रोमी 4:9 - पुना गच्छरना NT (BSI)

⁹ ई आसीस खतना मंजका आलर ही लेका का, महले बेगर खतना मंजका आलर गे हूँ र'ई का? नाम एन्ने ब'अदत का अब्राहमसिन धर्मेस आसी पत्त'अना ती उजगो मनचस।

रोमी 4:9 ပူးပေါင်းရင်းမြစ်များ

लू‍कस 2:32

ईस नन-यहूदीर गे धर्मेसिन दहदर नन्ना ही बिल्‍ली अरा निंग्‍है निज आलर इस्राऎल गे महबा आबोन ओन्‍द्र'ओस।”

रोमी 4:10

होले आस इकला उजगो मनचस? आस खतना मंजका ती मुन्‍द का, खतना मंजका ती ख़ॊख़ा का? आस खतना मंजका ती ख़ॊख़ा मला खतना मंजका ती मुन्‍द उजगो मनचस।

रोमी 4:3

एन्‍देरगेका नेम्‍हा पुथी ब'ई, “अब्राहमस धर्मेसिन पत्ताचस, अरा धर्मेस ई पत्त'अना ती आसिन उजगो मनचस।”

गलातिया 3:14

ईद इदगे मंजा का मसी येसुस ती अब्राहमसी आसीस नन-यहूदीर गे हूँ ख़क्‍ख्र'आ गे आस नमन नाड़ियस। अरा नम्‍है पत्त'अना ती ई बॊलतस नमा ख़क्‍‍ख्र'आ ओंग्‍दस एकासी पत्त नू गच्‍छरकी रहचा।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।