रोमी 2:26 - पुना गच्छरना NT (BSI)

²⁶ एन्नेम नन-यहूदीर खतना मल मंजका र'अनर। लिकिन आर पॆसका एन्‍देर ब'ई अदिन पॆस्रनर होले, ईद आर ही खतना मंजका बेसे र'ई।

रोमी 2:26 ပူးပေါင်းရင်းမြစ်များ

मत्तायोस 15:28

तहाँ येसुस आनाकिर्ताचस, “अनय ख़द्दो, निंग्‍है पत्त'अना कोहाँ र'ई, एकन्ने नीन बिद्दिन अन्नेम निंगा मनन।” अरा तंग्‍दा आ बारिम कोड़े मंजा केरा।

रोमी 2:25

नीम खतना मंजका चड्डे नीम पत्त'अदर का नीम धर्मेस ती चजरकादर। नीन धर्मेसी पॆसकन पॆस्रदय होले गा खतना ही नफा र'ई। लिकिन नीन पॆसकन मल पॆस्रदय होले, निंग्‍है खतना बिगर खतना ही लेक्‍खा मनी।

रोमी 2:27

निमा यहूदीर गे लिख्रका पॆसका र'ई अरा निम्‍है खतना मंजकी र'ई, लिकिन नीम पॆसकन टाड़दर। औंगे एका ओर्तर तम्‍है कया नू खतना मल्‍ला मंजका, लिकिन आर पॆसकन पॆस्रनर, आर निमन बदी ननोर।

रोमी 3:30

एन्‍देरगेका ओर्त लेका धर्मेस र'अदस। आसिन इंझ्रना ही ओन्‍टे लेका डहरे र'ई। आस खतना नंजका आलारिन पत्त'अना ती आरिन उजगो मन्‍दस। अरा बिगर खतना नंजका आलारिन हूँ पत्त'अना ती लेका उजगो मन्‍दस।

रोमी 8:4

धर्मेस इदिन इदगे नंजस का पॆसका नम्‍है एकासे उज्‍जनन बिद्दी अन्ने नाम उज्‍जा ओंग्‍दत। अक्‍कु नाम मॆद ही सुबहा लेक्‍खा मलकी लिकिन बॊलतासी मने लेक्‍खा उज्‍जदत।

गलातिया 6:15

नाम खतना मंजकत महले मल मंजकत, ईद मुध मला। लिकिन नमा पुना आल मन्ना ईद मुध र'ई।

इफेसुस 2:11

औंगे सुरता नना का मुन्द नीम नन-यहूदीर रहचकर, अरा कया नू आलर ही ख़ेक्खा ती खतना मंजका अबड़ा आलर ती नीम खतना मल्‍ला मंजका बारतारकर।

फिलिप्‍पी 3:3

एन्‍देरगेका मॆद ही पत्त ता कत्था गुट्ठी नू असरा मल उइय्यदत ती, अरा धर्मेसी बॊलतासी संगरा ती महबा नन्दत ती, अरा मसी येसुस नू फुलई मनू नाम दिम मानिम नू खतना मंजका आलर हिकदत।

कोलोस्से 2:11

नीम निम्है पाप ही सुबहा आबोन अम्बका ती नीम हूँ मसीस नू खतना ख़क्खकादर। ई खतना आलर ही ख़ेक्खा ती मल मंजकी र'ई, लिकिन मसीस ती मंजकी र'ई।