रोमी 4:14 - पुना गच्छरना NT (BSI)

¹⁴ आलर पॆसकन पॆस्रना ती लेका धर्मेसी गच्‍छरकन ख़क्‍खा ओंगोर होले, पत्त'अना अनभनियाँ र'ई। अरा अब्राहमस नू धर्मेसी गच्‍छरका अनभनियाँ र'ई,

रोमी 4:14 ပူးပေါင်းရင်းမြစ်များ

रोमी 3:31

होले नाम ई पत्त'अना ती पॆसकन मेटदत का? कहियों मला। नाम पॆसकन कोड़हे बड़ियर नन्‍दत।

रोमी 4:16

औंगे धर्मेसी गच्‍छरना पत्त'अना ती ख़क्ख्र'ई। ई गच्‍छरका सिथिया ही मया ती अब्राहमसी जंईपुंई ओर्मर गे चितार'ई। ईद मूसासी पॆसका ही तबे नू र'उर गे लेका मला नाम ओर्मर ही बंग अब्राहमस एकासे पत्ताचस, अन्ने पत्त'ऊ आलर गे हूँ चितार'ई।

1 कोरिन्‍थ 1:13

एन्‍देर मसीस भगीयरका केरका र'अदस का? एन्‍देर ऎन पौलुस निमा गे क्रुस नू पिटतारका रहचकन का? एन्‍देर नीम पौलुसी नामे नू नॊड़रका रहचकर का? अन्ने मल्‍ला।

गलातिया 2:21

ऎन धर्मेसी मया आबोन अयंध'आ ठेकाब'आ पोलदन। नॆग ती उजगो मन्‍ना मनी होले मसीसी खे'अना सिथिया मंजा।

गलातिया 5:4

नीम नॆग ती उजगो मना गे चिहुट मन्‍दर होले, मसीस ती तरकूटी मन्‍दर अरा धर्मेसी मया आबोन एब्‍सका चिच्‍चकादर।

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।

इब्रानी 7:19

मूसासी नॆग एन्‍द्रन हूँ बड़ियर नना पोल्‍ला। लिकिन अक्‍कुन नमा गे ओन्‍टा कोड़हे असरा चितारकी र'ई, आद ती नाम धर्मेस गुसन अंड़सदत।

इब्रानी 7:28

मूसासी नॆग गा पपहर लेक्‍खा पयहा आलारिन कोहाँ नैग उकत'ई। लिकिन ई नॆग ही ख़ॊख़ा बरचका धर्मेसी किरया ही कत्‍था गा जनमजुग गे पखड़ नन्‍तारका धर्मेसी ख़द्दासिन कोहाँ नैग उकत'ई।