रोमी 3:5 - पुना गच्छरना NT (BSI)

⁵ एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

रोमी 3:5 ပူးပေါင်းရင်းမြစ်များ

रोमी 12:19

दुलारो! अमके किर्त'अर बिड़द'आ, लिकिन धर्मेस तंग्‍है ख़ीस ती दंडे चि'आ गे आसी ख़ेक्खा नू अम्‍बा चि'आ, एन्‍देरगेका नेम्‍हा पुथी नू लिख्रकी र'ई, “उर्बस ब'अदस, ‘किर्त'अर बिड़द'अना एंग्‍है नलख हवे, ऎनिम किर्त'अर बिड़द'ओन।’”

रोमी 2:5

लिकिन नीम निम्‍है ढ़िट्ठी अरा पाप नन्नन मल अम्‍बना चड्डे धर्मेसी ख़ीस ऎदना ही उल्‍ला नू अउर हूँ कोड़हे दंडे बेंददर। आ उल्‍ला नू ओर्मर धर्मेसी ठौका नेंवई नन्नन ऎरोर।

रोमी 3:19

नाम अख़दत का धर्मेसी पॆसका एन्‍देर ब'ई, इबड़ा पॆसका ही तबे नू र'ऊ आलर गे तिंगी। औंगे नाम उर्मी यहूदीर गे एन्‍द्रा हूँ ब'अना ही ओदहा मलकी। एन्ने गोट्टा ख़ॆख़ेल ता आलर गे धर्मेसी रायबड़ी नू तम्‍है लेखा चि'अना र'ई।

रोमी 3:7

ओर्तोस ब'आ ओंग्दस, “एकाबारी ऎन ठक‍दन, ईद मानिम नू धर्मेसी महबा चि'ई, एकासे का एंग्‍है ठकवा धर्मेसी मानिम आबोन ईद'ई। होले एन्‍देरगे ऎन नेंवई नू पपहा टूड़र‍तारदन?”

रोमी 4:1

नाम एन्‍देर ब'ओत, नम्‍है यहूदीर ही पुरखा बंगस अब्राहमस पत्त'अना ही पत्त नू एन्‍द्रा सिख्रस?

रोमी 5:8

लिकिन नाम पपहा र'अना बेड़ा नू मसीस नमा गे केच्‍चस। इत्रु ती धर्मेस नम्‍है म‍इय्याँ ता तंग्‍है चोन्‍हन दहदर नन्‍दस।

रोमी 6:1

औंगे नाम एन्‍देर सोच'ओत? नाम पाप नन्ते बारिम र'ओत का, होले धर्मेसी मया अउरिम कोड़हे मनो का?

रोमी 6:19

ऎन निम्‍है मॆद सुबहा पयहा चड्डे निमन सेब्‍बा ती बुझ्र'आ गे ई कत्‍थन ब'अदन। नीम मुन्‍द निम्‍है मॆद ही अंग गुट्ठिन पाप अरा मलदौ गे जॊंख़ मना चिच्‍चकर, अरा नीम मलदौ गे लेका उज्‍जकर। अन्नेम नीम निमन उजगो उज्‍जना ही जॊंख़ मना गे चि'अना मनो। एकत्रु नीम नेम्‍हा मनोर क'ओर।

रोमी 7:7

होले एन्‍देर नाम ब'आ ओंग्‍दत? पॆसका मलदौ हवे का? कहियों मला! एकासे का नॆग मल रहचा होले ऎन पापन बल्‍लोन दने। नॆग नन्नर ही आलॊन चिबा अमके ख़ार'आ मल बाचका होले चिबाख़ारना पाप हवे अदिन ऎन बलका र'ओन दने।

रोमी 8:31

तहाँ नाम इबड़ा कत्‍था ही पत्त नू एन्‍देर ब'ओत? धर्मेस नम्‍है तरा र'अस होले, नम्‍है बिड़दो नॆ मना ओं‍गोर?

रोमी 9:30

होले नाम एन्‍देर ब'ओत? नन-यहूदीर उजगो मन्नन मल बेद्दा कुद्दालियर, लिकिन आर तम्‍है पत्त'अना ही चड्डे उजगो मंजर।

1 कोरिन्‍थ 15:32

ऎन इफेसुस नगरे नू ख़ॆख़ेल ता उज्‍जना गे लेका जंगल-मेक्‍खो लेक्खा अइय्या ता आलर गने अरबानख्रकन होले, एंगा एन्‍देर फैदा मनो? लिकिन केच्‍चकर उज्‍जा मल चो'ओर होले, “नाम ओनोत अरा मॊख़ोत, एन्देरगेका नॆला गा नाम खे'ओत” एन्ने ब'आ ओंगोत दने।

1 कोरिन्‍थ 9:8

ऎन इबड़ा कत्‍थन आलर ही ब'अना लेक्‍खा मल ब'अदन। धर्मेसी नॆग हूँ ई बेसेम ब'ई।

2 कोरिन्‍थ 6:4

लिकिन ऎम धर्मेसी मानिम जॊंख़म एन्ने उर्मी मदहे नू एम्है उज्‍जना ओक्‍कना ती ऎद्ददम। कोड़हे खतीर नन्ना नू, कलपारना नू, कीड़ा नू, सस्ती नू,

2 कोरिन्‍थ 7:11

नीम ऎरा का, नीम एका दुक्खेन धर्मेसी मने ही लेक्खा इंझ्रकर, अत्रु ती निमा एवंदा भगती आबोन कुन्द्रा। नीम बिगर बदी आलर एन्ने ऎद'आ गे एवंदा अंगियारदर, अरा एवंदा कैर नन्दर, अरा एवंदा इल्‍चदर, अरा एवंदा चीबाख़ारदर, अरा एवंदा रिझ, अरा नेंवई मन्नन ऎरा गे एवंदा मने नन्दर। ई लेक्‍खा नीम ई पत्त नू उर्मी तरती बिगर बदी मना गे पुरुब नंजकादर।

गलातिया 2:18

ओर्तोस यहूदीर ही ओर्मा नॆग आबोन नन्ना ती उजगो मना ओंग्‍दस, ऎन इदन अम्‍बकन चिच्‍चकन। लिकिन अउरिम अदिन नना गे पॆस्रदन होले ऎन ऎनिम एंगन बदी टिड़दन।

गलातिया 3:15

अना भईरो! उर्मी उल्‍ला ता उज्‍जनन जोखदन ती तेंगदन। आलर नू गच्‍छरना बड़ियर कम्रकी र'ई होले अत्रु नॆ हूँ जोड़'आ पोलनर महले अइय्या एन्‍देर हूँ घटाबआ पोलनर।

दहदर मंजका कत्‍था 15:3

अरा आर धर्मेसी जॊंख़स मूसासी डंडीन अरा भेंडो ख़द्द मसीसी डंडीन पाड़ियर, “अना उर्मी ती सवंगिय धर्मे उर्बायो, निंग्‍है नलख गुट्ठी कोहाँ अरा अजगुत र'ई। जुग गुट्ठी ही बॆलायो, निंग्‍है डहरे गुट्ठी उजगो अरा मानिम र'ई।

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”