रोमी 4:1 - पुना गच्छरना NT (BSI)

¹ नाम एन्‍देर ब'ओत, नम्‍है यहूदीर ही पुरखा बंगस अब्राहमस पत्त'अना ही पत्त नू एन्‍द्रा सिख्रस?

रोमी 4:1 ပူးပေါင်းရင်းမြစ်များ

मत्तायोस 3:9

नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस।

लू‍कस 3:8

जियन किर्त'अना ही जॊगे नलख नना। नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस!

यॊहनस 8:33

ख़ने आर आसिन बाचर, “ऎम अब्राहमसी बनस ता हिकदम, ऎम इकला हूँ नॆख'आ हूँ बिट्ठी ननू जॊंख़ मल रहचकम। अन्ने होले ऎम छछिन्‍द मनोम एन्ने नीन एकासे ब'आ ओंग्‍दय?”

यॊहनस 8:53

नीन एम्‍है बंगस अब्राहमस ती कोहँस हिकदय का? आस केच्‍चस, अन्नेम धर्मेसी कत्‍था तिंगुर हूँ केच्‍चर। नीन निंगन नॆ सोचदय?”

यॊहनस 8:56

निम्‍है बंगस अब्राहमस एंग्‍है उल्‍लन ऎरा ओंगोन ब'अरकी नगदे खुसमारस, अरा आस अदन ईरियस ती रिझ्रस।”

त‍इरकर 13:26

अना भ‍ईरो, अब्राहमसी जंईपुंई आलारो, अरा धर्मेसिन इल्‍चू नन-यहूदी आलारो, मेना। ई बछरना ही पत्त ता कत्‍था नम्‍है गुसन त‍इरकी र'ई।

रोमी 1:3

ई दौ कत्‍था तंग्‍है ख़द्दासी पत्त नू र'ई। आस आल कया ती गा दाऊद बॆलासी बनस नू कुन्‍द्रस।

रोमी 3:5

एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

रोमी 4:16

औंगे धर्मेसी गच्‍छरना पत्त'अना ती ख़क्ख्र'ई। ई गच्‍छरका सिथिया ही मया ती अब्राहमसी जंईपुंई ओर्मर गे चितार'ई। ईद मूसासी पॆसका ही तबे नू र'उर गे लेका मला नाम ओर्मर ही बंग अब्राहमस एकासे पत्ताचस, अन्ने पत्त'ऊ आलर गे हूँ चितार'ई।

रोमी 6:1

औंगे नाम एन्‍देर सोच'ओत? नाम पाप नन्ते बारिम र'ओत का, होले धर्मेसी मया अउरिम कोड़हे मनो का?

रोमी 7:7

होले एन्‍देर नाम ब'आ ओंग्‍दत? पॆसका मलदौ हवे का? कहियों मला! एकासे का नॆग मल रहचा होले ऎन पापन बल्‍लोन दने। नॆग नन्नर ही आलॊन चिबा अमके ख़ार'आ मल बाचका होले चिबाख़ारना पाप हवे अदिन ऎन बलका र'ओन दने।

रोमी 8:31

तहाँ नाम इबड़ा कत्‍था ही पत्त नू एन्‍देर ब'ओत? धर्मेस नम्‍है तरा र'अस होले, नम्‍है बिड़दो नॆ मना ओं‍गोर?

2 कोरिन्‍थ 11:22

आर लेका इब्रानी आलर का? ऎन हूँ इब्रानी आलन हिकदन। आर लेका इस्राऎल आलर का? ऎन हूँ इस्राऎल आलन हिकदन। आर लेका अब्राहमसी बनस ता आलर हिकनर का? ऎन हूँ अब्राहमसी बनस ता हिकदन।

इब्रानी 12:9

नाम गा नमन कोड़र'ऊ नम्‍है ई ख़ॆख़ेल ही बंगर गे म‍ईन नन्‍दत। अन्ने होले नम्‍है बॊलता ही बंगासी अउरिम कोड़हे तबे नू र'अना ती उज्‍जा गे चाड़ र'ई।