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

यॊहनस 14:27

ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

त‍इरकर 10:36

नीम अख़दर का धर्मेस इस्राऎल आलर गे तंग्‍है दौ कत्‍था त‍इय्यस अरा येसु मसीस ती नॆ ओर्मर ही उर्बस हिकदस कोड़े ही दौ कत्‍था तिंगियस।

रोमी 1:17

नेम्‍हा पुथी नू लिख्रकी र'ई, “उजगो आलर धर्मेस नू असरा नन्ना ती उज्‍जोर।” एन्ने ई दौ कत्‍था नमन ब'ई का एकासे धर्मेस नमन उजगो कमदस। ईद पत्त'अना ती दिम हुल्‍लो अरा हुल्‍लो गूटी मनी।

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

रोमी 10:10

एन्‍देरगेका जिया ती पत्त'अना चड्डे आलस उजगो मन्‍दस अरा ब‍ई ती तंग्‍है पत्त'अनन तेंगरना चड्डे नाड़रदस।

रोमी 10:15

अरा आस मल त‍इर'ओस होले आस एकासे तेंगा कुद्दू मनोस? नेम्‍हा पुथी नू लिख्रकी र'ई, “दौ कत्‍था तिंगू आलर ही ख़ेड्डे ऎ कोड़हे सुभ'ई।”

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

रोमी 15:33

कोड़े ही धर्मेस निम्‍है ओर्मर गने र'अदस नेकअन। आमेन।

रोमी 3:22

धर्मेस ती बर'ऊ ई उजगो पत्त'ऊ ओर्मर गे येसु मसीस नू ता पत्त'अना ती बर'ई। ईद यहूदीर अरा नन-यहूदीर ओर्मर गे ओन्‍टा दिम र'ई।

रोमी 3:30

एन्‍देरगेका ओर्त लेका धर्मेस र'अदस। आसिन इंझ्रना ही ओन्‍टे लेका डहरे र'ई। आस खतना नंजका आलारिन पत्त'अना ती आरिन उजगो मन्‍दस। अरा बिगर खतना नंजका आलारिन हूँ पत्त'अना ती लेका उजगो मन्‍दस।

रोमी 4:5

लिकिन एका ओर्तस मलदौ आलारिन छमा ननू धर्मेसिन पत्त'ऊ र'अदस आस गे तंग्‍है नलख नू मला आसी पत्त'अना दिम उजगो गनतार'ई।

रोमी 5:11

ईद लेका मला अक्‍कुन धर्मेस गने निभ्रनन चिच्का नम्‍है उर्बस येसु मसीस ती नाम धर्मेस नू कोड़हे रिझ्रदत।

रोमी 5:18

औंगे आदमसी ओन्‍टे लेका अक्‍का-बलका ओर्मा आलर गे खे'अना ही दंडे आबोन ओन्‍दरा। ओन्‍टा दौ नलख एकदा मसीस नंजस, ईद ओर्मा आलारिन धर्मस गने उजगो कम'आ ऊंगी। अरा ईद जनमजुग उज्‍जनन ओन्‍द्र'ई।

रोमी 6:23

एन्‍देरगेका पाप ही बनी गा खे'अना र'ई, लिकिन धर्मेसी मया ही इनाम उर्बा मसी येसुस नू जनमजुग उज्‍जना र'ई।

रोमी 9:30

होले नाम एन्‍देर ब'ओत? नन-यहूदीर उजगो मन्नन मल बेद्दा कुद्दालियर, लिकिन आर तम्‍है पत्त'अना ही चड्डे उजगो मंजर।

गलातिया 2:16

अन्नु हूँ नाम अख़दत, आलर नॆग ही नलख ती मला, लिकिन येसु मसीसिन पत्त'ओर ती उजगो आल मनोर। इदगे नाम मसी येसुस नू पत्ताचकादत, एकत्रु नाम नॆग ही नलख ती मला, लिकिन येसु मसीस नू पत्त'अना ती उजगो आल मनोत, एन्‍देरगेका नॆग ही नलख ती नॆ हूँ उजगो मना पोल्‍लोर।”

गलातिया 3:25

लिकिन अक्‍कु पत्त'अना बरचा, ख़ने नाम नॆग ही आकुस नू मलकत।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 2:7

आस मसी येसुस नू नम्है मइय्याँ ऎदका सोग्गे ती तंग्‍है मया ही कोहाँ खुर्जिन बरना परिया गुट्ठी नू ऎद'आ गेम इदन नंजस।

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।

कोलोस्से 1:20

अरा मसीस क्रुस नू बाहचका ख़ॆंस ती उर्मी आलॊ तंग्है गने सान्ति मना गे डहरे कमचस ती, ख़ॆख़ेल ता अरा मेर्ख़ा ता उर्मी आलॊन मसीस तिम तंग्‍है गने मेसाब'आ गे धर्मेस बिद्दियस।

कोलोस्से 3:15

मसीसी सान्‍ति निम्‍है जिया नू राजी ननी नेकअन। एन्देरगेका ई सान्ति गेम नीम ओन्‍टा मॆद ही बग्गे अंग लेक्खा मॆख़्रकादर। अरा नीम धन्‍यवाद चि'ऊ मना।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

2 थेस्‍सलोनिकॆयर 3:16

अक्‍कुन कोड़े ही उर्बस तानिम निमा उर्मी बेड़ा उर्मी रकम ही कोड़े चि'अत र'अदस नेक‍अन। उर्बस निम्‍है ओर्मर संगे र'अदस नेकअन।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,