रोमी 4:18 - पुना गच्छरना NT (BSI)

¹⁸ अब्राहमस हदियारना नू हूँ असरा उइय्यस ती पत्ताचस, अरा आस अजम बग्‍गे जातियर ही बंग मंजस केरस। एकासे का आसी गच्‍छरका रहचा, “निंग्‍है जंईपुंई गन'आ पोलना मनो क'ओ।”

रोमी 4:18 ပူးပေါင်းရင်းမြစ်များ

लू‍कस 1:18

तहाँ जकरियास पैकासिन मेंजस, “ऎन पच्चिका र'अदन अरा एंग्‍है आली हूँ पच्‍चकी किरकी र'ई। होले ऎन इदन एकासे पत्त‍'ओन का ईद मनो?”

त‍इरकर 27:25

औंगे आलारो, डिढ नना, एन्‍देरगेका ऎन धर्मेस म‍इय्याँ पत्त'अदन का एकासे एंग्‍है ती बारकी र'ई अन्नेम मनो।

रोमी 4:17

एकासे नेम्‍हा पुथी नू लिख्रकी र'ई, “ऎन निंगन अजम बग्‍गे जातियर ही बंग कमचकादन।” ई गच्‍छरका अब्राहमस गे आस धर्मेसी म‍इय्याँ नंजका पत्त'अना ती ख़क्‍खरा। धर्मेस दिम केचकारिन उज्‍जत'अदस अरा एन्‍द्रा हूँ मलकी अइय्या तिम पुना जिनिसन गढ़दस।

रोमी 4:19

अब्राहमस मलागूटी सौ बछर ही रहचस। अन्नु हूँ तंग्‍है पया मलका बेसे मॆद अरा सारा ही गरब ओत्‍थाऎख़ मना गे केचका बेसे रहचा अदिन अक्‍खस ती हूँ पत्त'अना नू पयहा मल मंजस।

रोमी 5:5

असरा ती लज्‍जे मॊख़रना मल मनी, एन्‍देरगेका धर्मेस नमा गे चिच्का नेम्‍हा बॊलतस ती तंग्‍है चोन्‍हा आबोन नम्‍है जिया नू चाचकादस।

रोमी 8:24

ई असरा ती दिम नम्‍है नाड़रना मंजकी र'ई। एकदन नाम पाब ऎरा लगदत अदिन नाम ऎरदत होले आद मानिम नू असरा मल्‍ली। नॆ हूँ तंग्‍है गुसन एका जिनस र'ई अदही असरा मल ननी।

इब्रानी 6:19

कोहाँ डोंगा आबोन समुदर नू इज्‍जत'आ गे ब‍उरारना कोहाँ झगर बेसे आ असरा नम्‍है जिया गे बड़ियर अरा सम्‍भड़ारना हवे। आ असरा धर्मेसी मन्दिर ही परदा ही भितरी ता कोड़हे नेम्‍हा अड्डा नू कोरचकी र'ई।