रोमी 4:11 - पुना गच्छरना NT (BSI)

¹¹ अब्राहमस खतना मंजका ही मुन्‍द दिम तंग्‍है पत्त'अना ती ख़क्ख्रका उजगो आबोन ऎद'आ गे ख़ॊख़ा आस खतना आबोन ओन्‍टा चिन्‍हा लेक्‍खा ख़क्‍खियस। औंगे बिगर खतना ती हूँ ओर्मा पत्त'उर गे अब्राहमस बंग मनदस। ईर तम्‍है पत्त'अना ती उजगो आल मन्नर।

रोमी 4:11 ပူးပေါင်းရင်းမြစ်များ

मत्तायोस 16:16

ख़ने सिमॊन पतरस आनाकिर्ताचस, “नीन मसी, उज्‍जना धर्मेसी ख़द्दय हिकदय।”

मत्तायोस 8:11

अरा ऎन निमन ब'अदन, “बग्‍गे नन-यहूदी आलर पुरुब अरा पच्‍छिम तरती बर'ओर अरा मेर्ख़ा राजी नू अब्राहम अरा इसाक अरा याकॊबस गने मदी नू ओक्‍कोर।

लू‍कस 19:9

ख़ने येसुस आसिन बाचस, “इन्ना ई एड़पा गे नाड़ना बरचा, एन्‍देरगेका ईस हूँ गा अब्राहमसी ख़द्दस र'अदस।

यॊहनस 3:33

नॆ आसी गोवाह आबोन पत्त'अदस, आस धर्मेस मानिम जॊगे र'अदस एन्ने ऎदस।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 6:35

येसुस आरिन बाचस, “ऎन दिम उज्‍जना चि'ऊ असमा हिकदन। नॆ एंग्‍है गुसन बरदस आस इकला हूँ कीड़ा मल सार'ओस, अरा नॆ एंगन पत्त'अदस आस इकला हूँ ओनक'आ मल सार'ओर।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

यॊहनस 6:47

ऎन निमन मानिम ब'अदन, नॆ पत्त'अदस आस गे जनमजुग उज्‍जना र'ई।

यॊहनस 8:33

ख़ने आर आसिन बाचर, “ऎम अब्राहमसी बनस ता हिकदम, ऎम इकला हूँ नॆख'आ हूँ बिट्ठी ननू जॊंख़ मल रहचकम। अन्ने होले ऎम छछिन्‍द मनोम एन्ने नीन एकासे ब'आ ओंग्‍दय?”

रोमी 10:11

नेम्‍हा पुथी एन्ने ब'ई, “नॆ तंग्‍है आसी म‍इय्याँ पत्त'ई आस गे लज्‍जे मॊख़रना मल मनो।”

रोमी 10:4

एन्‍देरगेका धर्मेस एन्‍देर गे नॆग चिच्‍चस अदही मनेन मसीस पूरा नंजस, औंगे एका ओर्तर मसीसिन पत्त'ओर आर उजगो मनतार'ओर।

रोमी 10:6

लिकिन पत्त'अना ती उजगो मन्ना इदिन ब'ई, “नीम निम्‍है जिया नू एन्ने अमा सोच'आ का ‘नॆ मेर्ख़ा क'ओ?’ अन्‍ति मसीसिन किय्या ओन्‍द्र'आ गे।

रोमी 3:22

धर्मेस ती बर'ऊ ई उजगो पत्त'ऊ ओर्मर गे येसु मसीस नू ता पत्त'अना ती बर'ई। ईद यहूदीर अरा नन-यहूदीर ओर्मर गे ओन्‍टा दिम र'ई।

रोमी 3:26

ई परिया नू तंग्‍है उजगो आबोन ऎद'आ गे धर्मेस येसुसिन चिच्‍चस। धर्मेस इदिन एन्ने ऎद'आ गे नंजस का आस ठौका ती नेंव‍ई नना ओंग्दस, अउर हूँ आस येसुस म‍इय्याँ पत्त'उरिन उजगो कमदस।

रोमी 3:30

एन्‍देरगेका ओर्त लेका धर्मेस र'अदस। आसिन इंझ्रना ही ओन्‍टे लेका डहरे र'ई। आस खतना नंजका आलारिन पत्त'अना ती आरिन उजगो मन्‍दस। अरा बिगर खतना नंजका आलारिन हूँ पत्त'अना ती लेका उजगो मन्‍दस।

रोमी 4:10

होले आस इकला उजगो मनचस? आस खतना मंजका ती मुन्‍द का, खतना मंजका ती ख़ॊख़ा का? आस खतना मंजका ती ख़ॊख़ा मला खतना मंजका ती मुन्‍द उजगो मनचस।

रोमी 9:30

होले नाम एन्‍देर ब'ओत? नन-यहूदीर उजगो मन्नन मल बेद्दा कुद्दालियर, लिकिन आर तम्‍है पत्त'अना ही चड्डे उजगो मंजर।

रोमी 9:33

एकासे नेम्‍हा पुथी नू लिख्रकी र'ई, “ऎरा, ऎन येरुसलॆम नू ओन्‍टा पखना उइय्‍कन आद आलारिन मूड़त'ओ, ईद आरिन टिड़ना ही चचड़ी हवे। लिकिन नॆ आसी म‍इय्याँ पत्त'ओर आर लज्‍जे मल मॊख़र'ओर।”

रोमी 9:6

इदही मने ईद मल्‍ली का धर्मेस तंग्‍है गच्‍छरनन पूरा मल नंजस। इदगेका इस्राऎल ही बनस ती बरचका ओर्मर मानिम इस्राऎल आलर मलनर।

2 कोरिन्‍थ 1:22

आस नम्‍है उर्बस एन्ने ऎद'आ गे आस नम्‍है मइय्याँ छाप चिच्कादस, अरा बयाना नू नम्‍है जिया नू आसी नेम्‍हा बॊलतासिन चिच्कादस।

गलातिया 3:22

लिकिन नेम्हा पुथी ब'ई का नाम ओर्मत पाप ही आकुस नू र'अदत। एकत्रु येसु मसीस नू पत्त'अना ती पत्त'उर धर्मेसी गच्‍छरना आबोन ख़क्‍खनर नेकअन।

गलातिया 3:29

नीम मसीसी हिकदर होले अब्राहमसी बनस हिकदर। अरा धर्मेस अब्राहमस गने नंजका गच्‍छरना चड्डे नीम धर्मेसी आसीस ख़क्खोर।

गलातिया 3:7

औंगे नीम अख़'आ हो'आ का नॆ पत्त'अनर आरिम अब्राहमसी ख़द्दर।

गलातिया 5:5

एन्‍देरगेका ऎम गा नेम्‍हा बॊलता ती पत्त'अना गने धर्मेस नमा गच्छरका उजगो ख़क्‍खा गे पाब ऎरदम।

गलातिया 6:16

ई कत्‍था ही लेक्‍खा ईकू आलर नू अरा धर्मेसी आलर नू कोड़े अरा सोग्‍गे मनन नेक‍अन।

इफेसुस 1:13

अन्नेम नीम हूँ गा मानिम कत्‍थन एन्ने हवे का निमा गे नाड़रनन चि'ऊ दौ कत्‍थन मेंजकर ख़ने, मसीस नू मंजकर केरकर। अरा नीम मसीसिन पत्ताचकर ख़ने, धर्मेस चि'आ गे गच्छरका नेम्‍हा बॊलतस ती आस निम्‍है मइय्याँ मरका नंजस।

इफेसुस 4:30

अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।

इब्रानी 11:7

पत्त'अना ती नूहस आ बेड़ा गूटी मल ऎथ्रका कत्‍था गुट्ठी ही चेता ब'अनन ख़क्‍खियस ती धर्मेसिन मन्‍चस। अरा आस तंग्‍है एड़पातारिन बया बड़ही ती बछर'आ गे कोहाँ डोंगा कमचस। अरा आस तंग्‍है पत्त'अना ती आ बेड़ा ता ख़ॆख़ेल ता उर्मी आलारिन बदी ठेकाबाचस, अरा पत्त'अना ती मनी आ उजगो आबोन ख़क्‍खियस।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

दहदर मंजका कत्‍था 9:4

अरा अबड़ा गे एन्ने बातारा का, ख़ॆख़ेल ता लट्टिन महले एकअम हरियर ख़ोप्पन महले एकअम मन्नन अमके नठाब'आ, लिकिन नॆख'आ कपड़े नू धर्मेसी मरका मल्‍ला अबड़ा आलारिन लेका नठाब'आ।