रोमी 2:3 - पुना गच्छरना NT (BSI)

^3-4 अना आलारो, नीम मलदौ नलख ननुर ही नेंवई नन्‍दर, लिकिन नीमिम एन्ने नलख नन्‍दर। धर्मेस निमन कोड़हे चोन्‍हा नन्‍दस अरा सह‍दस अरा निमन सोग्‍गे ऎरदस। ई चड्डे नीम एन्ने सोचदर का धर्मेसी नेंवई नन्ना ती बछर'ओर? नीम गा आसी चोन्‍हा ही पत्त नू मल सोचदर अरा आसी चोन्‍हन मल बुझ्रदर का नीम जियन किर्त'आ गे धर्मेस मोका गुट्ठी चि'आलदस।

रोमी 2:3 ပူးပေါင်းရင်းမြစ်များ

मत्तायोस 23:33

अना नेर्रे अरा करैत गुट्ठी लेक्‍खा बिक्‍ख ती निन्‍दका आलारो, नीम नरक ही मुंजा मलका दंडे ती एकासे बछ्र'ओर?

मत्तायोस 26:53

नीन एन्‍देर बलदय का ऎन एंग्‍है बंगासिन गोहरार'आ ओंग्‍दन, अरा आस मेर्ख़ा पैकर ही बारा फउदन ती बग्‍गे तइय्योस चि'ओस दने?

लू‍कस 12:14

लिकिन येसुस आसिन बाचस, “अना आलायो! नॆ एंगन निम्‍है म‍इय्याँ नेंव‍ई ननू महले बटा ख़ट्टू कमचकी र'ई।”

लू‍कस 22:58

अरा एगघड़ी ख़ॊख़ा नन्ना ओर्तस आसिन ईरियस ती बाचस, “नीन हूँ आर ही मदहे ता हिकदय।” ख़ने आस बाचस, “अना आलायो, ऎन आर ही मदहे ता मलदन।”

लू‍कस 22:60

ख़ने पतरस बाचस, “अना आलायो, ऎन बलदन का नीन एन्‍देर ब'आलदय?” अरा आस एन्ने ब'आलियस ख़नेम ख़ॆर चींख़िया।

रोमी 1:32

आर गा धर्मेसी ई नॆगन अख़नर का एन्ने एन्ने नलख ननुर खे'अना दंडे ही जॊगे र'अनर। अन्नु हूँ आर ताम लेका एन्ने मल नन्नर, लिकिन एन्ने नलख ननू आलर ती हूँ रिझ्रनर।

रोमी 2:1

औंगे अना नन्नर म‍इय्याँ नेंवई ननू आलारो, नीम नीक‍ईम हूँ र'ओर, नीम बछर'आ पोलदर। एका कत्‍था ही नीम आरिन बदी नन्‍दर, अत्रुम नीम हूँ बदी खत्तरदर। एन्‍देरगेका नीम एका बदी नन्नर म‍इय्याँ नन्‍दर आ मलदौ नलखन नीमिम नन्‍दर।

रोमी 2:2

नाम अख़दत का एन्ने मलदौ नलख ननुर म‍इय्याँ धर्मेस ठौका दंडे चि'ओस।

रोमी 9:20

अना आलायो! नीन एका ओर्तय? नीन आल लेका र'अदय, नीन धर्मेसिन आनाकिर्त'ओय का? ओन्‍टा गढ़चका आलॊ गढ़'उसिन ब'आ उंगी का नीन एंगन एन्ने एन्‍देरगे गढ़चकय?

1 थेस्‍सलोनिकॆयर 5:3

आलर कछनख्र'ओर, “ऎम कोड़े र'अदम अरा अपलोक नू मलकम।” आ बेड़ा नू ओन्‍टा ओत्‍था ऎख़ आली गे एकासे नुंजना बर'ई अन्नेम आचका ही आर ही मइय्याँ कोहाँ सस्ती बर'ओ। आ बारी अबड़ा आलर मल बछ्र'ओर।

इब्रानी 12:25

औंगे चिहुंक र'आ का निम्‍है गुसन ब'ऊ धर्मेसिन मेना गे बिड़दो मुंही अमा नना। ख़ॆख़ेल नू मूसासी चेताब'अनन मेना गे इस्राऎल आलर बिड़दो मुंही नंजर ती आर पोल्‍लर बछर'आ। अन्ने होले नाम मेर्ख़ा ती चेताब'उसिन मेना गे बिड़दो मुंही ननोत ती एकासे बछर'ओत?

इब्रानी 2:3

औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।