रोमी 3:29 - पुना गच्छरना NT (BSI)

²⁹ ईद मानिम का धर्मेस यहूदीर ही लेका धर्मेस हिकदस का? आस नन-यहूदीर ही धर्मेस मल्‍दस का? आस मानिम नन-यहूदीर ही हूँ धर्मेस हिकदस।

रोमी 3:29 ပူးပေါင်းရင်းမြစ်များ

मत्तायोस 22:32

‘ऎन अब्राहम अरा इसाक अरा याकॊबसी धर्मे हिकदन।’ आस केचका आलर ही धर्मे मलदस, लिकिन आस उज्‍जना आलर ही धर्मेस हिकदस।”

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

त‍इरकर 10:34

पतरस ब'आ हेलरस, “ऎन अक्‍कु बड़ियर लगे बुझ्रकन का धर्मेस नॆकन हूँ तीना मल ख़ाँड़दस।

त‍इरकर 22:21

ख़ने आस एंगन बाचस, ‘कला, एन्‍देरगेका ऎन निंगन गेच्‍छा नू नन-यहूदी आलर गुसन त‍इय्योन।’”

त‍इरकर 26:17

ऎन निंगन निंग्‍है आलर ती अरा नन-यहूदीर ती हूँ नाड़ोन।

त‍इरकर 9:15

लिकिन उर्बस हनानियासिन बाचस, “कला, आस गा नन-यहूदी आलर अरा बॆलर अरा इस्राऎल आलर नू एंग्‍है पत्त नू तेंगा गे ऎन चज्जिका आलस हिकदस।

रोमी 1:16

ऎन गा दौ कत्‍थन मेन्‍त'आ गे मल लज्‍जरदन। ईदिम पत्त'ऊ आलर ओर्मर गे मुन्‍द यहूदीर गे अरा ख़ॊख़ा नन-यहूदी आलर गे नाड़रना ही धर्मेसी सवंग ही डहरे हिके।

रोमी 10:12

यहूदीर अरा नन-यहूदीर नू एन्‍देर हूँ भोड़ मलकी, ओर्मर ही ओन्‍टे लेका उर्बस र'अदस। आसिम सहाड़ा गे आसिन गोहरारनर अबड़ा ओर्मारिन बरकत नन्‍दस।

रोमी 15:16

नन-यहूदीर गे मसी येसुसी जॊंख़ मंजकन। ऎन आसी दौ कत्‍थन सिखाब'अना ती नैगस लेक्‍खा धर्मेसी तेतर-सुसर नंजकन। होले नन-यहूदीर नेम्‍हा बॊलतस ती नेम्‍हा मंजका ती धर्मेस गे इंझ्रना दाँड़े बेसे मना ओंगोर।

गलातिया 3:14

ईद इदगे मंजा का मसी येसुस ती अब्राहमसी आसीस नन-यहूदीर गे हूँ ख़क्‍ख्र'आ गे आस नमन नाड़ियस। अरा नम्‍है पत्त'अना ती ई बॊलतस नमा ख़क्‍‍ख्र'आ ओंग्‍दस एकासी पत्त नू गच्‍छरकी रहचा।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।