रोमी 3:9 - पुना गच्छरना NT (BSI)

⁹ होले नाम एन्‍देर ब'ओत? नाम यहूदीयत नन्ना आलर ती बॆस र'अदत का? कहियों मला। ऎम मुन्‍द दिम बाचकादत का यहूदीर अरा नन-यहूदीर ओर्मर पाप ही तबे नू र'अनर।

रोमी 3:9 ပူးပေါင်းရင်းမြစ်များ

लू‍कस 7:39

येसुसिन मंडी ओना गे मीख़का आ फरिसीस तंग्‍है जिया नू सोच'आ हेलरस का, “ईस धर्मेसी कत्‍था तिंगुस रहचका होले अख़'ओस दने का आसिन ऎंसड़'आ लगी आद नॆ तंग्‍है अरा एकासे मुक्‍का हवे, अरा आद गा मलदौ आली हवे।”

रोमी 1:18

नॆ मलदौ ती मानिम आबोन अर्बनर उइय्‍नर आर ही मलदौ अरा धर्मेसिन महबा मल नना ही बिड़दो नू धर्मेसी खींस मेर्ख़ा ती दहदर म‍नी।

रोमी 11:32

धर्मेस ओर्मारिन मल पॆस्रना नू बझर'आ चिच्‍चस, होले आस ओर्मर म‍इय्याँ सोग्‍गे ऎद'आ ओंग्दस।

रोमी 11:7

ईद एन्ने र'ई का, इस्राऎल आलर एका कत्‍थन बेद्दना नू रहचर अदिन उर्मीर गा पोल्‍लर ख़क्‍खा। लिकिन धर्मेसी ती चज्जिका जोक्‍क आलर अदिन ख़क्‍खियर। अरा बछ्रका आलर ही जिया बेड़हा मंजा केरा।

रोमी 2:1

औंगे अना नन्नर म‍इय्याँ नेंवई ननू आलारो, नीम नीक‍ईम हूँ र'ओर, नीम बछर'आ पोलदर। एका कत्‍था ही नीम आरिन बदी नन्‍दर, अत्रुम नीम हूँ बदी खत्तरदर। एन्‍देरगेका नीम एका बदी नन्नर म‍इय्याँ नन्‍दर आ मलदौ नलखन नीमिम नन्‍दर।

रोमी 3:1

यहूदी र'अना ती बग्‍गे एन्‍देर ख़क्‍खरा? अरा खतना ती एन्‍देर फैदा?

रोमी 3:19

नाम अख़दत का धर्मेसी पॆसका एन्‍देर ब'ई, इबड़ा पॆसका ही तबे नू र'ऊ आलर गे तिंगी। औंगे नाम उर्मी यहूदीर गे एन्‍द्रा हूँ ब'अना ही ओदहा मलकी। एन्ने गोट्टा ख़ॆख़ेल ता आलर गे धर्मेसी रायबड़ी नू तम्‍है लेखा चि'अना र'ई।

रोमी 3:5

एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

रोमी 6:15

होले नाम एन्‍देर ननोत? नाम पॆसका ही तबे नू मल र'अदत अरा धर्मेस नमन आसी मया आबोन ऎद्ददस, ख़ने नाम पाप नन्‍ते र'ओत का? कहियों मला।

रोमी 7:14

नाम अख़दत का नॆग धर्मेसी बॊलता ती बर'ई। लिकिन ऎन गा मॆद सुबहा आल हिकदन, पाप गे बिट्ठी ननू जॊंख़ बेसे बीसरका र'अदन।

1 कोरिन्‍थ 10:19

अन्ने होले, मूर्ती एन्‍द्रिइम हिके, महले मूर्ती गे अरगका दाँड़े एन्‍द्रिइम हिके, एन्ने ऎन ब'अदन का?

1 कोरिन्‍थ 14:15

औंगे ऎन एन्‍देर नन्‍ना चाड़ र'ई? ऎन बॊलता ती गोहरार'ओन, अरा मन ती हूँ गोहरार'ओन। ऎन बॊलता ती पाड़ोन, अरा मन ती हूँ पाड़ोन।

1 कोरिन्‍थ 4:7

एन्‍देरगेका नॆ हूँ निंगन नन्ना पत्त'उर ती कोड़हे मुध आलस एन्ने मल्‍ला कमचका। धर्मेसी नलख नना गे इन्द्रिइम निंग्‍है गुसन र'ई, आद धर्मेस ती बर'ई। औंगे अबड़ा आकुस धर्मेस निंगा गे चिच्‍चस एन्ने नीन मन्‍दय होले, अबड़न ओन्‍टा इनाम रूपे नू ख़क्‍खकय एन्ने मल सोच'अरकी एन्‍देरगे फुलई मन्‍दय?

गलातिया 3:10

औंगे एवंदा आलर नाड़र'आ गे नॆग नू असरा नन्नर, आर ओर्मर सर्पारनर। एन्‍देरगेका नेम्हा पुथी नू लिख्रकी र'ई, “नॆ नॆग ता लिख्रका उर्मी कत्‍था ही बेसे मल मन्‍नर, आस ओर्त ओर्त सर्पारदस।”

गलातिया 3:22

लिकिन नेम्हा पुथी ब'ई का नाम ओर्मत पाप ही आकुस नू र'अदत। एकत्रु येसु मसीस नू पत्त'अना ती पत्त'उर धर्मेसी गच्‍छरना आबोन ख़क्‍खनर नेकअन।

फिलिप्‍पी 1:18

लिकिन ईद कत्था मल्ली। ओड़हर ती मलता मानी ती, एकअम अन्ने, मसीसी दौ कत्‍था गा तेंग्रा। इदगेम ऎन कोड़हे रिझ्र'आ लगदन। हाँ ऎन अउरिम रिझ्रना बारी र'ओन।