रोमी 4:12 - पुना गच्छरना NT (BSI)

¹² अरा अब्राहमस खतना मंजका आलर ही हूँ बंग र'अदस, एका ओर्तर खतना लेका मल मंजका र'अनर, लिकिन अब्राहमसी पत्त'अना लेक्‍खा ऎकनर एकासे आस खतना मंजका ती मुन्द पत्ताचस।

रोमी 4:12 ပူးပေါင်းရင်းမြစ်များ

मत्तायोस 3:9

नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस।

रोमी 4:11

अब्राहमस खतना मंजका ही मुन्‍द दिम तंग्‍है पत्त'अना ती ख़क्ख्रका उजगो आबोन ऎद'आ गे ख़ॊख़ा आस खतना आबोन ओन्‍टा चिन्‍हा लेक्‍खा ख़क्‍खियस। औंगे बिगर खतना ती हूँ ओर्मा पत्त'उर गे अब्राहमस बंग मनदस। ईर तम्‍है पत्त'अना ती उजगो आल मन्नर।

रोमी 4:13

अब्राहमस अरा आसी बनस गोट्टा ख़ॆख़ेलन ख़क्‍ख'ओर एन्ने धर्मेस ती गच्‍छरका ख़क्‍खियर। ई गच्‍छरका पॆसकन पॆस्रना ती मला लिकिन पत्त'अना ती धर्मेसी ऎरना नू उजगो आल मन्ना ती ख़क्‍ख्रकी रहचा।

2 कोरिन्‍थ 12:18

ऎन तीतुसिन निम्है गुसन बर'आ गे आनकन अरा आस गने एम्है नन्ना ओर्त भईसिन हूँ तइय्कन। एन्देर नीम ब'आ ओंग्दर का तीतुस निम्है ती इन्द्रिइम नफा होच्चस? ऎम इरबारिम ओन्टेम बॊलता नू मल उज्जकम उक्कम का? अरा ओन्टे डहरे नू मल ईक्‍कम का?

1 पतरस 2:21

इदगेम नीम मॆंख्रका हूँ र'अदर। एन्‍देरगेका मसीस हूँ निमा गे सस्‍ती सारचस ती नीम आसी उज्जना ओक्कना लेक्‍खा उज्जा ऎका गे निमा गे ओन्टा चिन्हा आबोन अम्बका केरकादस।