रोमी 3:10 - पुना गच्छरना NT (BSI)

¹⁰ एकासे नेम्‍हा पुथी नू लिख्रकी र'ई, “नॆ हूँ धर्मेसी ऎरना नू उजगो मल्‍ला, ओर्त हूँ मला।

रोमी 3:10 ပူးပေါင်းရင်းမြစ်များ

मत्तायोस 15:19

एन्‍देरगेका मलदौ सोच, आल पिटना, नन्ना आली गुसन काना, पेहरन ही सोतरा नलख, ख़ड़ना, ठकवा गोवाह चि'अना अरा निंदा नन्ना जिया तिम उरखी।

मरकुस 10:18

ख़ने येसुस आसिन बाचस, “नीन एंगन बॆस एन्‍देरगे ब'अदय?, धर्मेसिन अम्‍बरकी नॆ हूँ बॆस मलकर।

रोमी 11:8

एकासे का नेम्‍हा पुथी नू लिख्रकी र'ई, “धर्मेस आर गे पयहा लूर आबोन चिच्‍चस। ख़ने आर इन्ना गूटी तम्‍है ख़न्न ती ऎरा पोल्‍लर अरा ख़ेबदा ती मेना पोल्‍लर।”

रोमी 3:11

नॆ हूँ धर्मेसी पत्त नू बुझ्र'ऊ मल्‍ला, नॆ हूँ धर्मेसिन बिद्दू मलनर।

रोमी 3:23

एन्‍देरगेका ओर्मर पाप नंजका र'अनर अरा धर्मेसी महबा ही जॊगे मल र'अनर।

रोमी 3:4

कहियों मला! ओर्मा आलर ठकवा मनोर क'ओर होले हूँ धर्मेस मानिम ब'अतेम र'ओस। एकासे का नेम्‍हा पुथी नू धर्मेसी पत्त नू लिख्रकी र'ई, “नीन निंग्‍है कत्‍था गुट्ठी ती उजगो बार'ओय, अरा निंग्‍है नेंवई बारी नीन जित'ओय।”

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

1 पतरस 1:16

एन्‍देरगेका नेम्‍हा पुथी नू लिख्रकी र'ई, “ऎन नेम्‍हा र'अदन, औंगे निमा हूँ नेम्हा र'अना र'ई।”

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।