रोमी 3:4 - पुना गच्छरना NT (BSI)

⁴ कहियों मला! ओर्मा आलर ठकवा मनोर क'ओर होले हूँ धर्मेस मानिम ब'अतेम र'ओस। एकासे का नेम्‍हा पुथी नू धर्मेसी पत्त नू लिख्रकी र'ई, “नीन निंग्‍है कत्‍था गुट्ठी ती उजगो बार'ओय, अरा निंग्‍है नेंवई बारी नीन जित'ओय।”

रोमी 3:4 ပူးပေါင်းရင်းမြစ်များ

मत्तायोस 11:19

लिकिन मनवा ख़द्दस बने उन्नुम मॊख़नुम बरचस। ख़ने आर ब'अनर का ईस पेट पोसा अरा उंखुस अरा मलगुजारी ऊज'उर अरा पपहर ही संगेस हवे। लिकिन धर्मेसी लूर अदही लेक्‍खा ईकुर ही नलख ती आद मानिम एन्ने ईथर'ई।”

लू‍कस 20:16

आस बर'ओस ती इबड़ा बटकी ठिका होच्चका उर्बारिन पिटोस, अरा अंगुर बटकी ही ठिका नन्‍ना उर्बर गे चि'ओस।” इदन आलर मेंजर ती बाचर, “धर्मेस एन्ने अम्‍बन नना नेक‍अन।”

यॊहनस 3:33

नॆ आसी गोवाह आबोन पत्त'अदस, आस धर्मेस मानिम जॊगे र'अदस एन्ने ऎदस।

रोमी 11:1

तहाँ ऎन मेन्‍दन का धर्मेस तंग्‍है आलारिन अम्‍बियस चिच्चस का? कहियों मला! ऎन हूँ गा इस्राऎल आलन हिकदन, अब्राहमसी बनस तन अरा बेनियमिनसी गोतर तन।

रोमी 11:11

औंगे ऎन मेन्‍दन, “एन्‍देर यहूदीर मूड़ना चड्डे सदौ गे नठार ख़च्चिकानर का?” कहियों मला! आर ही अक्‍का-बलका गुट्ठी ही चड्डे नन-यहूदीर गे नाड़रना ख़क्‍ख्रकी र'ई, एकत्रु यहूदीर नाड़रना ख़क्‍खा गे हराजीता मनोर।

रोमी 3:31

होले नाम ई पत्त'अना ती पॆसकन मेटदत का? कहियों मला। नाम पॆसकन कोड़हे बड़ियर नन्‍दत।

रोमी 6:15

होले नाम एन्‍देर ननोत? नाम पॆसका ही तबे नू मल र'अदत अरा धर्मेस नमन आसी मया आबोन ऎद्ददस, ख़ने नाम पाप नन्‍ते र'ओत का? कहियों मला।

रोमी 6:2

कहियों मला! मानिम नू अन्ने नन्ना मल्ला। नाम गा पाप नन्नन अम्‍बकत ती पाप नना गे केच्‍कत केरकत, ख़ने नाम अउरिम पाप नन्‍ते उज्‍जा पोलदत।

रोमी 7:13

एन्ने होले एका कत्‍था दौ रहचा, आदिम एंगा गे खे'अनन ओन्‍द्रा का? कहियों मला! ईद पाप ही नलख हिके। पापन पाप एन्ने ऎद'आ गे एका नॆग दौ रहचा, अत्रु तिम पाप एंगा खे'अना ही ओदहा मंजा। ख़ने पॆसका इदिन दहदर ननी का पाप एका कोड़हे मलदौ र'ई।

रोमी 7:7

होले एन्‍देर नाम ब'आ ओंग्‍दत? पॆसका मलदौ हवे का? कहियों मला! एकासे का नॆग मल रहचा होले ऎन पापन बल्‍लोन दने। नॆग नन्नर ही आलॊन चिबा अमके ख़ार'आ मल बाचका होले चिबाख़ारना पाप हवे अदिन ऎन बलका र'ओन दने।

रोमी 9:14

तहाँ नाम एन्‍देर ब'ओत? एन्‍देर धर्मेस भितरी बहरी मनदस का? कहियों मला।

1 कोरिन्‍थ 6:15

एन्‍देर नीम बलदर का निम्‍है मॆद मसीसी अंग हवे? अन्ने होले ऎन मसीसी अंगन हो'ओन ती नन्ना आलस गुसन कालू आली ही अंग कम'ओन चि'ओन का? कहियों मला।

2 कोरिन्‍थ 1:18

लिकिन धर्मेस पत्त'अना जॊगे र'अदस, अन्नेम एम्‍है कत्‍था निमा गे “हाँ” एन्ने बाचका ख़ॊख़ा “मला” एन्ने ब'अना लेक्‍खा मल्‍ला।

गलातिया 2:17

नाम मसीस नू असरा नन्ना ती उजगो आल मना गे बेद्ददत, जोक्को यहूदीर नमन पपहा ब'अनर, एन्‍देरगेका नाम ओर्मा यहूदी नॆगन मल पॆस्रदत। होले इदही मने एन्ने का येसुस नमन पाप नना गे चि'अदस? कहियों मला!

गलातिया 2:21

ऎन धर्मेसी मया आबोन अयंध'आ ठेकाब'आ पोलदन। नॆग ती उजगो मन्‍ना मनी होले मसीसी खे'अना सिथिया मंजा।

गलातिया 6:14

ऎन गा नम्‍है येसु मसीसी क्रुस आबोन अम्‍बरकी नन्‍ना एकअम कत्‍था नू फुल‍ई मल मन्दन नेक‍अन। मसीसी ई क्रुस ही चड्डे एंगा ख़ॆख़ेल ता मया मॊख़ क्रुस नू ठोकरकी र'ई, अरा ऎन हूँ ई ख़ॆख़ेल ता मया मॊख़ा गे क्रुस नू ठोकरकन।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

तीतुस 1:2

ई पत्त'अना अरा लूर जनमजुग उज्‍जना ही असरा नू ती बर'ई एकाद धर्मेस ख़ॆख़ेलन गढ़ना ही मुन्‍द तिम गच्‍छरकादस। अरा धर्मेस मल ठकदस।

इब्रानी 6:18

औंगे धर्मेस गच्‍छरस अरा किरया मोक्‍खस। इबड़ा ऎंड़ कत्‍था मल बदलार'ओ, एन्‍देरगेका धर्मेस ती ठकवा ब'अना कहियों मल मनो। औंगे नम्‍है मुन्‍दहारे उइय्का र'ई आ असरा आबोन ख़क्‍खा गे नाम धर्मेस हेद्दे बोंगालदत। नमन बड़ियर गने रिझ्रत'आ गे धर्मेस एन्ने नंजस।

1 यॊहन 5:10

एकास धर्मेसी ख़द्दस मइय्याँ पत्त'अदस, आस तंग्है जिया नू अख़दस का धर्मेसी ई गोवाह मानिम र'ई। अरा एकास धर्मेसिन मल पत्त'अदस, आस धर्मेसिन ठकवा कमदस, एन्देरगेका धर्मेस तंग्है ख़द्दासी पत्त नू तिंका गोवाहन आस मल पत्ताचस।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: