रोमी 3:2 - पुना गच्छरना NT (BSI)

² उर्मी तरती ढ़ॆर बग्‍गे ख़क्‍खरा। उर्मी ती मुन्‍द धर्मेसी कत्‍था गुट्ठी यहूदीर गे थोपरा।

रोमी 3:2 ပူးပေါင်းရင်းမြစ်များ

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

त‍इरकर 7:38

ई मूसस दिम इस्राऎल खोंड़हा गने टोड़ंग नू रहचस। अरा सीनाय परता नू तंग्‍है गने कछनख्रका मेर्ख़ा पैकस गने रहचस अरा नम्‍है पूरखर गने रहचस। आस उज्‍जनन चि'अना पॆसकन धर्मेस ती ख़क्‍खियस अरा आ पॆसकन नमा चिच्‍चस।

रोमी 1:2

धर्मेस ई दौ कत्‍थन मुन्‍द तिम नेम्‍हा पुथी नू तंग्‍है कत्‍था तिंगुर ती गच्‍छरका रहचस।

रोमी 2:18

अरा नीन पॆसकन सिख्रकय ती नीन एन्‍देर नना गे धर्मेस बेद्ददस अदिन अख़दय। अरा एन्‍द्रा दौ अरा मलदौ र'ई अदिन हूँ नीन अख़दय।

रोमी 3:1

यहूदी र'अना ती बग्‍गे एन्‍देर ख़क्‍खरा? अरा खतना ती एन्‍देर फैदा?

रोमी 3:3

जोक्‍क यहूदीर धर्मेसिन मल पत्ताचकर। होले ईर ही मल पत्त'अना ती धर्मेस तंग्‍है गच्छरका आबोन अम्‍बोस चि'ओस का?

रोमी 9:4

आर इस्राऎल आलर हिकनर, अरा धर्मेसी गोद उइय्‍का ख़द्दर हिकनर। अरा आर धर्मेसी महबा आबोन ईरका र'अनर। अरा आर गे धर्मेसी अरा तम्‍है गने ता धर्मेसी गच्‍छरना र'ई। अरा धर्मेस आर गे चिच्का मूसासी पॆसका अरा महबा नन्ना ही नॆग अरा गच्‍छरना गुट्ठी र'ई।

1 कोरिन्‍थ 9:17

ऎन इदन एंग्‍है मने ती नन्‍दन होले, एंगा गे इनाम ख़क्‍ख्र'ओ। लिकिन ऎन एंग्‍है मने ती मल नन्‍दन होले हूँ, एंगा चीरकी र'ई आ नलखन दिम ऎन नन्‍दन।

2 कोरिन्‍थ 5:19

ईद एन्ने हिके का धर्मेस ख़ॆख़ेल ता ओर्मा आल जातियर ही अक्‍का-बलका गुट्ठिन मल गन'अरकी आरिन मसीस नू तंग्‍है गने मेसाबाचस ती ई मेसाब'अना ही कत्थन एमा सोंपचकादस।

गलातिया 2:7

आर मनचर एकासे का धर्मेस यहूदीर ही मझी नू दौ कत्‍थन तेंगा गे पतरसिन तइय्काचस। अन्नेम एंगन हूँ नन-यहूदीर मझी नू दौ कत्‍थन तेंगा गे धर्मेस तइय्‍कादस।

1 तीमोथियुस 6:20

अना तीमोथियुस धर्मेस निंगा सोंपचकादस अदन ख़ापा। अरा महबा मलका ब'अनन अरा एकाद लूर मल्‍ला अदिन लूर ब'अरकी मलदौ कछनख्रना ती तरकूटी र'आ।

इब्रानी 5:12

ई बेड़ा गूटी गा निमा धर्मेसी कत्‍था ही सिखाब'ऊ मन्‍ना रहचा, लिकिन नीम गा एन्ने दसा नू र'अदर का अउर ओर्तस पारेड़ मुन्‍द निमा गे धर्मेसी कत्‍थन ऒर तिम सिखाब'अना ही चाड़ र'ई। नीम गा अक्‍कु गूटी बॊलॊ ख़द्दर लेक्‍खा र'अदर, नॆका मंडी ही मला दुदही ही चाड़ र'ई।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।

दहदर मंजका कत्‍था 19:10

इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”

दहदर मंजका कत्‍था 22:6

फेन आ मेर्ख़ा पैकस एंगन बाचस, “इबड़ा कत्‍था पत्त'अना जॊगे अरा मानिम र'ई। धर्मे उर्बस नॆ तंग्है कत्था तिंगुर ही बॊलता गुट्ठिन तंग्है तबे नू नन्दस, आस चाँड़हे मन्ना ही चाड़ र'अना कत्था गुट्ठिन तंग्है जॊंख़र गे ऎद'आ गे तंग्है पैकासिन तइय्कादस।”