रोमी 3:27 - पुना गच्छरना NT (BSI)

²⁷ औंगे नॆका हूँ फुल‍ई नना गे अड्डा र'ई का? अदगे अड्डा मल‍की। एन्‍देरगे एन्‍ने मलकी? उजगो मनरकी धर्मेस ती इंझ्रतारना पॆसका आबोन पॆस्रना ती मला लिकिन पत्त'अना ती मनी।

रोमी 3:27 ပူးပေါင်းရင်းမြစ်များ

मरकुस 16:16

नॆ पत्त'अरकी एंग्‍है नामे नू नॊड़र'ओस आसिन धर्मेस बछाब'ओस। अरा नॆ मल पत्त'ओस आसिन धर्मेस दंडे चि'ओस।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

रोमी 10:5

मूसस नॆग लेक्‍खा उजगो मन्ना ही पत्त नू लिखदस, “एका ओर्तस इबड़ा नॆग नू बाचका उर्मी कत्‍थन पॆस्र'ओस आस गे इत्रु ती उज्‍जना ख़क्ख्र'ओ।”

रोमी 11:6

अन्‍ति आस आरिन तंग्‍है मया ती चा‍जदस होले ईद आर ही दौ नलख गुट्ठी ती मलकी। मला होले धर्मेसी मया मानिम मया मल र'ओ।

रोमी 2:17

अक्‍कुन नीन निंगन यहूदी ब'अदय अरा धर्मेसी पॆसका ही म‍इय्याँ भरसा उइय्‍दय अरा धर्मेसी अरा निंग्‍है मझी ता नता ही पत्त नू फुल‍ई मन्‍दय।

रोमी 2:23

नीन धर्मेसी पॆसकन अख़दन ब'अदय ती फुल‍ई मन्‍दय, लिकिन नीन पॆसकन टाड़दय ती धर्मेसी म‍ईन मल नन्‍दय।

रोमी 3:19

नाम अख़दत का धर्मेसी पॆसका एन्‍देर ब'ई, इबड़ा पॆसका ही तबे नू र'ऊ आलर गे तिंगी। औंगे नाम उर्मी यहूदीर गे एन्‍द्रा हूँ ब'अना ही ओदहा मलकी। एन्ने गोट्टा ख़ॆख़ेल ता आलर गे धर्मेसी रायबड़ी नू तम्‍है लेखा चि'अना र'ई।

रोमी 3:26

ई परिया नू तंग्‍है उजगो आबोन ऎद'आ गे धर्मेस येसुसिन चिच्‍चस। धर्मेस इदिन एन्ने ऎद'आ गे नंजस का आस ठौका ती नेंव‍ई नना ओंग्दस, अउर हूँ आस येसुस म‍इय्याँ पत्त'उरिन उजगो कमदस।

रोमी 4:2

अब्राहमस तंग्‍है नलख गुट्ठी ती उजगो मंजका होले, आस गे फुल‍ई नना गे अड्डा र'ई। लिकिन आस धर्मेस गुसन फुल‍ई नना गे अड्डा मलकी।

रोमी 7:21

औंगे एंग्‍है अख़ना ईद र'ई, एकाबारी ऎन दौ नना बेद्ददन होले एंग्‍है नू र'ई आ मलदौ एंगन दौ नना मल चि'ई।

रोमी 7:23

लिकिन ऎन एंग्‍है मॆद ही अंग गुट्ठी नू मॆद सुबहा नलख ननी अदिन अगम'अदन। ईद एकदन ऎन जिया नू पत्तारदन आ धर्मेसी नॆग गने बिच्‍छानख्र‍'ई। मॆद सुबहा एंग्‍है मॆद नू नलख ननी आद पाप ही नॆग हिके। अरा आद एंगन अदही गुड़रका कम'ई।

रोमी 7:25

धर्मेस दिम नम्‍है उर्बस येसु मसीस ती नाड़ोस। ऎन धर्मेस गे धन्‍यवाद चि'अदन। ख़ने एंग्‍हा जिया नू ऎन धर्मेसी नॆग ही जॊख़ र'अदन, लिकिन एंग्है मॆद सुबहा ती ऎन पाप ही नॆग ही जॊंख़ हिकदन।

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

रोमी 9:11

दुयो ख़द्दर अक्‍कु गूटी कुन्‍द्र'आ हूँ मल कुन्‍द्रका रहचर। धर्मेस रेबेक्‍का ती बाचस, “जेट्ठा ख़द्दस सन्नी ख़द्दासी जॊंख़ मनोस।” ईद गा ख़द्दर इन्द्रिइम दौ महले मलदौ मल नंजका रहचर अदही मुन्‍द बातारा। धर्मेस इदिन इदगे बाचस का एकास चज्‍जरदस आस धर्मेसी चितापूता गे चज्‍जरदस। एकदा आलर ही दौ नलख ती मला लिकिन मीख़ुसी मने ती मनी।

रोमी 9:31

इस्राऎल आलर गा उजगो मना गे नॆगन पॆस्रर ती पूरा नना गे बेद्दा कुद्दालियर, लिकिन अदिन आर मल ख़क्‍खियर।

रोमी 9:32

एन्‍देरगे मल ख़क्‍खियर? एन्‍देरगेका आर पत्त'अना ती मला लिकिन तम्‍है नलख गुट्ठी ती अदिन ख़क्‍खा बेद्दालियर। अरा आलारिन मूड़ना ही पखना नू मुड्डियर।

1 कोरिन्‍थ 4:7

एन्‍देरगेका नॆ हूँ निंगन नन्ना पत्त'उर ती कोड़हे मुध आलस एन्ने मल्‍ला कमचका। धर्मेसी नलख नना गे इन्द्रिइम निंग्‍है गुसन र'ई, आद धर्मेस ती बर'ई। औंगे अबड़ा आकुस धर्मेस निंगा गे चिच्‍चस एन्ने नीन मन्‍दय होले, अबड़न ओन्‍टा इनाम रूपे नू ख़क्‍खकय एन्ने मल सोच'अरकी एन्‍देरगे फुलई मन्‍दय?

गलातिया 2:16

अन्नु हूँ नाम अख़दत, आलर नॆग ही नलख ती मला, लिकिन येसु मसीसिन पत्त'ओर ती उजगो आल मनोर। इदगे नाम मसी येसुस नू पत्ताचकादत, एकत्रु नाम नॆग ही नलख ती मला, लिकिन येसु मसीस नू पत्त'अना ती उजगो आल मनोत, एन्‍देरगेका नॆग ही नलख ती नॆ हूँ उजगो मना पोल्‍लोर।”

गलातिया 3:22

लिकिन नेम्हा पुथी ब'ई का नाम ओर्मत पाप ही आकुस नू र'अदत। एकत्रु येसु मसीस नू पत्त'अना ती पत्त'उर धर्मेसी गच्‍छरना आबोन ख़क्‍खनर नेकअन।